श्री प्रमोद वामन वर्तक
कवितेचा उत्सव
😅 फा र क त… वयाशी ! 😅 श्री प्रमो वामन वर्तक 
☆
येता कधीतरी कंटाळा
वाटतो बदलावा रस्ता,
असते कठीण मोडणे
आपला रोजचा शिरस्ता !
*
वाट बदलता रुळलेली
मन करी खळखळ,
शंकासूर मग मनातला
करू लागे वळवळ !
*
असतील काटे वाटेवर?
का असेल मऊ हिरवळ?
शंका कुशंकांचे मनी उठे
नको वाटणारे मोहोळ !
*
होता द्विधा मनस्थिती
मन पहिले कच खाई,
दुसरे सांगे बजावून
हाच मौका साधून घेई !
*
पण,
सांगतो तुम्हां करू नका
मन व वयाची गफलत,
जगा कायम तरुण मनाने
घेवून वयाशी फारकत !
घेवून वयाशी फारकत !
☆
© श्री प्रमोद वामन वर्तक
संपर्क – दोस्ती इम्पिरिया, ग्रेशिया A 702, मानपाडा, ठाणे (प.) – 400610
मो – 9892561086 ई-मेल – [email protected]
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
कवितेचा उत्सव 
