मराठी साहित्य – साप्ताहिक स्तम्भ ☆ कवितेच्या प्रदेशात # 78 – हायकू ☆ सुश्री प्रभा सोनवणे

By Hemant Bawankar2 Comments

सुश्री प्रभा सोनवणे

(आप  प्रत्येक बुधवार को सुश्री प्रभा सोनवणे जी  के उत्कृष्ट साहित्य को  साप्ताहिक स्तम्भ  – “कवितेच्या प्रदेशात” पढ़ सकते  हैं।)

☆ साप्ताहिक स्तम्भ – कवितेच्या प्रदेशात # 78 ☆

☆ हायकू ☆

वेल्हाळ पक्षी

स्वप्नातल्या गावात

मन मोहात

********

फुलपाखरू

अंगावर बसलं

फूल हसलं

******

एक साळुंकी

खुपच आवडते

का रडवते ?

******

नार शेलाटी

बाजिंदी मनमुक्त

होईल व्यक्त

****

हिर्वी बाभळ

डोहाच्या काठावर

त्या वाटेवर

****

पिवळी फुले

झुलतात फांदीत

मन गंधीत

****

वाकडी वाट

चिमुकले ते खेडे

फुलांचे सडे

****

काळी कपिला

सुन्दर तिचे डोळे

दूध  कोवळे

****

तो निवडुंग

गावाच्या वाटेवर

काटेसावर

****

मस्त साकुरा

फुलतो जपानला

गंध मनाला

 

© प्रभा सोनवणे

“सोनवणे हाऊस”, ३४८ सोमवार पेठ, पंधरा ऑगस्ट चौक, विश्वेश्वर बँकेसमोर, पुणे 411011

मोबाईल-९२७०७२९५०३,  email- [email protected]

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित  ≈

Please share your Post !

Shares

मराठी साहित्य – कवितेचा उत्सव ☆ कशासाठी… ☆ श्री शरद कुलकर्णी

By Hemant Bawankar1 Comment

☆ कवितेचा उत्सव ☆ तू….मी… ☆ श्री शरद कुलकर्णी☆ 

प्रत्येक जखमांनी,

खपली धरावी.

अट्टहास कशासाठी ?

वाहू द्यावं त्यांना,

प्रवाहित.

 

प्रत्येक प्रश्नांची,

उत्तरे शोधावी.

खटाटोप कशासाठी ?

राहू द्यावं त्यांना,

अनुत्तरित.

 

शोधण्यास वाट,

धडपड ती करावी.

पायपिट कशासाठी ?

चालावं होउन,

निर्वासित.

 

स्वर आपला शोधण्या,

आकांत मांडावा.

ध्यास कशासाठी ?

मूक रहावं ओठांनी   ,

अनुच्चारित.

 

पानगळीच्या ऋतूंची,

जाण ती ठेवावी.

घालमेल कशासाठी?

जगावे निमूट,

वृक्षवत.

 

©  श्री शरद कुलकर्णी

≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित  ≈

Please share your Post !

Shares

मराठी साहित्य – साप्ताहिक स्तम्भ ☆ श्री अशोक भांबुरे जी यांची कविता अभिव्यक्ती # 77 ☆ वेदनेची भेट ☆ श्री अशोक श्रीपाद भांबुरे

By Hemant BawankarNo Comments

श्री अशोक श्रीपाद भांबुरे

☆ साप्ताहिक स्तम्भ – अशोक भांबुरे जी यांची कविता अभिव्यक्ती # 77 ☆ वेदनेची भेट ☆

वेदनेची भेट झाली छान झाले

त्यामुळे मज जीवनाचे भान आले

 

समजुतीने वेदनेशी मीच घेतो

संशयाने पाहतो मज आज जो तो

 

काळजीने आज केली फार दाटी

लेक आली गोमटी ही आज पोटी

 

यातनांनी दार माझे वाजवीले

मास्क नव्हता तोड नव्हते झाकलेले

 

दिनकराने होय वनवा लावलेला

पेटले ते झाड ज्याच्या सावलीला

 

लागलेला हाच आहे घोर आता

दीन आहे त्यास येथे कोण दाता

 

नेत्र का हे पावसाळी मेघ आहे

काळ नाही वेळ नाही फाक्त वाहे

 

© अशोक श्रीपाद भांबुरे

धनकवडी, पुणे ४११ ०४३.

[email protected]

मो. ८१८००४२५०६, ९८२२८८२०२८

≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित ≈

Please share your Post !

Shares

मराठी साहित्य – कवितेचा उत्सव ☆ वर अमृत स्वप्नांचा ☆ सुश्री पूजा दिवाण

By Hemant BawankarNo Comments

☆ कवितेचा उत्सव ☆ वर अमृत स्वप्नांचा☆ सुश्री पूजा दिवाण ☆

सुख वाटता वाटता

पडो आभाळही थिटे

दुःख वाटण्या पहाता

हात हळू मागे तटे

 

दुःख ऐकण्या सदाच

श्रुती असावी तत्पर

दुःख कथिण्या  कधीच

ओठी पडो न अंतर

 

दुःख ऐकता ऐकता

चिंब पापणी भिजावी

सुख ऐकता ऐकता

ओठी शीळ उमटावी

 

साद सुखात दुःखाची

कुणी कधी ना ऐकली

आस दुःखात सुखाची

कुणा कधी ना सुटली

 

असा फेर हा दैवाचा

मध्ये खांब मनुजाचा

मर्त्य तनुज मनूला

वर अमृत स्वप्नांचा

 

© सुश्री पूजा दिवाण

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित  ≈

Please share your Post !

Shares

मराठी साहित्य – कवितेचा उत्सव ☆ साप्ताहिक स्तम्भ – हे शब्द अंतरीचे # 29 ☆ नाही मन ते निर्मळ ☆ कवी राज शास्त्री

By Hemant BawankarNo Comments

कवी राज शास्त्री

☆ साप्ताहिक स्तम्भ – हे शब्द अंतरीचे # 29 ☆ 

☆ नाही मन ते निर्मळ… ☆

 

मन शुद्ध नसता, देतो आणिका दूषण

नाही मन ते निर्मळ, काय करील साबण…धृ

 

पाहतो उणे अनेकांचे, स्वतः आचरतो हा दोष

अंधार असता स्व-घर, दिवा दाखवी दुसऱ्यास

नाही मन ते निर्मळ, काय करील साबण…१

 

नाही स्व-घरावर छत, कौल मोजतो दुसऱ्याचे

घरी गळते छप्पर, आणि पाणी पडते चौफेर

नाही मन ते निर्मळ, काय करील साबण…२

 

जडला की जणू याला, महा-भयंकर रोग

दुसऱ्याच्या कार्यात, करतो कूट-कारस्थान

नाही मन ते निर्मळ, काय करील साबण…३

 

घरातील कचरा, हम रस्त्यावर टाकी

नागरिक देशाचा, नाही त्यास अवधान

नाही मन ते निर्मळ, काय करील साबण…४

 

ढोंग विवेक दाखवी, आत काळिमा ती याच्या

भोंदूगिरी करितो नित, मूळ असून सैतान

नाही मन ते निर्मळ, काय करील साबण…५

 

© कवी म. मुकुंदराज शास्त्री उपाख्य कवी राज शास्त्री

श्री पंचकृष्ण आश्रम चिंचभुवन, वर्धा रोड नागपूर – 440005

मोबाईल ~9405403117, ~8390345500

≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित ≈

Please share your Post !

Shares

मराठी साहित्य – कवितेचा उत्सव ☆ मन ☆ श्रीशैल चौगुले

By Hemant BawankarNo Comments

☆ कवितेचा उत्सव ☆ मन ☆ श्रीशैल चौगुले ☆

मन समुद्राची लाट

मन क्षितीज ललाट.

 

मनात नाचे सृष्टी

मन हवा ही पिसाट.

मन वेडी  हिरवाई

मन पर्वताचा घाट.

 

मन गगन निरभ्र

मन मेघ घनदाट.

मन सूर्य नि चंद्र

मन धरतीचा थाट.

 

मन हृदयाचे भाव

मन प्रेमबंध गाठ.

मन सुख-दुःख क्षण

मन जीवन अवीट.

 

मन मंदिराचे दार

मन कैवल्याचा काठ.

 

© श्रीशैल चौगुले

९६७३०१२०९०

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित  ≈

Please share your Post !

Shares

मराठी साहित्य – कवितेचा उत्सव ☆ स्मृती यात्रा ☆ सुश्री दीप्ती कुलकर्णी

By Hemant BawankarNo Comments

सुश्री दीप्ती कुलकर्णी

☆ कवितेचा उत्सव ☆ स्मृती यात्रा ☆ सुश्री दीप्ती कुलकर्णी☆

मनाच्या प्रांगणावर उतरला पक्षी

उसवू लागला,स्मृतीरुप नक्षी

 

स्मृती आनंददायी

गात्रे गात्रे सुखविणार्या

स्मृती दुःख दायी

अंतःकरणास भिडणार्या

 

स्मृती निरोपाच्या

भावविश्व हलविणार्या

स्मृती स्वागताच्या

स्नेह जोपासणार्या

 

स्मृती सणवारांच्या

उत्साहास उधाण आणणार्या

स्मृती नातेसंबंधांच्या

कडु गोड बनलेल्या

 

स्मृती अशाही चिवट

नको नकोशा वाटणार्या

मन बनविणार्या बोथट

धारदार जिव्हेच्या

 

एकामागोमाग एक

जीवनपट उलगडणार्या

आपले नि परके यातील

सीमारेषा शोधणार्या

 

स्मृती यात्रा ही अपार

मनरुपी वारुवर

वेगाने होई स्वार

नेई मजला दूरवर.

 

© सुश्री दीप्ती कुलकर्णी

कोल्हापूर

≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित  ≈

Please share your Post !

Shares

मराठी साहित्य – कविता ☆ सोन्याची जेजुरी ☆ श्रीमति उर्मिला उद्धवराव इंगळे

By Hemant BawankarNo Comments

श्रीमति उर्मिला उद्धवराव इंगळे

 

☆ साप्ताहिक स्तम्भ – केल्याने होत आहे रे ☆

☆ सोन्याची जेजुरी ☆

मराठा साम्राज्याचे आराध्य दैवत!

प्राणाहून प्रिय जनमानसात !!१!!

 

खंडोबा राया म्हाळसा सुंदरी!

लाडके दैवत राणा मल्हारी!!२!

 

खंडेरायाची सोन्याची जेजुरी!

बसवली नवलाख दगडी पायरी!!३!!

 

तळीभंडारा अगदुम नगारा!

सोन्याची जेजुरी उधळा भंडारा!!४!!

 

खंडोबाचा येळकोट दुमदुमे नगरी!

करीते आरती बाणाई सुंदरी !!५!!

 

मराठा काळात सर्वात श्रीमंत!

प्रसिद्ध असे खंडोबा दैवत!!६!!

 

सन १८११ पेशवाई यादीतली!

मोडी लिपीत माहिती मिळाली!

सोने चांदी रत्ने जडावाची ती!

शंभराहून अधिक दागिने असती!!७!!

 

खंडेरायांचा शिरपेंचतुरा बिगबाळी!

मुंडावळ्या बाशिंग कंठी गळ्यातली!

अंगठ्या वाघनखं तोडे घागऱ्या !

खडावा त्रिशूळ ढाली तलवाऱ्या !!८!!

 

म्हाळसादेवींना चिंचपेट्या मंगळसूत्र कर्णफुले कानी!

बाजूबंद बोरमाळ ठुशी माणिक मोती सोन्याची वेणी!!९!!

 

शिवकालापासून हे दागिने असती!

मात्र पेशवे दप्तरात यांच्या चोरीच्या नोंदी दिसती !!१०!!

 

एकेकाळी खरीखुरी होती सोन्याची जेजुरी!

आजही भंडाऱ्याने लखलखते सोन्याची जेजुरी!!!!११!!

 

येळकोट येळकोट जय मल्हार!

येळकोट येळकोट जय मल्हार!!

मल्हारी मार्तंड जय मल्हार!

मल्हारी मार्तंड जय मल्हार!!!

 

©️®️ श्रीमति उर्मिला उद्धवराव इंगळे

सातारा

गुगल सौजन्याने:- श्री.राज मेमाणे मोडी लिपी अभ्यासक यांचे माहितीच्या आधारे खंडेराया व म्हाळसाईंच्या दागिन्यांची  माहिती वर्णिली आहे.

 

≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित ≈

Please share your Post !

Shares

मराठी साहित्य – कवितेचा उत्सव ☆ …ये … ना ….☆ प्रा. सौ. सुमती पवार

By Hemant BawankarNo Comments

प्रा. सौ. सुमती पवार

☆ कवितेचा उत्सव ☆ …ये … ना ….☆ प्रा. सौ. सुमती पवार ☆ 

सळसळ सळसळ पाऊस धारात ये ना ..

रानात पानात दवांत भिजत ये नां ….

मी धुंद अशी रे उभी पाण्यात

ओघळती मोती रेशमी मम केसात

दवांचे स्नान तू पहाटे घेऊन ये ना ..

 

अंधारले गूढ कसे आकाश ?

पाण्यावर लाटा तरंग सावकाश

मेघांची अंबारी घेऊन भेटाया ये ना …

 

क्षितिजावर रेषा दिसते काजळ काठ

मन हुरहुरले रे माझे आली लाट

मोहोरलेल्या त्या मिठीत मला तू घे ना .

 

रे डोंगर माथ्यावरती ते प्रपात

कोसळती धुव्वाधार ते पहा दिन रात

सावळ्या घनात नाचत पानात ये ना ..

 

थेंबात विरत पाण्यात पोहत ये ना …

रानात पानात दवांत भिजत ये ना …

 

© प्रा.सौ.सुमती पवार ,नाशिक

दि:१४/०९/२०२०, वेळ:सकाळी :०९:४३

(९७६३६०५६४२)

[email protected]

≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित ≈

Please share your Post !

Shares

मराठी साहित्य – कवितेचा उत्सव ☆ विजय साहित्य – सौभाग्य . . . ! ☆ कविराज विजय यशवंत सातपुते

By Hemant BawankarNo Comments

कविराज विजय यशवंत सातपुते

☆ विजय साहित्य ☆ सौभाग्य . . . ! ☆ कविराज विजय यशवंत सातपुते ☆

शतभाग्याचे पुण्य ते

ज्या ज्या कर्माने लाभते

पुण्यसंचयी क्षण ते

सौभाग्याचे नाव घेते. . . . !

 

श्रद्धा आणि सबुरीने

क्षण सौभाग्याचा येई

कधी होई स्वप्न पूर्ती

कधी दुःख लया जाई. . . . .!

 

सहजीवनात येती

सौभाग्याचे नाना क्षण

विश्वासाने वेचायचा

आठवांचा कण कण. . . . !

 

सौभाग्याच्या क्षणांमधे

सामावले कर्मफल

साथ हवी विश्वासाची

मिळे जगण्याचे बळ. . . . . !

 

काम, क्रोध, लोभ,  मोह,

सारे पापाचेच धनी

संयमाच्या अंकुशाने

करू संस्कार पेरणी. . . . !

 

दान द्यावे,  दान घ्यावे

दुःख, दैन्य,  दूर जावे

सौभाग्याचे क्षण असे

नात्यांमधे दृढ व्हावे. . . . !

 

© विजय यशवंत सातपुते

यशश्री, 100 ब दीपलक्ष्मी सोसायटी,  सहकार नगर नंबर दोन, पुणे 411 009.

मोबाईल  9371319798

≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित  ≈

Please share your Post !

Shares
image_printPrint