श्री सुहास रघुनाथ पंडित
कवितेचा उत्सव
☆ तारा… ☆ श्री सुहास रघुनाथ पंडित ☆
☆
गोदावरीच्या काठावरूनी सांगत आला वारा
कृष्णेकाठी तळपत आहे साहित्यातील तारा
*
जनस्थानाचे सोडुन बंधन
गणरायाला करुन वंदन
शब्दांकूर ते येता उगवून
पानोपानी आला बहरून अक्षर मोगरा
*
परंपरांच्या मूळात जाऊन
लोकजीवनाला अभ्यासून
ग्रंथांमधले ज्ञान तपासून
लोककलांचे पूजक बनुनी जपले कला मंदिरा
*
अज्ञानाचा बुरखा फाडून
कण ज्ञानाचे अखंड वेचून
स्पष्ट मांडण्या मते आपली कधीच नाही कचरला
*
ओवी, गीते, लोककथा कथन
अभिनय साथीला अभिवाचन
जीवंत तुम्ही आहे ठेवली महाराष्ट्राची लोकधारा
*
आता गाठणे आहे दिल्ली
अभिजात मराठी सुखावली
कर्तृत्वाची हीच पावती जाहला गौरव आज खरा
कृष्णेकाठी तळपत आहे साहित्यातील तारा.
☆
© श्री सुहास रघुनाथ पंडित
सांगली (महाराष्ट्र)
मो – 9421225491
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
मावळला ‘अर्थ-सूर्य’… 
मेहबूब जमादार ☆
