Tag: #मराठी-कविता

श्री प्रमोद वामन वर्तक

 कवितेचा उत्सव  

🤝👨‍❤️‍👨 मै त्री! 👩‍❤️‍💋‍👨🤝 श्री प्रमो वामन वर्तक  

☆

रंग नसतो मैत्रीला

तरी असते रंगीत,

सूर जुळता मैत्रीचे

वाजे स्वर्गीय संगीत!

*

चेहरा नसतो मैत्रीला

तरीही असते सुंदर,

तारा जुळता मैत्रीच्या

उघडे हृदयाचे दार!

*

नसतात कधी मैत्रीत

अटी आणिक वचने,

मैत्री जपतांना हवीत

फक्त स्वच्छ दोन मने!

*

घर नसले जरी मैत्रीला

फिकीर ना तिला फार

मैत्री जपता विश्वासाने

करून राहे ह्रदयी घर! 💓

करून राहे ह्रदयी घर! 💓

☆

© श्री प्रमोद वामन वर्तक

संपर्क – दोस्ती इम्पिरिया, ग्रेशिया A 702, मानपाडा, ठाणे (प.) – 400610 

मो – 9892561086 ई-मेल – [email protected]

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

सौ.उज्वला सुहास सहस्त्रबुद्धे

  कवितेचा उत्सव  

☆ तुकाराम बीज… ☆ सौ.उज्वला सुहास सहस्त्रबुद्धे ☆

☆

बीजे च्या दिवशी,

स्मरण तुकयाचे!

दर्शन विठ्ठलाचे,

मनोमनी!

 *

तुकयाची आवली,

भाबडी तिची माया!

अज्ञानाची छाया,

प्रपंचावरी!

 *

तुकयासाठी आले,

सजून विमान!

वैकुंठ गमन,

तुकयाचे!

 *

सदेह वैकुंठी,

जाई संत तुका!

आक्रितच लोका,

दिसले ते!

 *

जनांचे ती गर्दी,

अचंबित झाली!

जाई तुका माऊली,

वैकुंठ वाटे!

☆

© सौ. उज्वला सुहास सहस्रबुद्धे

सुश्री नीलांबरी शिर्के

श्री सुनील देशपांडे

 कवितेचा उत्सव 

☆ “तूच तू…” ☆ श्री सुनील देशपांडे ☆

(२००९ मध्ये प्रसिद्ध झालेल्या माझ्या पत्नीसहस्रनाम या पुस्तकातून)

☆

शक्ती तूच, स्फूर्ती तूच, तूच कीर्तीदायिनी।

तेज तूच, बुद्धी तूच, जीवन सौदामिनी ।।

कर्म तूच, मर्म तूच, तूच मार्गदायीनी।

भीती तूच, शौर्य तूच, तूच धैर्यवर्धिनी।।

*

अमर तूच, मर्त्य तूच, तूच काळ व्यापिणी।

तमसांतिका अन् तू प्रकाशिका, तूच विश्वस्वामिनी।।

ब्रम्ह तूच अन माया, तूच सर्व साक्षिणी।

प्राण तूच, मान तूच, तूच देवी मानिनि।।

*

मुग्धा हि तू, कृद्धा हि तू, तूच रौद्ररागिणी।

दुर्गा अन् काली तूच, असुर संहारिणी।।

काटे अन् फूल तूच, तूच गे सुवासिनी।

वंथनात मुक्त तूच, तूच हृदयवासिनी।।

*

प्रीत तूच, गीत तूच, तूच सौख्य दायिनि ।

शब्द तूच, अर्थ तूच, तूच वाग्विलासिनी ।।

अर्थ, काम, मोक्ष तूच, तूच धर्मचारिणी ।

तूच भाव, तूच देव, तूच पत्नि रूपिणी।।

☆

© श्री सुनील देशपांडे

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

सुश्री नीलांबरी शिर्के

सुश्री प्रभा हर्षे

 इंद्रधनुष्य 

☆ येड्या हो sssss ‘Hug Day‘ याला म्हणतात! – लेखक : डॉ. धनंजय देशपांडे ☆ सुश्री प्रभा हर्षे  ☆

hug day म्हणजे काय असतं

हे रावणाशी लढाई जिंकून झाल्यावर

हनुमानाला मिठीत घेतलेल्या श्रीरामाला विचारा 

की Hug Day म्हणजे काय?

*

Hug Day म्हणजे काय असतं

हे त्या अफझलखानाच्या थडग्याला जाऊन विचारा 

ते हि सांगेल Hug Day म्हणजे काय असतं!

*

Hug डे म्हणजे काय असतं

हे त्या पोह्याच्या पुरचुंडीला विचारा,

जिने कृष्ण सुदामाची मिठी पाहिलेली 

ती हि सांगेल Hug Day म्हणजे काय असतं

*

Hug Day म्हणजे काय असतं

हे त्या झाडांना विचारून पहा

ज्यांच्या रक्षणासाठी “चिपको” आंदोलन करून

महिलांनी झाडांना मिठी मारलेली पाहिलीय 

ती झाडेही सांगतील की 

Hug Day म्हणजे काय असतं 

*

Hug Day म्हणजे काय असतं

हे त्या रायगडाला विचारा 

ज्याने पश्चाताप झाल्यावर

माघारी आलेल्या शंभुराजांना

मिठीत घेणारे शिवाजी राजे पाहिलेत 

तो रायगडीचा महालही सांगेल 

Hug Day म्हणजे काय असतं 

*

Hug Day म्हणजे काय असतं

हे त्या यज्ञातील उधाणलेल्या ज्वालाना विचारा 

ज्यांनी नेताजी पालकरला पुन्हा आपल्या धर्मांत घेऊन

मिठी मारणारे छत्रपती शिवाजी महाराज पाहिलेत 

त्या ज्वालाही सांगतील 

Hug Day म्हणजे काय असतं 

*

Hug Day म्हणजे काय हे

त्या जेल मधील भिंतींना पण विचारा

जेव्हा मेरा रंग दे बसंती म्हणत

भगतसिंग, सुखदेव आणि राजगुरू 

ह्यांनी एकमेकांना फासावर जाण्याआधी

एकदा घट्ट मिठी मारली असेल

*

Hug Day म्हणजे काय?

हे सीमेवर लढायला जाणाऱ्या त्या जवानांना सुद्धा विचारावं 

जो जाताना आपल्या आईला आलिंगन देऊन जातो.

आणि भारत मातेच्या रक्षणासाठी स्वतःचे प्राण पणाला लावतो.

*

असा असतो खरा Hug Day.. येड्याहो!

ते शिकूया, तशा मिठीचे संस्कार जपूया 

जय भवानी, जय शिवाजी…

*

लेखक : श्री डॉ. धनंजय देशपांडे (dd)

प्रस्तुती : सुश्री प्रभा हर्षे 

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

सौ. मंजुषा सुनीत मुळे

📚 वाचताना वेचलेले 📖

☆ “कराया साजरा । होलिकेचा सण ।।” – कवी – डॉ. प्रसाद वाळिंबे ☆ प्रस्तुती – सौ. मंजुषा सुनीत मुळे ☆

☆

कराया साजरा । होलिकेचा सण ।

मनाचे स्थान । निवडिले ।।

ऐसे ते स्थान । साधने सरावले ।

भक्तीने शिंपिले । केले सिद्ध ।।

*
त्या स्थानी खळगा । समर्पणाचा केला ।

त्यात उभा ठेला । अहंकार एरंड ।।

रचलीया तेथे । लाकडे वासनांची ।

इंद्रियगोवऱ्याची । रास भली ।।

*
गुरुकृपा तैल । रामनाम घृत ।

अर्पिले तयात । ऐसे केले ।।

रेखिली भोवती । सत्कर्म रांगोळी ।

भावरंगाचे मेळी । शोभिवंत ।।

*
वैराग्य अग्नीसी । तयाते स्थापिले ।

यज्ञरूप आले । झाली कृपा ।। 

दिधली तयाते । विषय पक्वान्नाहुती ।

आणिक पूर्णाहुति । षड्रिपू श्रीफळ ।।

*
झाले सर्व हुत । वैराग्य अग्नीत । 

जाणावया तेथ । नुरले काही ।।

वाळ्या म्हणे जनी । व्हावी ऐसी होळी ।

जेणे मुक्तीची दिवाळी । अखंडित ।। 

☆

कवी – डॉ. प्रसाद वाळिंबे

सुप्रसिद्ध नेत्रतज्ञ पुणे 

प्रस्तुती : सौ. मंजुषा सुनीत मुळे 

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

सौ. ज्योती कुळकर्णी 

 कवितेचा उत्सव 

☆ नवी ओळख.. ☆ सौ. ज्योती कुळकर्णी ☆  

(वृत्त:कालिंदनंदिनी)

☆

फुलातली खुळी कळी झुलावयास लागली

वयात येत ती पहा नटावयास लागली

*

मनात गोड स्वप्न आणि सोबतीस चंद्रमा

नभात चांदणी पुन्हा हसावयास लागली

*

सुरेख अंगणात रोप लाविले सुरेखसे

फुले दवात न्हायली डुलावयास लागली

*

उनाड मोकळ्या मनास सैल सोडले जरा

जुनी विचार बंधने नडावयास लागली

*

विकास साधण्या तिच्या मनात बीज पेरले

अता तिची गती तुला खुपावयास लागली!

*

शिरात पेच खोचला तिला दिलास मान हा

ऋणात राहता तुझ्या झुकावयास लागली

*

पती वरून ओळखू नका तिला खरे तुम्ही

तिची नवीन अस्मिता जपावयास लागली

 ☆

© सौ. ज्योती कुळकर्णी

अकोला

मोबा. नं. ९८२२१०९६२४

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

श्रीमती अनिता जयंत खाडीलकर

 कवितेचा उत्सव 

☆ स्री शक्ती ☆ श्रीमती अनिता जयंत खाडीलकर ☆

☆

कोण म्हणतंय स्री अबला

ती तर आहे खरी सबला

कणखर पुरूषांची जन्मदाती

सक्षम असे ती स्वतःच

 *

कशी होईल ती अबला

शिक्षण घेऊन अर्थार्जन करी

योग्य संस्कार बाळावर करी

सर्व संसारा ती सांभाळी

 *

कधी होई ती सैनिक

कधी राष्ट्रपती कधी पंतप्रधान

कधी पायलट,अंतराळवीर

सांभाळी उध्दारी तीच जगता

 *

भुषवते ती उच्चस्थान

करूनी तिचा सन्मान

अभिमान बाळगून स्रीजातीचा

करू स्रीशक्तीचा जागर

मानू जगनियंत्याचे उपकार

 ☆

© श्रीमती अनिता जयंत खाडीलकर

सह्याद्री अपार्टमेंट, खाडीलकर गल्ली, बालगंधर्व नाट्यमंदिर समोर, ब्राह्मणपुरी, मिरज,जि. सांगली

मो 9689896341

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈