मराठी साहित्य – कवितेचा उत्सव ☆ नीट… ☆ डॉ.सोनिया कस्तुरे ☆

By Hemant BawankarNo Comments

डॉ. सोनिया कस्तुरे

? कवितेचा उत्सव ?

☆ ☘️ नीट… ☆ डॉ.सोनिया कस्तुरे ☆

☆

शासनवृत्ती नीट नसेल तर

नीट कशी नीट असेल ?

भ्रष्टाचार आणि घोटाळ्यात

नीट यावेळी अव्वल दिसेल.

*

ज्यांच्या हाती आरोग्य दोरी

त्यांची अडचण नीट सुटेना

शासन दरबारी अनागोंदी

टांगती तलवार नीट हटेना !

*

व्यवस्थेतून घडतात डॉक्टर

मानसिकता नीट असेल का ?

त्यांच्याप्रती नीट वर्तनाची

अपेक्षा तेवढी सुटेल का ?

*

त्यातूनही ते नीट घडतील

रुग्णसेवेची कास धरतील 

देवदूत म्हणून रुग्णांमनी

मानवतेचे मंदिर बांधतील..!

☆

© डॉ.सोनिया कस्तुरे

विश्रामबाग, जि. सांगली

भ्रमणध्वनी:- 9326818354

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ विजय साहित्य # 227 ☆ त्याची कविता… ☆ कविराज विजय यशवंत सातपुते ☆

By Hemant BawankarNo Comments

कविराज विजय यशवंत सातपुते

? कवितेचा उत्सव # 227 – विजय साहित्य ?

☆ त्याची कविता… ☆ कविराज विजय यशवंत सातपुते  ☆

(मात्रा वृत्त..अनलज्वाला)

☆

नाविन्याची, कल्पक मात्रा , त्याची कविता.

चराचराची, मंगल यात्रा

त्याची कविता. १

 

सुखदुःखाची, करी साठवण,

पद्य तालिका.

शाब्दिक चित्रे,घडवी पात्रा,

त्याची कविता. २

 

भावमनाची, खळाळ खळखळ

संजीवन ते.

विद्रोहाची,सचैल धारा,

त्याची कविता. ३

 

मना मनाला, वाचत जाते, टिपून घेते.

लेक लाघवी, लळा लावते,‌

त्याची कविता. ४

 

अनुभूतीने, अनुभवलेली,

रसाळ बोली.

काळजातला, अत्तर फाया

त्याची कविता. ५

 

कशी नसावी,कशी असावी

ठरे दाखला .

पहा वाचुनी, साधी सोपी,

त्याची कविता. ६

 

गंध मातीचा,रंग मानसी

काजळ कांती.

थेंब टपोरा, शब्द घनांचा

त्याची कविता. ७

 

कधी माय ती,कधी बाप ती

कधी लेक ती.

नात्यांमधली,नाळ जोडते,

त्याची कविता. ८

 

पोषण करते, लालन पालन,

घडवी त्याला.

घास भुकेचा, ध्यास मिठीचा,

त्याची कविता. ९

 

टाळी देते, टाळी घेते, सभा गाजवी .

प्रतिभा वाणी,अक्षर राणी

त्याची कविता. १०

 

भाव सरीता, रसिक मनाची,

गूज सांगते.

कविराज तो, वही बोलकी,

त्याची कविता. ११

☆

© कविराज विजय यशवंत सातपुते

सहकारनगर नंबर दोन, दशभुजा गणपती रोड, पुणे.  411 009.

मोबाईल  8530234892/ 9371319798.

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ “खूप अवघड आहे…” ☆ सौ विजया कैलास हिरेमठ ☆

By Hemant Bawankar1 Comment

सौ विजया कैलास हिरेमठ

? कवितेचा उत्सव ?

☆ “खूप अवघड आहे…” ☆ सौ विजया कैलास हिरेमठ ☆

☆

खूप अवघड आहे आयुष्य

पावला पावलावर येतं नैराश्य

उगाच एकदा मला वाटलं

तरीही अर्ध्यावर आलचं की

पावलांना बळ मिळालंच कुठून तरी

मन हळूच म्हणू लागलं…..

 

आयुष्य नसतं साधं सरळ

नुसत्याच विचारांनी येते मरगळ

उगाच एकदा मला वाटलं

वळणावर सावरत आलीस की

कित्येक मुक्कामावर सहज स्थिरावलीसच की

मन हळूच म्हणू लागलं…..

 

हार जीत परिमाणे इथली

इथे जिंकणं सोप्प नाही

उगाच एकदा मला वाटलं

रोज नवं आव्हाहन पेलतेसच की

क्षण मोकळे शोधतेसच की

मन हळूच म्हणू लागलं……

 

जगताना रोजच शिकावं लागतं

माणूस ओळखून जगावं लागतं

कितीही जीव लावला तरी

कोणी कोणाचं कधीच नसतं

सगळचं मला अवघड वाटतं

तरीही सांग जगणं का कोणी सोडतं?

मन माझं हळूच म्हणतं..

 

सतत स्वतःला समजवावं लागतं

जे आहे ते तसचं स्वीकारावं लागतं

आपण फक्त निमित्त असतो

उगाच एकदा मला वाटतं

इतकं तुला कळतं

मग बघ जगणं किती सोप्प असतं

मन माझं हळूच म्हणतं ….

☆

💞शब्दकळी विजया 💞 

©  सौ विजया कैलास हिरेमठ

पत्ता – संवादिनी ,सांगली

मोबा. – 95117 62351

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ हवा पावसाळी… ☆ श्री सुहास रघुनाथ पंडित ☆

By Hemant BawankarNo Comments

श्री सुहास रघुनाथ पंडित

? कवितेचा उत्सव ?

☆ हवा पावसाळी ☆ श्री सुहास रघुनाथ पंडित ☆

☆

हवा पावसाळी

अशा सांजवेळी

बेधुंद वा-यापरी होऊनिया

नव्या पावसाचे नवे गीत गावे

 

नव्या पावलांनी

नवे मेघ आले

जुन्या आठवांनी

मना चुंबिले

 

मनाच्या घनाचे

फुटावेत बांध

तुटावे मनाचे

आता सर्व  बंध

 

हवा पावसाळी

अशा सांजवेळी…….

हवा पावसाळी

अशा सांजवेळी… 

☆

© श्री सुहास रघुनाथ पंडित 

सांगली (महाराष्ट्र)

मो – 9421225491

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ कोण चितारी… ☆ सौ. सुरेखा कुलकर्णी ☆

By Hemant BawankarNo Comments

 ☆ कवितेचा उत्सव ☆

☆ कोण चितारी ☆ सौ. सुरेखा कुलकर्णी ☆ 

☆

नील नभी बघ पूर्व दिशेला

अरुणाचा रथ सज्ज जाहला

फुटे तांबडं पहाट  झाली

लाल केशरी रंग उधळला

*

प्राचीवरती आले नारायण

सुवर्ण किरणे पहा पसरली

चराचराला उजळून टाकी

हिरव्यावरती छटा पिवळी

*

ऊन कोवळे जरी हळदुले

रंगछटा ती गडद दाखवितो

कलिका उमलून फुले रंगीत

ऊन‌ सावली खेळ रंगवितो

*

धरेवर येत सावल्या

अस्मानी तर रंगपंचमी

काळोखाच्या पार्श्वभूमीवर

क्षितिजावर नक्षी हो नामी.

*

कोण फिरवितो रंग कुंचला

चित्र चितारी सांज सकाळी

विश्व विधाता नमन तयाला

रंगांची दिसे सुंदर जाळी.

☆

© सौ. सुरेखा कुलकर्णी

सातारा 

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – चित्रकाव्य ☆ पावसाची फुलं… ☆ प्रा.अरूण विठ्ठल कांबळे बनपुरीकर ☆

By Hemant BawankarNo Comments

प्रा.अरूण विठ्ठल कांबळे बनपुरीकर

?️?  चित्रकाव्य  ?️?

☆ पावसाची फुलं… ☆ प्रा.अरूण विठ्ठल कांबळे बनपुरीकर ☆

☆

भूईवर टपटपणारी 

पावसाची फुलं

तुझ्यासाठी साठवेन म्हंटलं

पण तू पावसात चिंब भिजलेलीस

माझ्यासाठी.

पावसाच्या थेंबातून फुगे फुटत होते .

आणि तू म्हणालीस –

जोर आहे रे पावसात आजच्या.

मी मात्र; 

थुईथुईणाऱ्या 

पावसाच्या फुलांत मग्न

फक्त तुझ्यासाठी.

आणि 

आजचा पाऊस 

मनसोक्त कोसळत राहिला

तुझ्या माझ्यासाठी

अशी पावसाची फुलं होऊन..!

☆

© प्रा.अरुण कांबळे बनपुरीकर

बनपुरी ता.आटपाडी जि.सांगली

मो ९४२११२५३५७

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – मराठी कविता ☆ कवितेच्या प्रदेशात # 236 ☆ कामिनी… ☆ सुश्री प्रभा सोनवणे ☆

By Hemant BawankarNo Comments

सुश्री प्रभा सोनवणे

? कवितेच्या प्रदेशात # 236 ?

☆ कामिनी ☆ सुश्री प्रभा सोनवणे ☆

(कामिनी ची फुलं !)

आज खूप दिवसानंतर…

टेरेसवरच्या झाडांना भेटले,

मदनबाण बहरलाय…दरवळ सर्वदूर!

चाफा, कण्हेर, सदाफुली, झेंडू, बोगनवेलही…

स्वतःचं अस्तित्व टिकवून!

गवतीचहा, कढीपत्ता, लिंबुही हिरवीगार!

अंब्याची कलमंही तग धरून!

कोरफड, तुळशीचं स्वतंत्र अस्तित्व!

दोन वड कुंडीत आपोआपच बोन्साय झालेले !

जुई इवल्या इवल्या कळ्या सावरत !

रातराणी आणि कामिनी,

मोठ्या हौसेने लावलेले….दिसेनात कुठेच!

जीव लावल्याशिवाय काही

झाडं जगत नाहीत,

रातराणी सुकून गेली असावी,

तिच्या मुक्या कळ्या उमलल्याच

नाहीत कधी!

पण कामिनी दिसली ,

आणि हायसं वाटलं,

कामिनीला दुर्लक्षून कसं चालेल ?

सुंदरीच ती ,

या झाडाझुडपातली,

काहीशी दुर्मिळ,

म्हणून अप्रुपही तिचं !

कामिनीचा धुंद गंध

अनुभवायला तरी….

जगायला हवं तिचा मोसम

येईपर्यंत!

© प्रभा सोनवणे

२३ जून २०२४

संपर्क – “सोनवणे हाऊस”, ३४८ सोमवार पेठ, पंधरा ऑगस्ट चौक, विश्वेश्वर बँकेसमोर, पुणे 411011

मोबाईल-९२७०७२९५०३,  email- [email protected]

≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ हळुवार पाऊस… ☆ मेहबूब जमादार ☆

By Hemant BawankarNo Comments

मेहबूब जमादार 

? कवितेचा उत्सव ?

☆ हळुवार पाऊस… ☆ 🖋 मेहबूब जमादार ☆

☆

हळुवार आला पाऊस

थोडं हातंच राखून

चौखुर उधळी खोंड

वास मातीचा पिऊन

*

शहारली झाड वेली

हेलावत गेलं पान

गरजत शिरे वारा

झाडांची मोडली मान

*

दूर डोंगरानी  कसे

होते आभाळ धरून

आली पाऊस धारा

गेली दुधाळ होऊन

*

झाली माती ओलीशार

येती कोंब फाकून

सखे चल जाऊ रानी

घेऊ थोडंसं भिजून…

☆

© मेहबूब जमादार

मु. कासमवाडी,पोस्ट -पेठ, ता. वाळवा, जि. सांगली

मो .9970900243

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ श्री अशोक भांबुरे जी यांची कविता अभिव्यक्ती #243 ☆ बरसात प्रीतीची… ☆ श्री अशोक श्रीपाद भांबुरे ☆

By Hemant BawankarNo Comments

श्री अशोक श्रीपाद भांबुरे

? अशोक भांबुरे जी यांची कविता अभिव्यक्ती # 243 ?

☆ बरसात प्रीतीची ☆ श्री अशोक श्रीपाद भांबुरे ☆

☆

तिच्या नाजूक ओठांवर तिळाने स्वार का व्हावे ?

दिसाया कृष्णवर्णी तो तरी हे भाग्य लाभावे

*

मलाही वाटतो आता नकोसा जन्म हा माझा

मनी या एवढी इच्छा तिच्या ओठीच जन्मावे

*

सखा होण्यातही आता कुठे स्वारस्य हे मजला

उभा हा जन्मही माझा करावा मी तिच्या नावे

*

कळेना सूर मी कुठला तिच्या गाण्यातला आहे

मला तर एवढे कळते तिचे मी शब्द झेलावे

*

तिच्या कोशात मी इतका असा बंदिस्त का झालो ?

मुलायम रेशमी धागे कसे हे पाश तोडावे

*

तिच्या नजरेतली भाषा कळे नजरेस या माझ्या

तिच्या एकेक शब्दांचे किती मी अर्थ लावावे

*

किती बरसात प्रीतीची नदीला पूर आलेला

मिळालेली मने दोन्ही कशाला पूल बांधावे

☆

© श्री अशोक श्रीपाद भांबुरे

धनकवडी, पुणे ४११ ०४३.

[email protected]

मो. ८१८००४२५०६, ९८२२८८२०२८

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ गा-हाणे… ☆ श्रीशैल चौगुले ☆

By Hemant BawankarNo Comments

श्रीशैल चौगुले

? कवितेचा उत्सव ?

☆ गा-हाणे... ☆ श्रीशैल चौगुले ☆

☆

चार दिवस पाउस कोसळला

बाकीचे आठ कोरडेच

उदास पुन्हा धरती रानमाळ

माती सांगे रोज गा-हाणे

आभाळाशी नाते बेभरोशी पंख

पाखरे शोधती ढगांस

धनधान्याविन घास दु:ख पाणी

 रिमझीम तरी ओल दे

आकाढ-श्रावणा निसर्ग थेंबांनी.

☆

© श्रीशैल चौगुले

मो. ९६७३०१२०९०.

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares