महंत कवी राज शास्त्री
हे शब्द अंतरीचे # 190
☆ प्रेम… प्रेमकाव्य… ☆ महंत कवी राज शास्त्री ☆
(अष्टाक्षरी…)
☆
प्रेम… प्रेमकाव्य…
प्रेम काय असतं…
प्रेम एक, अडीच अक्षराचं पत्र
प्रेम एक, मंत्रमुग्ध करणार स्तोत्र
*
प्रेम म्हणजे, आकर्षण
प्रेम म्हणजे, समर्पण.!!
*
प्रेम एक, निर्मळ सरिता
प्रेम एक, मुक्त कविता.!!
*
नकोत प्रेमात वासना
असाव्या फक्त संवेदना.!!
*
नुसते शरीराचे, आकर्षण नसावे
प्रेमाने प्रेमाला, हस्तगत करावे.!!
*
विचार करावा, कोमल मनाचा
प्रेमात राहून, मन जिंकण्याचा.!!
*
नकोत नुसते, गलिच्छ इशारे
प्रेमासाठी मन, शुद्ध ठेवा रे.!!
*
गंध असल्यावर
फुले हातात असतात
गंध संपल्यावर
फुले कचऱ्यात सापडतात.!!
*
प्रेमाचे सूत्र
मुळीच असे नसते
असे असेल तर
प्रेम लगेच संपते.!!
*
वासनांध प्रेमाला
हवस म्हणतात
त्यात मग कुठे
बलात्कार होतात.!!
*
म्हणून सांगतो
प्रेम अपराध नसतो
निर्मळ प्रेम
मनाचे मन जोपासतो.!!
*
मात्र प्रेमात पडून, वेळ निभावणे
गरज संपली की, साथ सोडणे.!!
*
हा मात्र अक्षम्य, गुन्हा ठरतो
एखाद्याचा मृत्यू, हकनाक होतो.!!
☆
© कवी म.मुकुंदराज शास्त्री उपाख्य कवी राज शास्त्री
श्री पंचकृष्ण आश्रम चिंचभुवन, वर्धा रोड नागपूर – 440005
मोबाईल ~9405403117, ~8390345500
≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ.गौरी गाडेकर≈
वाचताना वेचलेले 
