श्रीशैल चौगुले
कवितेचा उत्सव
☆ ओली कविता... ☆ श्रीशैल चौगुले ☆
☆
तुटलेले तारे डोळ्यातून ढळतात
डोळ्यात आभाळ पागोळ्याच गळतात.
*
फिरलेत वारे धुंदरात्री छळतात
का कोण जाणे ते मनावर जळतात.
*
हि नाती वेगळी पावसात जुळतात
अनोळखी स्मृती भिजवीत पळतात
*
अजून धरतीच्या गालावर ओघळ
भावनेच्या पानावर घरंगळतात.
*
कातरवेळी निरवतेत टपटपत्या
ओल्या कवितेस शब्द अलगद मिळतात.
☆
© श्रीशैल चौगुले
मो. ९६७३०१२०९०.
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
– हरवत चाललं आहे बालपण … – 
वाचताना वेचलेले 
