प्रा. भरत खैरकर
कवितेचा उत्सव
☆ “क्षितिज संग…” ☆ प्रा. भरत खैरकर ☆
☆
श्वासामधली अधीर भाषा
कशी कळेना-सखे तुला
प्रणयसुखाच्या फांदीवरती
योवनाचा झुलतो झुला !
*
धडाडती हृदय स्पंदने
अन् उधाणती उसासे
वेदनेच्या कळा साहत
वाजती देहांचे ताशे !
*
धुंद नशेच्या मंथरज्वाला
जाळी माझे अंग अंग
मिठीमाजी सखये तुझ्या
क्षितिजाचा गवसे संग!!
☆
© प्रा. भरत खैरकर
संपर्क – बी १/७, काकडे पार्क, तानाजी नगर, चिंचवड, पुणे ३३. मो. ९८८१६१५३२९
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
वाचताना वेचलेले 
मेहबूब जमादार ☆
