मराठी साहित्य – कवितेचा उत्सव ☆ “शब्द  एक छंद….” ☆ सौ विजया कैलास हिरेमठ ☆

By Hemant BawankarNo Comments

सौ विजया कैलास हिरेमठ

? कवितेचा उत्सव ?

☆ “शब्द एक छंद….” ☆ सौ विजया कैलास हिरेमठ ☆

☆

शब्द हसतात ,शब्द रुसतात

शब्द एकांतात सोबत करतात…

 

शब्द टोचतात,डोळ्यात अश्रू आणतात

 सावरून घेतात, सांत्वनही करतात

 

शब्दांना असते धार,शब्द करतात वार

जपून करतो आम्ही शब्द व्यवहार

 

 

शब्दांना असतो ताल,शब्दांना असते चाल

शब्द समजूतदार,देतात आधार

 

शब्दांना असते वजन,उंची,भाव

घेतात मनाचा अचूक ठाव…

 

शब्दांना असतो वारसा

शब्दांविण भाव पोरका

काय वर्णावा शब्द महिमा

शब्द इथे माझा उणा…

 

शब्दांची चढता नशा

अंकुरतात नव्या आशा

शब्दांनी दिली जीवना दिशा

शब्द माझी अभिलाषा…

 

शब्द एक छंद

दरवळणारा सुगंध

जुळता ऋणानुबंध

भाव सारे स्वच्छंद…

☆

💞शब्दकळी विजया 💞 

©  सौ विजया कैलास हिरेमठ

पत्ता – संवादिनी ,सांगली

मोबा. – 95117 62351

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

हिन्दी साहित्य – साप्ताहिक स्तम्भ ☆ कादम्बरी # 94 – जब भी विश्वास पास आते हैं… ☆ आचार्य भगवत दुबे ☆

By Hemant Bawankar1 Comment

आचार्य भगवत दुबे

(संस्कारधानी जबलपुर के हमारी वरिष्ठतम पीढ़ी के साहित्यकार गुरुवर आचार्य भगवत दुबे जी को सादर चरण स्पर्श । वे आज भी हमारी उंगलियां थामकर अपने अनुभव की विरासत हमसे समय-समय पर साझा करते रहते हैं। इस पीढ़ी ने अपना सारा जीवन साहित्य सेवा में अर्पित कर दिया है।सीमित शब्दों में आपकी उपलब्धियों का उल्लेख अकल्पनीय है। आचार्य भगवत दुबे जी के व्यक्तित्व एवं कृतित्व की विस्तृत जानकारी के लिए कृपया इस लिंक पर क्लिक करें 👉 ☆ हिन्दी साहित्य – आलेख – ☆ आचार्य भगवत दुबे – व्यक्तित्व और कृतित्व ☆. आप निश्चित ही हमारे आदर्श हैं और प्रेरणा स्त्रोत हैं। हमारे विशेष अनुरोध पर आपने अपना साहित्य हमारे प्रबुद्ध पाठकों से साझा करना सहर्ष स्वीकार किया है। अब आप आचार्य जी की रचनाएँ प्रत्येक मंगलवार को आत्मसात कर सकेंगे।  आज प्रस्तुत हैं आपकी एक भावप्रवण रचना – जब भी विश्वास पास आते हैं…।)

✍  साप्ताहिक स्तम्भ – ☆ कादम्बरी # 94 – जब भी विश्वास पास आते हैं… ☆ आचार्य भगवत दुबे ✍

☆

आप जब मेरे पास आते हैं 

जैसे मय के गिलास आते हैं

*

कितनी बाधाएँ पार की हमने 

याद, सारे प्रयास आते हैं

*

सहने पड़ते हैं, पतझरों के दिन 

तब, बहारों के मास आते हैं

*

नींद के साथ, रात में मुझको 

स्वप्न तेरे ही खास आते हैं

*

छोड़ मन, आप सिर्फ तन लेकर 

कितने चिंतित-उदास आते हैं

*

गुफ्तगू उनसे हो भला कैसे 

छोड़ बाहर, मिठास आते हैं

*

सार्थक तो मिलन तभी होता 

जब भी, विश्वास पास आते हैं

☆

https://www.bhagwatdubey.com

© आचार्य भगवत दुबे

82, पी एन्ड टी कॉलोनी, जसूजा सिटी, पोस्ट गढ़ा, जबलपुर, मध्य प्रदेश

≈ संपादक – श्री हेमन्त बावनकर/सम्पादक (हिन्दी) – श्री विवेक रंजन श्रीवास्तव ‘विनम्र’ ≈

Please share your Post !

Shares

मराठी साहित्य – कवितेचा उत्सव ☆ श्री अशोक भांबुरे जी यांची कविता अभिव्यक्ती #277 ☆ कोरडवाहू डोळे… ☆ श्री अशोक श्रीपाद भांबुरे ☆

By Hemant BawankarNo Comments

श्री अशोक श्रीपाद भांबुरे

? अशोक भांबुरे जी यांची कविता अभिव्यक्ती # 277 ?

☆ कोरडवाहू डोळे… ☆ श्री अशोक श्रीपाद भांबुरे ☆

☆

ते कोरडवाहू डोळे, मला भेटले होते

ओठांचे गुलाब मीही, त्यास पाजले होते

*

पहिल्यांदा भेटुन सुद्धा, कसा भाळला इतका

मी काही केले नव्हते, फक्त लाजले होते

*

तो वितळत गेला गोळा, ओठी विस्तव होता

बर्फाच्या गोळ्यांने हे, अधर जागले होते

*

विश्वाच्या गोंगाटाचे, ध्यान कुणाला येथे

दोघांच्या एकांताने, विश्व व्यापले होते

*

नजरेचा रोख तयाच्या, पदराला कळलेला

पदराने दोन्ही खांदे, फक्त झाकले होते

*

प्रेमाच्या आणाभाका, कधी घेतल्या नाही

मुखड्यावर घेणे मुखडे, नित्य टाळले होते

*

हे विलासमंदिर होते, कुठेच माती नव्हती

मी फरशी काढुन तेथे, रोप लावले होते

☆

© श्री अशोक श्रीपाद भांबुरे

धनकवडी, पुणे ४११ ०४३.

[email protected]

मो. ८१८००४२५०६, ९८२२८८२०२८

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ चैत्र प्रभाती… ☆ श्रीशैल चौगुले ☆

By Hemant BawankarNo Comments

श्रीशैल चौगुले

? कवितेचा उत्सव ?

☆ चैत्र प्रभाती… ☆ श्रीशैल चौगुले ☆

☆

प्रातःकाळी रम्य प्रभाती

कोकिळ हे मल्हार गाती

चैत्र फुलव्यांनी चौफेर

पुर्वभाळी कुसूम ज्योती.

*

नभांगणात किलबील

वेली फुलांनी रंग न्हाती

हळुवार मंजुळ वारा

स्पर्श मना देऊन जाती.

*

धरती कोवळ पदरी

लेते सुखांनी रान माती

तुळशी प्रदक्षिणा भाव

किरणे पांघरुन पाती.

*

घंटा-आरती देव्हार्याशी

जाग लोचना सत्य भ्रांती

पाडस गोठ्यात नाचते

गो-हंबर वात्सल्य क्षिती.

क्षिती – निवासी.

 ☆

© श्रीशैल चौगुले

मो. ९६७३०१२०९०.

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ स्वातंत्र्याचं वारं… ☆ डॉ. तेजस्विनी वाळिंबे ☆

By Hemant BawankarNo Comments

डॉ. तेजस्विनी वाळिंबे

अल्प परिचय 

वैद्यकीय

  • सहकार नगर, पुणे येथे गेली 25 वर्षे नेत्रतज्ञ म्हणून कार्यरत.
  • काचबिंदू व मधुमेहातील नेत्रविकार यातील विशेष प्रशिक्षण. 
  • अनेक राज्यस्तरीय व राष्ट्रीय वैद्यकीय परिषदांमध्ये काचबिंदू या विषयावर व्याख्याने.
  • Antiglaucoma drug trials मध्ये सहभाग.

साहित्यिक 

  • ‘पाहू आनंदे, ‘ व ‘स्मृति-सुधा’ ही पुस्तके प्रकाशित.
  • मराठी साहित्य, योगशास्त्र, भारतीय तत्वज्ञान, चित्रकलेची विशेष आवड.

? कवितेचा उत्सव ?

☆ स्वातंत्र्याचं वारं… ☆ डॉ. तेजस्विनी वाळिंबे ☆

(प्रतिकूल कौटुंबिक आणि सामाजिक परिस्थितीत आपलं स्वातंत्र्य व अधिकार मिळवण्यासाठी झगडलेल्या सर्व स्त्रियांनी समर्पित)

☆

एकदा असाच वारा आला

पिंजऱ्यातला पक्षी मुक्त आकाशात झेपावला

 

आजी माझी सांगत होती….

एकदा असाच वारा आला

घोंगावणारा वारा तिला उंबऱ्याबाहेर घेऊन गेला

 

वाऱ्याच्या झटापटीत खिडकीची तावदाने फुटली

घरातल्या कोंदट हवेला मोकळी वाट मिळाली

 

असाच एकदा वारा आला

स्वामित्वाच्या भिंती फुटून अहंकार चिरडल्या गेला

 

घरी-दारी कल्लोळ उठला

पिंजऱ्याच्या लोखंडी दांड्या तोडून वारा आत घुसला

 

आजी माझी सांगत होती…

जेव्हा असा वारा आला

माझ्या सखीच्या मनी आकांक्षांचे पंख फुटले

चिमुकल्या पंखांना तिच्या वाऱ्याने बळ दिले

 

स्वातंत्र्याच्या प्रकाशाने आकाश उजळून निघाले

निळ्या नभाच्या मोहकतेने तिचे मन आनंदले

 

असाच एकदा वारा माझ्याही घरी आला

शीतल स्पर्श करून मला हलकेच म्हणाला

 

“ऊठ हो जागी चल जाऊ या, उंच नभी “

असाच एकदा वारा आला

…आकांक्षेला स्वातंत्र्याचे पंख लावून गेला

 ☆

© डॉ. तेजस्विनी वाळिंबे

(नेत्रतज्ञ)

पुणे मो. ८८८८८३१९०५

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – चित्रकाव्य ☆ – ती… – ☆ श्री आशिष बिवलकर ☆

By Hemant BawankarNo Comments

श्री आशिष  बिवलकर

?️?  चित्रकाव्य  ?️?

? ती… ? श्री आशिष  बिवलकर ☆

☆

कधी असते ती मायेचा  निर्झर,

कधी  घेते  ती दुर्गेचा  अवतार!

कधी  होते ती रणरागिणी,

कधी देते ती बुडणाऱ्याला आधार!

*
कधी असते ती स्वप्नवेडी,

कधी होते कर्तव्यासाठी  कठोर!

कधी असते ती धुंधीत,

कधी लागतो तिला संसाराचा घोर!

*
कधी उडते ती आकाशात,

तरी  जमिनीची तिला ओढ!

कधी  राबते  ती शेतात,

संसार करते तिचा गोड!

*

अनेक रूपे, अनेक भूमिका

हसत  हसत  ती निभावते!

अंतरातली घालमेल तिची,

हसऱ्या चेहऱ्याआड लपवते!

*

ती शांत राहते, सहन करते,

गृहीतच तिला धरले  जाते!

असते तिलाही तिचे एक मन,

आतल्या आत तिलाच ते खाते!

*

विचार करा तिच्या मनाचा,

जेव्हा होती ती गरोदर!

काळजावर दगड ठेवते,

उदरातली कळी खुडण्याअगोदर!

*

वंशाचा  दिवा हवा म्हणून,

का धरावा तिच्याच पुढे हट्ट!

मुलापेक्षा जणू स्वतः जन्माला येणारीच,

नाते धरून ठेवते कुटुंबाला घट्ट!

*

वाढवा तिच्या पंखातले बळ,

घेऊ दया तिला गरुडझेप!

आकाशी जरी असली ती,

लावायला येईल जखमेवर लेप!

☆

© श्री आशिष  बिवलकर

बदलापूर

मो 9518942105

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ तुकोबा समर्था… ☆ प्रा तुकाराम दादा पाटील ☆

By Hemant BawankarNo Comments

श्री तुकाराम दादा पाटील

? कवितेचा उत्सव ?

☆ तुकोबा समर्था… ☆ प्रा तुकाराम दादा पाटील ☆

☆

निघालीय दिंडी चला पंढरीला

तिथे चंद्र भागेत जाऊ पुन्हा

अभंगातगोडी विठू सावळ्याच्या

मुखी नाम त्यांचेच ठेऊ पुन्हा

*

उभ्या पावसाची हजेरी असावी

सुखाच्या सुगीचीच गाणी म्हणू

मनी मानसी या खराभावठेवू

पुढे भक्ति मार्गास जाऊ पुन्हा

*

तुकोबा तुलाही लळा माणसांचा

तुझ्या लोकसेवेत आत्मा तुझा

किती भामट्यांचा तुला त्रास झाला

इथे या जगालाच दाऊ पुन्हा

*

तुकोबा समर्था तुझी थोर गाथा

कळेभाववेड्यास श्रद्धा तिची

खरे ते प्रभावी तिचे ज्ञान आहे

तिच्या ज्ञानगंगेत न्हाऊ पुन्हा

*

ख-या साधनेने रमाआत्मरंगी

तिथे देव भेटीस येतो तुझ्या

नको कर्मकांडे नको अंधश्रद्धा

हरीनाम साधेच घेऊ पुन्हा

*

म्हणा पांडुरंगा सगे खेडुताना

सगेसोयरे तेच तुमचे पुढे

तुम्हा सोबतीने भली थोरली ही

पुढे प्रेम वारीच नेऊ पुन्हा

*

कुठे काय होते कळेना कुणाला

समाजात सा-या दंगा घडे

नको तेवढी ही दुही माजलेली

तिला शांत करण्यास धाऊ पुन्हा

(तुकाराम बीज)

 

☆

© प्रा. तुकाराम दादा पाटील

मुळचा पत्ता  –  मु.पो. भोसे  ता.मिरज  जि.सांगली

सध्या राॅयल रोहाना, जुना जकातनाका वाल्हेकरवाडी रोड चिंचवड पुणे ३३

दुरध्वनी – ९०७५६३४८२४, ९८२२०१८५२६

≈ संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर ≈

Please share your Post !

Shares

मराठी साहित्य – कवितेचा उत्सव ☆ “धर्म…” ☆ श्री आशिष मुळे ☆

By Hemant BawankarNo Comments

श्री आशिष मुळे

? कवितेचा उत्सव ?

☆ “धर्म…” ☆ श्री आशिष मुळे ☆

☆

न्याय-अन्यायाची वाख्या

माझी तशी सोपी आहे

डोक्यावरची धर्माची पगडी

माझी खूपच हलकी आहे

*

माझा देव दगडात नाही

असला तर सगळीकडे आहे

माझा देव माणसात नाही

असला तर त्याच्या कर्मात आहे

*

यम-नियम साधना-समाधी

गुप्त-प्रकट लीन-विलीन

शब्दांचा खेळ सारा

खेळण्यात काय मजा आहे?

*

कुस्तीत कर्माच्या

स्वतःच स्वतःतले

जनावर लोळवण्यात

खरा पुरुषार्थ आहे

*

” स्वतःस होईल दुःख, दुसरा कुणी वागता

तसे दुसऱ्या बरोबर वागू नये ”

इतकाच खरं तर धर्म आहे

अवलंबला एकाचवेळी जगानी तर

क्षणात देव अन स्वर्ग प्रकट आहे…

☆

© श्री आशिष मुळे

≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ स्वातंत्र्याच्या वेदी… ☆ सुश्री उज्वला सुहास सहस्रबुद्धे ☆

By Hemant BawankarNo Comments

सौ. उज्वला सुहास सहस्रबुद्धे

☆ स्वातंत्र्याच्या वेदी… ☆ सुश्री उज्वला सुहास सहस्रबुद्धे ☆

☆

स्वातंत्र्याच्या वेदी वरती,

यज्ञाची सुरुवात जाहली!

यज्ञामध्ये पहिली समिधा,

वासुदेवानी अर्पियली!

*

ज्वाला तेव्हा पेटून उठली,

पारतंत्र्य दूर करण्या झणी!

घेतला वसा स्वातंत्र्याचा,

भगतसिंग ने तरूण पणी!

*

पेटून उठले एकाच रणी,

साथ सुखदेव, राजगुरूची!

धाडस त्यांचे अपूर्व होते,

गाठ घेतली ती मृत्यूची!

*

निर्भयाचे प्रतीक आहे,

कथा त्यांच्या साहसाची!

आठवणीने व्याकुळ होतो,

परिसीमा होती त्यागाची!

*

मनास होती तीव्र वेदना,

आठवून त्यांचा असीम त्याग!

एक दिवसाच्या आठवणीने,

होते का मनीची शांत आग!

*

वंदन करावे त्यांच्या स्मृतीला,

थोर देशभक्त जन्मले भारती!

कधी न विसरू त्यांचा त्याग,

गाऊ आपण त्यांची आरती!

☆

© सुश्री उज्वला सुहास सहस्रबुद्धे

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ सु सं वा द! ☆ श्री प्रमोद वामन वर्तक ☆

By Hemant BawankarNo Comments

श्री प्रमोद वामन वर्तक

? कवितेचा उत्सव ? 

😁 सु सं वा द! 😅 श्री प्रमो वामन वर्तक ⭐ 

☆

असू नये गोष्टी वेल्हाळ

लावू नये जास्त पाल्हाळ,

सत्य वाचे सदा वदावे,

जेव्हढ्यास तेव्हढे बोलावे!

*

घालून डोळ्यात डोळे

संवाद आपण करावा,

खोटे न बोलती डोळे

भाव मनीचा पोचवावा!

*

संवाद साधतांना सदा

नका करू हातवारे,

शब्द मुखातुनी मधाळावे

न करता अरे ला कारे!

*

स्वर पट्टी सांभाळून

बोलू नये उगा तारस्वरे,

पकडता संवादाचा धागा

शब्द भिडती ह्रदयी खरे!

*

नियम साधे हे संवादाचे

पाळा करतांना संवाद,

होता ध्येय साध्य मनीचे

मिटून जाती फुकाचे वाद!

मिटून जाती फुकाचे वाद!

☆

© श्री प्रमोद वामन वर्तक

१०-०३-२०२५

संपर्क – दोस्ती इम्पिरिया, ग्रेशिया A 702, मानपाडा, ठाणे (प.) – 400610 

मो – 9892561086 ई-मेल – [email protected]

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares