मराठी साहित्य – कवितेचा उत्सव ☆ टाक ☆ श्री मुबारक बाबू उमराणी

By Hemant BawankarNo Comments

श्री मुबारक बाबू उमराणी

 

☆ कवितेचा उत्सव ☆ टाक ☆ श्री मुबारक बाबू उमराणी ☆

वारा नसतांही

पांगले ते पक्षी

आसमंतातच

कोरीतच नक्षी

 

प्रखर बाणांच्या

ऊन्हांच्या त्या झळा

घसा कोरडाच

सोशितच कळा

 

गावातून वाहे

काळेनिळे पाणी

तेजाब ते पित

करपली वाणी

 

झाडांच्या  झुंडीत

रासच पानांची

बासरी अबोल

बेचैन कान्हाची

 

जागोजागी दिसे

सांडलेले पंख

चांदणेही आले

मारीतच डंख

 

पक्षी घालेनात

नदीकाठी गस्ती

झाडात फुलेना

पाखरांची वस्ती

 

गर्दीत मिळेना

कोणालाच थारा

सुकुनच गेला

ममतेचा झरा

 

गावोगावी उडे

टाररस्ता घुळ

कापीतच गेले

झाडांचेच मुळ

 

बेचैन  होऊनी

सारे मारी हाक

पानावर आज

चालेनाच टाक

 

© श्री मुबारक बाबू उमराणी

शामरावनगर, सांगली

मो.९७६६०८१०९७.

≈ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित ≈

Please share your Post !

Shares

मराठी साहित्य – कविता ☆ साप्ताहिक स्तम्भ # 72 – विजय साहित्य – भारतीय मी ☆ कविराज विजय यशवंत सातपुते

By Hemant Bawankar1 Comment

 कविराज विजय यशवंत सातपुते

☆ साप्ताहिक स्तम्भ # 72 – विजय साहित्य – भारतीय मी ☆ कविराज विजय यशवंत सातपुते ☆

(अष्टाक्षरी रचना)

पद, पैसा, प्रतिष्ठेत

हवी जाग्रृत सन्मती

कार्यरत कर्तृत्वाने

यश कीर्ती मिळे गती. . . !

 

भारतीय मी जाहलो

आशिर्वाद माऊलीचा

मतदान अधिकार

संविधान प्रणालीचा….!

 

भारतीय शब्द दावी

प्रकाशाची नवी वाट

ध्येय प्राप्ती देई यश

चैतन्याचा मनी लाट….!

 

भारतीय नाही पद

आहे एक  अधिकार

कार्य प्रवणता हवी

नको गर्व  अहंकार. . . . !

 

कष्टसाध्य कर्तृत्वाचे

भारतीय आहे फळ

उतू नये, मातू नये .

कार्याप्रती कळकळ .. . . . !

 

ज्याने दाखवली वाट

त्याला कधी सोडू नये.

देशभक्ती, देशसेवा

गुरूजना टाळू नये. . . . . !

 

भारतीय शब्दामधे

आहे माणसाचे रूप .

पदोपदी जाणवते

त्याचे सगुण स्वरूप…!

 

© विजय यशवंत सातपुते

यशश्री, 100 ब दीपलक्ष्मी सोसायटी,  सहकार नगर नंबर दोन, पुणे 411 009.

मोबाईल  9371319798

≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित  ≈

Please share your Post !

Shares

मराठी साहित्य – कवितेचा उत्सव ☆ मनसूर्य ☆ सौ.अश्विनी कुलकर्णी

By Hemant BawankarNo Comments

☆ कवितेचा उत्सव ☆ मनसूर्य ☆ सौ.अश्विनी कुलकर्णी ☆

कॅनव्हास वरील चित्रात

नेहमीच सूर्य कुठे दिसतो?

तरीही उजळतो आसमंत,

दिसतात हिरव्या ओल्या रेषा

रेषांच्या विविध छटा…आणि

ऐकूही येते खळखळ नद्यांची

आकाशाने कवेत घेतलेले पक्षी… त्यांच्या कुशीत आश्वस्त ,

वाटून घेणारे डोंगर….

 

दिसतं….

 

आकाश आणि नदीच अद्वैत…

आकाश आणि डोंगरांचे अद्वैत…

कधी झाडाचं…लता पल्लवीचं…

तर कधी साऱ्या सृष्टीचं अद्वैत….

त्या आकाशाशी!!

चित्रात सूर्य नसतानाही….

 

मग असाच एक मनसूर्य

प्रत्यक्ष प्रकट न होणारा … काळोखातूनही उजेड प्रसवणारा….

मुठीएव्हढ्या अंधारात वसलेल्या हृदयातून ,

तेजाळणाऱ्या गीतांना ताल देणारा…

तर कधी….

पान, फुल, सरिता, आभाळ होऊन त्यांना रंग नी रूप देणारा….

आणि तिमिरातूनही,

चैतन्याची वाट दाखवणारा,

आणि जीवनाच्या सुंदरतेशी,

अद्वैत करवणारा….

पडद्यामागचा कलाकार!

पडद्यामागचा कलाकार!

 

© सौ अश्विनी कुलकर्णी

सांगली  (महाराष्ट्र)

मो – 9421225491

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित  ≈

Please share your Post !

Shares

मराठी साहित्य – कवितेचा उत्सव ☆ लागला मिसळण्या अश्रुधूर ☆ श्री शुभम अनंत पत्की

By Hemant BawankarNo Comments

श्री शुभम अनंत पत्की

☆ कवितेचा उत्सव ☆ लागला मिसळण्या अश्रुधूर ☆ श्री शुभम अनंत पत्की ☆

प्रसन्न वातावरण होते किती,

दिवस हा होता पवित्र किती

लागले गालबोट या नेत्यांमुळे,

पोलिसांचे कोंडले श्वास किती

 

लोकशाहीचं आदर्श मॉडेल,

स्विकारले होते आज देशाने

प्रजासत्ताक चिरायु होण्याचे,

७२ सोहळे झाले शांततेने

 

पोलिसांनी तारलं होतं,

कोरोनामध्ये सर्वांना

तुम्ही का चिरडलं आज,

गवत समजून दुर्वांना

 

करा कितीही सारवासारव,

ऊरात राहिल खदखद सर्वदूर

दिल्लीचे हे असह्य प्रदूषण,

लागला मिसळण्या अश्रुधूर

 

© श्री शुभम अनंत पत्की

२६/०१/२०२१

(कवितात व्यक्त केलेली मते लेखकाची वैयक्तिक मत आहेत.)

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित  ≈

Please share your Post !

Shares

मराठी साहित्य – कवितेचा उत्सव ☆ रेखीन माझ्या मीच ललाटा ☆ श्री प्रकाश लावंड

By Hemant BawankarNo Comments

☆ कवितेचा उत्सव ☆ वज्रदेही ☆ श्री प्रकाश लावंड ☆

ना  हाकाटी  ना बोभाटा

बुजून गेल्या साऱ्या वाटा

रान  काटेरी  माजलेले

पाय थकलेले पल्ला मोठा।।

 

कडे कातीव दऱ्या ताशीव

निसरडे दगड घोटीव

भणाण वारा भेलकांडतो

भिती दाखवी खडा चढाव

किती परीक्षा पाहतोस

रौद्ररूपा सांग विराटा  ।। १।।

 

काळोखा कर आकांडतांडव

तोंड पसरून भिती दाखव

नजर माझी प्रकाशमान

आणिक तगडे माझे सौष्ठव

तेजोमय झाले बघ माझे

शिवार,घर,अंगण ओटा ।। २।।

 

माझा प्रवास नाही सस्ता

माझ्यासाठी ना हमरस्ता

जीव पणाला नित्य लावतो

काळी माय कसता कसता

घामानं भिजवून माती

रेखीन माझ्या मीच ललाटा  ।। ३।।

 

© श्री प्रकाश लावंड

करमाळा जि.सोलापूर.#e-abhivyakti

मोबा 9021497977

≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित  ≈

Please share your Post !

Shares

मराठी साहित्य – साप्ताहिक स्तम्भ ☆ कवितेच्या प्रदेशात # 83 – आरक्षण …. ☆ सुश्री प्रभा सोनवणे

By Hemant Bawankar3 Comments

सुश्री प्रभा सोनवणे

(आप  प्रत्येक बुधवार को सुश्री प्रभा सोनवणे जी  के उत्कृष्ट साहित्य को  साप्ताहिक स्तम्भ  – “कवितेच्या प्रदेशात” पढ़ सकते  हैं।)

☆ साप्ताहिक स्तम्भ – कवितेच्या प्रदेशात # 83 ☆

☆ आरक्षण  …. ☆

आयुष्याचा प्रवास करताना

प्रत्येकालाच हवी असते

आपापली आरक्षित जागा!

धकाधकीच्या जीवनात ही

लळत लोंबत जगण्याची वेळ

कधीच न आलेल्या प्रवाशाला तर

सहनच होत नाही गर्दीतली घुसमट!

आता निवांत रमावे इथे

असे वाटत असताना,

खिडकीतल्या चिमण्यांना

हुसकावून द्यावे अंगणात

तसे माहेरवाशिणींना

वागविले जाते तेव्हा

बंद करावा माहेरचाही प्रवास!

आपले अस्तित्व नाकारणा-यांकडे

थांबू नये मुक्कामाला!

सोडू नये आपली आरक्षित हक्काची जागा,

विनाआरक्षण करू नये प्रवास कदापिही!

कारण वयाचा आणि नात्याचा मान राखून

चटकन उठून जागा देणा-यांची पिढी

संस्कारली गेली नाही आपल्याकडून!

म्हणूनच करावी तरतूद,

आपल्या आरक्षणाची

कुठल्याही प्रवासाला निघण्यापुर्वी!

 

© प्रभा सोनवणे

“सोनवणे हाऊस”, ३४८ सोमवार पेठ, पंधरा ऑगस्ट चौक, विश्वेश्वर बँकेसमोर, पुणे 411011

मोबाईल-९२७०७२९५०३,  email- [email protected]

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित  ≈

Please share your Post !

Shares

मराठी साहित्य – कवितेचा उत्सव ☆ हल्ली…. ☆ श्री तुकाराम दादा पाटील

By Hemant BawankarNo Comments

श्री तुकाराम दादा पाटील

 ☆ कवितेचा उत्सव ☆ हल्ली…. ☆ श्री तुकाराम दादा पाटील ☆ 

हल्लेच श्वापदांचे झालेत खूप हल्ली

रानातले शिकारी दमलेत खूप हल्ली

 

भलतेच बदल झाले वस्तीत पाखरांच्या

राव्यात कावळे ही लपलेत खूप हल्ली

 

बाजारपेठ ज्यानी काबीज आज केली

त्यांनीच देह त्यांचे विकलेत खूप हल्ली

 

भलत्याच चोचल्यानी केली दिवाळखोरी

त्यांचे लिलाव येथे घडलेत खूप हल्ली

 

रांधून वाढणारे गेले मरून सारे

बांधावया शिदोरी आलेत खूप हल्ली

 

जे पोसले बळे ते माजूरडे निघाले

खाऊन सकस खाणे सुजलेत खूप हल्ली

 

ऐकून भामट्यांची भलती मधाळ वाणी

स्वप्नात गुंतलेले फसलेत खूप हल्ली

 

सुखरूप मार्ग नाही जगण्यास आज उरला

वाटेत खाच खळगे पडलेत खूप हल्ली

 

©  श्री तुकाराम दादा पाटील

मुळचा पत्ता  –  मु.पो. भोसे  ता.मिरज  जि.सांगली

सध्या राॅयल रोहाना, जुना जकातनाका वाल्हेकरवाडी रोड चिंचवड पुणे ३३

दुरध्वनी – ९०७५६३४८२४, ९८२२०१८५२६

≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित ≈

Please share your Post !

Shares

मराठी साहित्य – कवितेचा उत्सव ☆ प्रजासत्ताक दिन विशेष – देशाभिमान ☆ श्रीशैल चौगुले

By Hemant BawankarNo Comments

श्रीशैल चौगुले

☆ कवितेचा उत्सव ☆ प्रजासत्ताक दिन विशेष – देशाभिमान ☆ श्रीशैल चौगुले ☆

ज्या देशाची हि पवित्र भूमी

त्याच देशाचा नागरीक मी

अभिमानाचा हा देश माझा

भारत देशाचा असे पाईक मी.

 

किती मिरवी गौरव गाथा

ज्ञान-विज्ञानाचा ध्यास नित्

वीर मनाची, वीर आकांक्षा

देशभक्तीचा तो नायक मी.

 

ध्वज चढवावा संविधानी

अन् माणूसकी जात खरी

फडके तिरंगा, स्वातंत्र्याचा

प्रजासत्ताकाचा लायक मी.

 

थोर महात्मे लढले तेंव्हा

अनेक शहीद मूर्ती झाले

कुणी सागरा पार करती

संस्काराचा असे आस्तिक मी.

 

शत्रूला नामोहरम केले

ते हसत फासावर गेले

हिंदुत्वाची अखंड गर्जना

त्याच सूताच्या सप्रतीक मी.

 

गांधी, नेहरू, सुभाषबाबू

वल्लभभाई, ते लजपत

टिळक, गोखले, ते अनेक

भारतमातेचा पुत्र एक मी.

 

ज्ञानज्योत ईतिहास तेवू

महानतेचे या गीत गाऊ

विश्व जिंकण्याचे स्वप्न पाहू

करेन कवणी ऊल्लेख मी.

 

© श्रीशैल चौगुले

९६७३०१२०९०

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित  ≈

Please share your Post !

Shares

मराठी साहित्य – साप्ताहिक स्तम्भ ☆ श्री अशोक भांबुरे जी यांची कविता अभिव्यक्ती # 82 ☆ भिती ☆ श्री अशोक श्रीपाद भांबुरे

By Hemant BawankarNo Comments

श्री अशोक श्रीपाद भांबुरे

☆ साप्ताहिक स्तम्भ – अशोक भांबुरे जी यांची कविता अभिव्यक्ती # 82 ☆

☆ भिती ☆

मला सूर्याची भिती वाटते

आग ओकत असतो डोक्यावर

पत्र्याच्या घरात जीव घाबरतो

बाहेर सावलीला जावं तर

झाडांची बेसुमार कत्तल झालेली

कुठल्याही लढाईखेरीज

आणि कत्तल करणारे पहुडलेल

एसी लावून गादीवर…

उष्माघाताने जीव जातात

तुमच्या माझ्यासारख्यांचे

आणि सूर्याला त्याचं देणं घेणंही नसतं…

 

तशीच ही थंडी, कुठून येते ते कळतच नाही

वाजते पण आवाज करत नाही

घरात हिटर आहे ना ?

मग काळजी कशाची ?

बाहेर थंडीत कुडकुडणाऱ्यांची काळजी करायला

परमेश्वर आहेच ना !

कधीकधी परमेश्वर, दानशूराच्या रुपात

वाटतो गरिबांना, काही शाली काही ब्लँकेट्स

तरी मरतातच काही कुडकुडून

या थंडीच्या त्रासदीने…

 

पाणी घुसतं झोपडपट्यांमधे

चाळीत आणि बंगल्यात सुद्धा

सुनामीच्या लाटा उध्वस्त करतात किनारे

वाहू लागतात निर्जीव वाहनांसोबत

प्राणी आणि माणसं सुद्धा

कशासाठी हा कोप, कशासाठी हे तांडव

अरे जीव जगवण्यासाठी हवी

थोडी मायेची उब,

तहान लागली तर घोटभर पाणी आणि

प्रसन्न राहण्यासाठी छान गुलाबी थंडी…

पण किती या दुःखाच्या डागण्या

फक्त सुखाची किंमत कळण्यासाठी…

 

© अशोक श्रीपाद भांबुरे

धनकवडी, पुणे ४११ ०४३.

[email protected]

मो. ८१८००४२५०६, ९८२२८८२०२८

≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित ≈

Please share your Post !

Shares

मराठी साहित्य – कवितेचा उत्सव ☆ एकदातरी ☆ सुश्री दीप्ती कुलकर्णी

By Hemant BawankarNo Comments

सुश्री दीप्ती कुलकर्णी

☆ कवितेचा उत्सव ☆ जीवनपट ☆ सुश्री दीप्ती कुलकर्णी ☆ 

एकदातरी

एकदातरीअसं व्हावं

गारा वेचत हरवून जावं

 

दाटलैल्या धुक्याचं पांघरुण घ्यावं

श्रावणसरीत न्हाऊन घ्यावं

 

हिरवाई पाहताच मोहरुन जावं

स्रुष्टीतील नवलाईत हरवून जावं

 

वादळवार्यात गुंगुन जावं

सुखाच्या वर्षावात बेभान व्हावं

 

दुःखाचे घावही सोशित राहावं

स्वतःबरोबर दुसर्याच्या दुःखातही सहभागी व्हावं

 

आभाळमाया आठवत आठवत

क्षमाशील धरतीला उमजून घ्यावं

 

जीवनातील विविध रंगात मनस्वीपणे रंगून जावं

 

एकदातरी प्रत्येकानच जीवन भावुकतेने अनुभवावं.

 

© सुश्री दीप्ती कुलकर्णी

कोल्हापूर

≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित  ≈

Please share your Post !

Shares