Category: चित्रकाव्य

सुश्री नीलांबरी शिर्के

श्री प्रमोद वामन वर्तक  

  चित्रकाव्य  

पुढच्या वर्षी लवकर या… ☆ श्री प्रमोद वामन वर्तक ☆

☆

आपण येणार म्हणून

वर्षभर वाट पाहिली,

उद्या जाणार म्हणून 

आसवे डोळा दाटली !

*

 येत राहील आठवण

 दणदणीत आरत्यांची,

 खड्या सुरात म्हटलेल्या 

 मंत्र पुष्पांजलीची !

*

चव आता आठवायची 

रोजच्या गोड प्रसादाची,

डोळ्यासमोर आणायची 

आरास तुमची दिव्यांची !

*

 झालो आम्हीच लंबोदर 

 लाडू मोदक खाऊन,

 पुन्हा शेपमधे येणे आहे 

 दररोज जिमला जावून !

*

आपण जाताच घरी

मखर होईल सुने सुने,

माफी असावी गणराया

झाले असेल अधिक उणे !

झाले असेल अधिक उणे !

☆

© प्रमोद वामन वर्तक

संपर्क – दोस्ती इम्पिरिया, ग्रेशिया A 702, मानपाडा, ठाणे (प.) 400610 

मो – 9892561086 ई-मेल – [email protected]

☆ ☆ ☆ ☆ ☆

सुश्री अरुणा मुल्हेरकर

  चित्रकाव्य  

संपदा… ☆ सुश्री अरुणा मुल्हेरकर ☆

(वृत्त : केशवकरणी)

☆

सोनसळी ते रान जाहले भरले दाणे कुणी

लोंबले तुरे टपोरे तृणी

*

निर्माता तो या सृष्टीचा अगाध लीला खरी

तोचि बघ उदरभरण हो करी

*

सूर्य उगवतो प्रकाश देतो जलधारा बरसती

वावरे मोदभरे डोलती

*

पर्वत शिखरे नद्या धबधबे सागराची भरती

सर्व ही त्या एकाची कृती

*

वृक्ष लता अन् तृणपुष्पे ही देवाची लेकरे

मानवा तुझ्याचसाठी बरे

*

घाव कशाला घालतोस तू जाळतोस जंगले

कळेना काय तुला जाहले

*

बंधुत्वाचा भाव असूदे तुझ्या मनी रे सदा

जपावी निसर्ग ही संपदा

☆

© सुश्री अरुणा मुल्हेरकर 

डेट्राॅईट (मिशिगन) यू.एस्.ए.

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

सुश्री नीलांबरी शिर्के

सुश्री वर्षा बालगोपाल

  चित्रकाव्य  

झुल्यावरी   सुश्री वर्षा बालगोपाल ☆

☆

अशी झोकात झुलते झुल्यावरी 

तनाचा झोका येई मनावरी |

मन हे धावे म्होर पाठी 

वर खाली ते होतंय उरी||

*

 मोद झुळूक अंगावरी

भय मग दावी कशापरी|

मिटले नयन घट्ट तरी

खळबळ का हात धरी ||

*

दोलायमान होई क्षिती

चंद्र सूर्य ते घ्यावे करी |

आनंदाच्या या लहरीवरी

हेलकावे ते कितीतरी ||

*

झाकोळ येई नेत्रा म्होरी 

झंकारे वीणा कशी शिरी|

झोक हा जाई भूमीवरी

सावर तू मला येते घेरी ||

*

पाठीशी उभा तू माझ्या राही 

हळूच कर तो धरसी करी|

तुझ्या सवे या हिंदोळ्यावरी

मनात उठती भाव सरी ||

☆

© सुश्री वर्षा बालगोपाल

मो 9923400506

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

श्री आशिष  बिवलकर

  चित्रकाव्य  

– विसर्जन…–  ☆ श्री आशिष  बिवलकर ☆

☆

गौरी महालक्ष्मी | झाले आगमन |

सुखावले मन | सणासुदी ||१||

विदर्भात लक्ष्मी | कोकणात गौरी |

येती घरोघरी | आगत्याने ||२||

माहेर वाशीण | सोन पावलांत |

आली आनंदांत | भेटावया ||३||

महालक्ष्मी गौरी | अखंड सावध |

असुरांचा वध | रक्षणासी ||४||

गौराई सजते | विविध रूपात |

वसे मखरात | आशिर्वादा ||५||

सुवासिनी हाती | मंगल पूजन |

नैवेद्य भोजन | भक्तीभावे ||६||

डोळे पाणावती | येता विसर्जन |

विराहत मन | निरोपासी ||७||

☆

© श्री आशिष  बिवलकर

बदलापूर

मो 9518942105

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

सुश्री नीलांबरी शिर्के

सौ. रेणुका धनंजय मार्डीकर

  चित्रकाव्य  

सांग पावसा सांग मला… ☆ सौ. रेणुका धनंजय मार्डीकर ☆

☆

सांग पावसा सांग मला

काय देऊ मी सांग तुला

फुललेला तू ऋतू दिला

रंग गुलाबी फुला फुला

*

पाकळी मजला मोहविते

कळी कळी उमलून देते

हिरव्या हिरव्या पर्णपाचुच्या

देठासंगे घेई झुला

सांग पावसा……

*

कधी मी बावरुनी जाते

गोड खळी गाली येते

प्रेम झुल्यावर घेताना

हिंदोळा हा खुला खुला

सांग पावसा……..

*

अवचित लाली आलेली

सर ओलेती न्हालेली

कुंतलात मग अलगद माळून

छेड छेढतो कानडुला

सांग पावसा………..

☆

© सौ.रेणुका धनंजय मार्डीकर

औसा.

मोबा. नं.  ८८५५९१७९१८

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

श्री आशिष  बिवलकर

  चित्रकाव्य  

– मातृवंदना…–  ☆ श्री आशिष  बिवलकर ☆

☆

भाग्य लाभले मज,

तुझ्या उदरी जन्मल्याचे |

संस्कार दिलेस मजला,

जीवनी पवित्र मांगल्याचे |

*

सोसल्यास अनंत कळा,

तळपत्या उन्हाच्या झळा |

कमी होऊन दिला नाहीस लळा,

तूझ्या मातृत्वाचा ऐसा जिव्हाळा |

*

जीवन माझे सरिता,

तू तिचे उगमस्थान |

काठी मायेचा ओलावा,

माऊली तू किर्तीमान |

*

कौतुके लोण्याहून मऊ,

चुकता वज्राहून कठोर |

दूर तुझ्या पासून जाता,

श्वासागणिक तुला घोर |

*

तुझ्या उदरातून केला,

जीवन प्रवास सुरु |

बोबडे बोल सुधारले,

तूच माझी आद्य गुरु |

*

वात्सल्यमूर्ती तू जीवनात 

शिरी मायेची शितल सावली |

जन्मदे तुझे किती थोरपण 

वात्सल्यसिंधू वाहे माऊली |

*

देव धर्म केला अपार,

असंख्य केलेस उपवास |

तुझ्या व्रतवैकल्याचे पुण्य,

आशिर्वाद माझ्या जीवनास |

*

हाडा मासाचा गोळा,

दिलास तू देहासी आकार |

सामर्थ्यही तूच दिलेस,

तुझे स्वप्न करीन साकार |

*

काळाच्या चाकावर,

वार्धक्य जरी तुझ्या वाटेला |

लेकरासाठी उभी खंबीर,

कोणत्याही कठीण घटकेला |

*

कितीही लिहावे तुझ्यावर,

अपूर्णतेची सल मनी राहते |

‘आई’ या दोन अक्षरासाठी,

पवित्र गंगा नयनी वाहते |

☆

© श्री आशिष  बिवलकर

बदलापूर

मो 9518942105

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

सुश्री नीलांबरी शिर्के+