मराठी साहित्य – कवितेचा उत्सव ☆ शुक्राची चांदणी… ☆ मेहबूब जमादार ☆

By Hemant BawankarNo Comments

मेहबूब जमादार 

? कवितेचा उत्सव ?

☆ शुक्राची चांदणी… ☆ 🖋 मेहबूब जमादार ☆

☆

मी पाहतोय तेथे अजुनीआहे शुक्राची चांदणी

आपले अढळ स्थान  ठेऊन आहे शुक्राची चांदणी

*

कित्येक शतकांच्या आठवणी काळ सांगून गेला

त्या काळांचा इतिहास  सांगते  शुक्राची चांदणी

*

सूर्य उगवतो मावळतो आणि अंधार पडतो

अंधार पडता  पुन्हा उजळते शुक्राची चांदणी

*

गतकालांचे दाखले विझले  पडद्याआड गेले

आपले आकाश भेदून आहे शुक्राची चांदणी

*

आले गेले बरेच अन काळाच्या स्मृतीत गेले

आपले नांव  राखून आहे शुक्राची चांदणी

☆

© मेहबूब जमादार

मु. कासमवाडी,पोस्ट -पेठ, ता. वाळवा, जि. सांगली

मो .9970900243

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – चित्रकाव्य ☆ हातगुण… ☆ सुश्री वर्षा बालगोपाल ☆

By Hemant BawankarNo Comments

सुश्री वर्षा बालगोपाल

?️?  चित्रकाव्य  ?️?

? हातगुण… ?  सुश्री वर्षा बालगोपाल ☆

☆

हात टेकले प्रारब्धापुढे

पण संकटे मुळी जाईना

हात जोडता परमेश्वरा

आत्मबल मनीचे खचेना॥

*

हात पसरता कोणापुढे

मदत काडीचीही मिळेना

हात देता अडीला नडीला

कोडकौतूक ओघ थांबेना॥

*

हात सोडता संकटकाळी

कृतघ्नतेचा  ठसा पुसेना

हात धरता घट्ट हातात

जन्मांतरीची गाठ सुटेना॥

*

हात फिरता डोईवरूनी

आत्मविश्वास उरात दाटे

हात मोडला ना बाधा तरी

ना पायाला बोचतील काटे॥

*

हात उचलणे नाही नीती

थोडा संयम असावा अंगी

हात चालवावा कार्यक्षेत्रात

सफलता मिळणार जंगी॥

*

हात गुण असती अनेक

त्यातीलच हे असती काही

हात लाभता मनास मग

कार्यगतीस थांबा नाही॥

☆

© सुश्री वर्षा बालगोपाल

मो 9923400506

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – मराठी कविता ☆ कवितेच्या प्रदेशात # 222 ☆ होळी ☆ सुश्री प्रभा सोनवणे ☆

By Hemant BawankarNo Comments

सुश्री प्रभा सोनवणे

? कवितेच्या प्रदेशात # 222 ?

☆ होळी ☆ सुश्री प्रभा सोनवणे ☆

☆

भंगार जाळण्याला येतेच नित्य होळी

मारून बोंब आता होईल व्रात्य होळी

*

मोहात पौर्णिमेच्या असतेच चांदणेही

चंद्रास काय ठावे दावेल सत्य होळी

*

जाळात टाकलेले, वाईट – वाकडेही

पेटून पाहते ते प्रत्येक कृत्य होळी

*

भरपूर घातलेले पोळीत पुरण आता

दारात पेटते पण करते अगत्य होळी

*

आता “प्रभा”स कोणी शिकवू नका हुषारी

खेळून रंग सारे पेटेल अंत्य होळी

☆

© प्रभा सोनवणे

१९ मार्च २०२४

संपर्क – “सोनवणे हाऊस”, ३४८ सोमवार पेठ, पंधरा ऑगस्ट चौक, विश्वेश्वर बँकेसमोर, पुणे 411011

मोबाईल-९२७०७२९५०३,  email- [email protected]

≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ हिमालयाच्या कुशीत ☆ डाॅ. विष्णू वासमकर ☆

By Hemant BawankarNo Comments

डाॅ. विष्णू वासमकर

? कवितेचा उत्सव ? 

☆ हिमालयाच्या कुशीत ☆ डाॅ. विष्णू वासमकर☆ 

☆

वाटत होते असतील सुंदर

म्हणूनही पहावया आलो डोंगर,

जवळी जाता भयचकित मीच

पाहुनी विराट हे हिमगिरीवर !   १.

*

हिमालयाच्या कुशीत जाता

विराट रूप ते करी अचंबित,

दिव्यत्वाची प्रतीती येऊन

पुन्हा पुन्हा मी झालो स्तंभित !   २.

*

यमुनेच्या ह्या झेलून धारा

गंगेमध्ये वितळून गेलो,

हिमरुद्राच्या चरणी लागून

अपवित्र मी पवित्र झालो !    ३.

*

श्रीविष्णूचा मग धावा करता

बद्रीनाथही दिसू लागला,

गुज मनातील भेटून सांगीन

त्या माझ्या मग कृष्णसख्याला !!    ४.

☆

© डाॅ. विष्णू वासमकर

स्थळ : हिमालय

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ श्री अशोक भांबुरे जी यांची कविता अभिव्यक्ती #229 ☆ प्रेम दिगंतर… ☆ श्री अशोक श्रीपाद भांबुरे ☆

By Hemant BawankarNo Comments

श्री अशोक श्रीपाद भांबुरे

? अशोक भांबुरे जी यांची कविता अभिव्यक्ती # 229 ?

☆ प्रेम दिगंतर ☆ श्री अशोक श्रीपाद भांबुरे ☆

☆

लोहमार्गाचे रूळ समांतर

बोलत नाहीत कधी अवांतर

*

जरी उभी तू पल्याड नदीच्या

दोन मनातील प्रेम दिगंतर

*

नजरेतून तू जरी बोलली

करतील डोळे हे भाषांतर

*

नदी मिळाली आज खाडीला

वाढत गेले भरपूर अंतर

*

चंद्र आभाळी कुठे थांबला

वाट पहाते वेळ ही कातर

*

टाकू का मी गादी म्हणालो

मला म्हणाली काळीज अंथर

*

तिच्यात नाहीच कुठे कस्तुरी

तिच्या भोवती तरीही अत्तर

☆

© श्री अशोक श्रीपाद भांबुरे

धनकवडी, पुणे ४११ ०४३.

[email protected]

मो. ८१८००४२५०६, ९८२२८८२०२८

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ गझल ☆ श्री विनायक कुलकर्णी ☆

By Hemant BawankarNo Comments

श्री विनायक कुलकर्णी

? कवितेचा उत्सव ? 

☆ गझल ☆ श्री विनायक कुलकर्णी ☆ 

☆

द्या मला आनंद देतो मी सुपारी

मागतो माझ्यात थोडीशी उभारी

*

या नभाचा केवढा विस्तार सारा

वाटते मीही भरावी ना भरारी

*

टाकले होते सुखासाठीच जाळे

दुःख फसले जाहलो कच्चा शिकारी

*

बासरी प्रेमातली झाली मुकी अन

स्वागताची वाजली नाही तुतारी

*

गोड होते बोलले सारे तरीही

झाकल्या होत्या कटांच्या रे कट्यारी

☆

© श्री विनायक कुलकर्णी

मो – 8600081092

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – वाचताना वेचलेले ☆ माहेरपण… – कवी :सौ. वैष्णवी कुलकर्णी ☆ प्रस्तुती – सौ. सुचिता पंडित ☆

By Hemant BawankarNo Comments

? वाचताना वेचलेले ?

☆ माहेरपण… – कवी :सौ. वैष्णवी कुलकर्णी ☆ प्रस्तुती – सौ. सुचिता पंडित ☆

स्वर्गाची तुमच्या महती

आम्हाला नका सांगू देवा,

भोगून पहा माहेरपण

नक्कीच कराल आमचा हेवा.

 

मनसोक्त काढलेली झोप आणि

तिच्या हातचा गरम चहा,

सुख म्हणजे काय असतं हो ?

देवा एकदा अनुभवून पहा.

 

नेलेल्या एका बॅगेच्या

परतताना चार होतात,

तिच्या हातचे अनेक जिन्नस

अलगद त्यात स्वार होतात.

 

नेऊन पहा तिच्या हातच्या

पापड-लोणचे, मुरांबे-चटण्या,

सगळे मिळून स्वर्गात

कराल त्यांच्या वाटण्या.

 

शाल तिच्या मायेची

एकदा पहा पांघरून,

अप्रूप आपल्याच निर्मितीचं

पाहून जाल गांगरून.

 

लाख सांगा देवा हा

तुमच्या मायेचा खेळ,

तिच्या मायेच्या ओलाव्याचा

बघा लागतो का मेळ ?

 

फिरू द्या, तिचा कापरा हात

एकदा तुमच्या पाठीवरून,

मायापती देवा तुम्ही !

तुम्हीही जाल गहिवरून.

 

आई नावाचं हे रसायन

कसं काय तयार केलंत ?

लेकरासाठीच जणू जगते

सगळे आघात झेलत.

 

भोगून पहा देवा एकदा

माहेरपणाचा थाटमाट,

पैज लावून सांगते

विसराल वैकुंठाची वाट.

 

माहेरपण हा केवळ

शब्द नाही पोकळ,

अनुभूतीच्या प्रांतातलं

ते कल्पतरूचं फळ.

 

डोळ्यात प्राण आणून

वाट बघणारी आई,

लेकीसाठी ह्या शिवाय

दुसरा कोणताच स्वर्ग नाही.

 

कवयित्री :सौ. वैष्णवी कुलकर्णी

प्रस्तुती : सौ. सुचिता पंडित

≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ.मंजुषा मुळे/सौ.गौरी गाडेकर≈

Please share your Post !

Shares

मराठी साहित्य – चित्रकाव्य ☆ महादेव शिवशंकर ☆ श्री आशिष बिवलकर ☆

By Hemant BawankarNo Comments

श्री आशिष  बिवलकर

?️?  चित्रकाव्य  ?️?

?– महादेव शिवशंकर – ? ☆ श्री आशिष  बिवलकर ☆

☆

सर्व देवांच्यात सर्वश्रेष्ठ,

असती हर हर महादेव!

सृष्टीचा तारणहार,

शिवस्तुती करावी सदैव! …..१

 

पत्नी पार्वती, 

पुत्र कार्तिकेय -गणपती ! 

पुत्री अशोक सुंदरी, 

भक्तांच्या हाकेला धावती!….२

 

शिरी चंद्रकोर धारण, 

हातात त्रिशूल डमरू! 

नंदीवर होई स्वार,

भोलेनाथ बाबा अवतरू! …..3

 

जटातून वाहे गंगा ,

म्हणती कुणी गंगाधर!

कंठात हलाहल प्राशन करून

नीळकंठ परमेश्वर ! …..४

 

चिताभस्म नित्य लावे,

कंठाभोवती वासुकी नाग!

व्याघ्र चर्मावर बैसे,

त्रिकाळाची असे जाग!   …..५

   

त्रिनेत्र सामर्थ्य शिवाचे ,

पाही भूत ,भविष्य, वर्तमान!

तांडव नृत्य करून, 

नृत्यात नटराज सामर्थ्यवान! …..६

 

त्रिदल बेल वाहता, 

होई भोलेनाथ प्रसन्न!

मनोप्सित वर देऊन,

भक्तांना करी धन्य! …..७

☆

© श्री आशिष  बिवलकर

बदलापूर

मो 9518942105

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ माझी माय मराठी… ☆ सुश्री दीप्ती कुलकर्णी ☆

By Hemant BawankarNo Comments

सुश्री दीप्ती कुलकर्णी

? कवितेचा उत्सव ?

☆ माझी माय मराठी… ☆ सुश्री दीप्ती कुलकर्णी ☆

काव्यप्रकार (भावगीत)

(शब्दसेतू साहित्य मंच, पुणे महाराष्ट्र राज्य आयोजित राज्यस्तरीय काव्यलेखन स्पर्धा पुरस्कार प्राप्त कविता)

☆

माझी माय मराठी

अभिमाने येते ओठी ||धृ||

*

शारदेस मी आळविते

अन वीणा झंकारिते

आगमने‌ हर्षित होते

नतमस्तक मी बनते ||१||

*

कवितेसह हर्षे‌ मेते

भारुड,गवळण गाते

पोवाड्यातुनी ही रमते

ओव्यामधूनी ती सजते ||२||.    

*

विश्वात कथेच्या फुलते

शब्दालंकारे खुलते

वास्तवास न्याय ही देतै

आविष्कारातुनी नटते ||३||

*

कधी कादंबरी ही बनते

अन‌ शब्दांसह डोलते

भेदक,वेधक ती‌ठरते

सकलांना‌काबिज करते ||४||

*

लालित्ये ही मांडिते

संवादानी उलगडते

तेजोन्मेषे नि पांडित्ये

मोहिनी जणू घालिते‌ ||५||

*

सारस्वतासी जी स्फुरते

नाट्यातुनी ही प्रगटते

नवरसातुनी दर्शविते

विश्वाला स्पर्शही करते ||६||

☆

© सुश्री दीप्ती कोदंड कुलकर्णी

हैदराबाद.

भ्र.९५५२४४८४६१

≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ हे शब्द अंतरीचे # 164 ☆ अभंग… कृष्णप्रभू.!! ☆ महंत कवी राज शास्त्री ☆

By Hemant BawankarNo Comments

महंत कवी राज शास्त्री

?  हे शब्द अंतरीचे # 164 ? 

☆ अभंग… कृष्णप्रभू.!! ☆ महंत कवी राज शास्त्री ☆/

☆

जगाचा चालक, जगाचा मालक

जगाचा पालक, कृष्णप्रभू.!!

*

कर्म करण्याचा, सल्ला दिला ज्याने

विधी प्रामुख्याने, एकभक्ती.!!

*

त्याचे मी होवावे, त्यातची रमावे

तयाचे ऐकावे, लीलास्तोत्र.!!

*

कवी राज म्हणे, अंधार निघावा

मजला दिसावा, माझा कृष्ण.!!

☆

© कवी म.मुकुंदराज शास्त्री उपाख्य कवी राज शास्त्री

श्री पंचकृष्ण आश्रम चिंचभुवन, वर्धा रोड नागपूर – 440005

मोबाईल ~9405403117, ~8390345500

≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ.गौरी गाडेकर≈

Please share your Post !

Shares
image_printPrint