मराठी साहित्य – कवितेचा उत्सव ☆ पहाट… ☆ प्रा डॉ जी आर प्रवीण जोशी ☆

By Hemant BawankarNo Comments

प्रा डॉ जी आर प्रवीण जोशी

? कवितेचा उत्सव ?

☆ पहाट… ☆ प्रा डॉ जी आर प्रवीण जोशी ☆

☆

फुलले गुलाब ते पहाटे पहाटे

रुततील काटे पहाटे पहाटे

*

श्रावणी मधुमास ऋतुचा महिना

भ्रमर गुंजतो पहाटे पहाटे

*

जाळीदार पाने झडे श्रावण धारा

रंगली मेहंदी पहाटे पहाटे

*

खुलला आता शुभ्र शुक्रतारा

नक्षत्रांचे देणे पहाटे पहाटे

*

पश्चिमेचा वारा मेघ जर्द निळा

आळवीत मल्हार पहाटे पहाटे

*

वर्षात भिजे तनमन पक्षी

काढून नक्षी पहाटे पहाटे

*

भिजली माती हळदी उन्हाने

सर्वांगी सजली पहाटे पहाटे

☆

© प्रो डॉ प्रवीण उर्फ जी आर जोशी

ज्येष्ठ कवी लेखक

मुपो नसलापुर ता रायबाग, अंकली, जिल्हा बेळगाव कर्नाटक, भ्रमण ध्वनी – 9164557779 

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ “तू चालत रहा…” ☆ श्री आशिष मुळे ☆

By Hemant BawankarNo Comments

श्री आशिष मुळे

? कवितेचा उत्सव ?

☆ “तू चालत रहा…” ☆ श्री आशिष मुळे ☆

☆

काट्यांवरून चालत रहा

थांबलास जरी तू तरी

ते टोचायचे थोडेच थांबणार आहेत

*

दमलास तरी पुढेच जात रहा

गेलास जरी मागे तरी

मैलाचे दगड दिसणारच आहेत

*

डोळ्यासमोर फुले ठेव

काटे जसे आहेत इथे तशी

कुठेतरी फुले असणारच आहेत

*

….. आणि चालण्यावाचून दुसरा मार्ग आहे का

कारण जेव्हा थांबतोस तेव्हाही,

एका थंड.. निर्जीव अवस्थेकडे

तू जातच असतोस …

*

त्यापेक्षा पुढेच जात राहून

एकदाच वळून बघायचे आहेस

अंतर दिसेल तुला सहस्रकांचे

बघ कुठून कुठे आला आहेस….

*

कळेल मग तुला आपोआप

काय तुझे कर्तव्य आहे

रस्ताच दाखवेल तुला की

कुठे तुला पोहोचायचे आहे….

☆

© श्री आशिष मुळे

≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – चित्रकाव्य ☆ बकुळी… – चित्र एक काव्ये दोन ☆ सुश्री नीलांबरी शिर्के आणि कवी : अज्ञात – प्रस्तुती : मेधा सहस्त्रबुद्धे ☆ ☆

By Hemant BawankarNo Comments

?️?  चित्रकाव्य  ?️?

? बकुळी… – चित्र एक काव्ये दोन ☆ सुश्री नीलांबरी शिर्के आणि कवी : अज्ञात – प्रस्तुती : मेधा सहस्त्रबुद्धे ☆

सुश्री नीलांबरी शिर्के

( १ )

इवले इवले बकुळफुल

परंतु मंद गंधाचे भंडार

वळेसर बनुनी माळता

कचसंभारी अलंकार

*
प्रेमभारल्या आठवणींना

बकुळ फुलाची उपमा

दिवस कितीही लोटले तरी

गंध जाणिवाची प्रतिमा

*

काळजाच्या कुपीत जपती

मंदगंधीत आठवणींना

एकांती कुपी हळू उघडता

पुन्हः प्रत्यय येतो पुन्हा

*

 बकुळ फुलासम आठवणी 

वर्तमानी जगण्या बळ देती

हळू डोळे मिटून घेता

रिता खजिना आपुल्या पुढती

☆

© सुश्री नीलांबरी शिर्के

मो 8149144177

☆ ☆ ☆ ☆

☆ बकुळी… – ☆ सुश्री कवी : अज्ञात – प्रस्तुती : मेधा सहस्त्रबुद्धे ☆

( २ )

बकुळीच्या झाडाखाली वेचत असता फुले 

मनाच्या ओंजळीतून खूप काही सांडले 

*

वेचता वेचता फुले लहानपण आठवले

उशीर झाला म्हणून पाठीतले धपाटे आठवले

*
एक फूल माझ्याशी व्यथा मांडून गेले 

तेव्हापासून मनात त्याचे दुःख कोरले गेले

*

हल्ली मला उचलून घ्यायचे कष्ट कुणी घेत नाहीत

तसंही मला माळण्यासाठी लांब केसही उरले नाहीत

*
दोन वेण्या घातलेली परकरी नात बघता बघता गायब झाली

सर ओवत बसलेली आजीही नजरेआड गेली

*
बरं झालं तू आलीस ओंजळ तुझी भरली 

कुणीतरी आमची दखल आज घेतली

*
माहिती आहे मला माझे जीवन एका दिसाचे 

पण व्रत मात्र आमचे अव्याहत सुगंध लुटायचे

*
रोज झाडावरून ओघळून जमिनीकडे झेपावतो

तेव्हाच मनात आमच्या विचार एक येतो

*

असो जीवन एक दिवसाचे, आपण सुगंध लुटावा

प्रत्येकाच्या आयुष्याचा माझ्यापरी बकुळ व्हावा 

*

सुकून गेलो तरीही गंध मागे ठेऊन जातो

प्रत्येकाच्या हृदयात अविरत मी दरवळतो

☆ ☆ ☆ ☆

कवी : अज्ञात 

प्रस्तुती : मेधा सहस्त्रबुद्धे 

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

हिन्दी साहित्य – साप्ताहिक स्तम्भ ☆ “श्री हंस” साहित्य # 159 ☆ गीत – ।। वक्त बहुत बलवान सही वक्त पर जवाब देता है।। ☆ श्री एस के कपूर “श्री हंस” ☆

By Hemant BawankarNo Comments

श्री एस के कपूर “श्री हंस”

 

☆ “श्री हंस” साहित्य # 159 ☆

☆ गीत – ।। वक्त बहुत बलवान सही वक्त पर जवाब देता है ।। ☆ श्री एस के कपूर “श्री हंस” ☆

☆

वक्त बहुत बलवान सही वक्त पर जवाब देता है।

समय जब भी जवाब देता बस  लाजवाब ही देता है।।

****

हमेशा ही वक्त से डरना  नहीं मजबूरी    होता है।

समयउपयोग भरपूरी करना बहुत जरूरी होता है।।

बुद्धि विवेक कर्म सेआदमी हल कर सवाल लेता है।

वक्त बहुत बलवान सही वक्त पर जवाब देता है।।

****

वक्त से बैर का मतलब सफलता से ही दूरी होती है।

समय का सम्मान नहीं करना तो मगरूरी होती है।।

वक्त जब अपने पर आता तो जवाब नायाब देता है।

वक्त बहुत बलवान सही वक्त पर जवाब देता है।।

****

समय के साथ कदम मिला चलो तो मंजिल मिलती है।

समय की कद्र वालों की जिंदगी फूल सी खिलती है।।

समय पर करते काम वक्त उन्हें हजारों ख्वाब देता है।

वक्त बहुत बलवान सही वक्त पर जवाब देता है।।

☆

© एस के कपूर “श्री हंस”

बरेलीईमेल – Skkapoor5067@ gmail.com, मोब  – 9897071046, 8218685464

≈ संपादक – श्री हेमन्त बावनकर/सम्पादक (हिन्दी) – श्री विवेक रंजन श्रीवास्तव ‘विनम्र’ ≈

Please share your Post !

Shares

मराठी साहित्य – कवितेचा उत्सव ☆ कुठे… + संपादकीय निवेदन – श्री विनायक कुलकर्णी – अभिनंदन ☆ सम्पादक मंडळ ई-अभिव्यक्ति (मराठी) ☆

By Hemant BawankarNo Comments

सूचना/Information

(साहित्यिक एवं सांस्कृतिक समाचार)

श्री विनायक कुलकर्णी

🪻 अभिनंदन 🪻

नारायण सुर्वे साहित्य कला अकादमी तर्फे प्रतिवर्षी दिला जाणारा ‘केशवसुत साहित्य पुरस्कार’ यावर्षी आपल्या समुहातील ज्येष्ठ गझलकार श्री. विनायक कुलकर्णी यांच्या ‘ऋतुपर्ण’ या गझलसंग्रहास प्रदान करण्यात आला आहे.

श्री. विनायक कुलकर्णी यांचे ‘ई अभिव्यक्ती मराठी परिवारातर्फे मन:पूर्वक अभिनंदन आणि पुढील लेखनासाठी शुभेच्छा 🌹

आजच्या अंकात वाचूया ही पुरस्कार प्राप्त गझलसंग्रहातील गझल.

संपादक मंडळ

ई अभिव्यक्ती मराठी

☆ ☆ ☆ ☆ ☆

? कवितेचा उत्सव ? 

☆ कुठे?… ☆ श्री विनायक कुलकर्णी ☆ 

[वृत्त.. पादाकुलक+बालानंद]

(मात्रा.. ८-८+८-६)

☆

ही पैश्यावर चाले दुनिया

माणुसकीला मोल कुठे?

दिसता बंडल मरते नीती

इथे मनाचा तोल कुठे?

*

नातीगोती लयास गेली

आपुलकीचे बोल कुठे?

उथळ जाहली आज सभ्यता

मनात माया खोल कुठे?

*

पुसून गेल्या साऱ्या सीमा

संस्काराचा गोल कुठे?

कुठे कालचा मानव होता

आणि आजचा झोल कुठे?

*

पिसाट झाले पापी सारे

पापकऱ्यांना टोल कुठे?

दानवतेचे तडतड ताशे

मानवतेचे ढोल कुठे?

☆

© श्री विनायक कुलकर्णी

मो – 8600081092

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ “याला जीवन ऐसे नाव…“☆ सुश्री प्रणिता खंडकर ☆

By Hemant BawankarNo Comments

सुश्री प्रणिता प्रशांत खंडकर

? कवितेचा उत्सव ?

☆ याला जीवन ऐसे नाव… ☆ सुश्री प्रणिता खंडकर ☆

☆

 रोजचाच हा प्रवास, रोजची गर्दी,

 सांग सखी, कार्यालयी पोचशील कधी?

*

 तोच प्लॅटफॉर्म, तोच लेडिजचा डबा,

 फर्स्ट क्लास, सेकंड क्लास फरक कोणता,

 इंच इंच लढवूनी, प्रवेश ना तुला,

 पाय ठेवण्यास देई, जागा ना कुणी,

सांग सखी, कार्यालयी पोचशील कशी?

रोजचाच हा प्रवास..

*

 रोजच्या सरावाने, तरबेज तू जरी,

अंग आकसूनी, गर्दी भेदिसी खरी,

 तसू-तसूने सरकूनी, तू आत घुसशी,

 सीट मिळण्याची आशा, नाहीच मनी,

 सांग सखी कामावर पोचशील कशी?

रोजचाच हा प्रवास…

*

 वेळापत्रकानुसार गाड्या ना कधी,

 रोजचीच रडगाणी ऐकेना कुणी,

 कधी हसून, कधी चिडून, वैतागिसी,

 रोज नव्या जोमाने, खिंड लढविसी,

 सांग सखी, कार्यालयी, पोचतेस कशी!

 रोजचाच हा प्रवास…

*

 तुझ्या उत्साहाची दाद द्यावी ती कशी,

 त्रास सारा साहुनिही, हसत राहसी,

 हळदीकुंकू, केळवणं, करिसी साजरी,

 स्नेहबंध जोडूनी तू, राखी टवटवी,

 सांग सखी, किमया ही साधसी कशी?

 *

 रोजचाच हा प्रवास, रोजची गर्दी,

 सांग सखी कार्यालयी पोचशील कधी?

☆

© सुश्री प्रणिता खंडकर

दिनांक.. १९/०३/२०२५

संपर्क – सध्या वास्तव्य… डोंबिवली, जि. ठाणे.

ईमेल [email protected] केवळ वाॅटसप संपर्क.. 98334 79845.

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – वाचतांना वेचलेले ☆ “देवाची प्रार्थना…” – कवी : श्री श्रीपाद देशपांडे  ☆ प्रस्तुती – श्री आशिष बिवलकर ☆

By Hemant BawankarNo Comments

श्री आशिष बिवलकर

? वाचतांना वेचलेले ?

☆ “देवाची प्रार्थना…” – कवी : श्री श्रीपाद देशपांडे  ☆ प्रस्तुती – श्री आशिष बिवलकर ☆

☆

आता तरी देवा मला पावशील का? 

उपचारासाठी पैसे आधी मागशील का?

सहानुभूती मरीजाला दावशील का?

माणूस गेला मदतीला धावतील का?

 *

पैसा आणू कुठून एकदम करी खळबळ

देईल कोण मरीजाला लक्ष्मीचे बळ

त्याच्यासाठी मदतीला धावशील का?

आराम कसा पडतो त्याला दावशील का?

*
पैसे घेऊन धन्वंतरी दूर दूर पळतो

पैश्यापाई गरिबाला छळ छळतो

लूट करतील त्यांना आळा घालशील का?

शहरी गरीब योजना त्यांना दावशील का?

*
आले निवडून तुम्ही आमुचे मुख्यमंत्री 

वैद्य खातो सफरचंद आणि संत्री 

भलं आमचं करायला सांगशील का?

कमी पैशात एखादी खाट मांडतील का?

*
आता तरी देवा भाऊ सांगशील का?

गरिबाला आरोग्यसेवा मिळतील का?

आमच्यासाठी त्यांच्यासोबत भांडशील का?

सूख ज्याला म्हनत्यात ते दावशील का?

*
मंदिर झाले बांधुन देवा झाला कुंभ 

पिळ नाही सुटला जरी जळाला सुंभ 

तीन तेरा वाजायचे आमचे थांबतील का?

गरजवंतासाठी तुझे हात राबतील का?

☆

कवी : श्री श्रीपाद देशपांडे

प्रस्तुती : श्री आशिष बिवलकर 

बदलापूर

मो 9518942105

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ विजय साहित्य # 249 – दृष्टी…! ☆ कविराज विजय यशवंत सातपुते ☆

By Hemant BawankarNo Comments

कविराज विजय यशवंत सातपुते

? कवितेचा उत्सव # 249 – विजय साहित्य ?

☆ दृष्टी…! ☆

☆ 

निसर्गाची दृष्टी ,

देई रवी जगताला ‌

जाग सृजनाला,

पदोपदी…! १

 *

वात्सल्याची दृष्टी ,

जणू मायबाप हाक.

नजरेचा धाक,

लेकराला…!२

 *

वासनेची दृष्टी

जोड व्यसनांची जडे

घरदार रडे

रात्रंदिस…!३

 *

आंधळ्यांची दृष्टी ,

दृकश्राव्य तिची भाषा .

जगण्याची  आशा ,

वागण्यात…!४

 *

कवितेची दृष्टी ,

तिचा सर्वत्र संचार .

व्यासंगी विचार ,

लेखनात…! ५

 *

दृष्टीहीन जन ,

लोटू नका दूर

गवसेल सूर ,

जीवनाचा…!६

 *

कलाकार  दृष्टी ,

तिचा सार्‍याना आदर .

होतेस सादर ,

रगमंची…!७

☆

© कविराज विजय यशवंत सातपुते

सहकारनगर नंबर दोन, दशभुजा गणपती रोड, पुणे.  411 009.

मोबाईल  8530234892/ 9371319798.

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ साक्षीत्वाची आस… ☆ सुश्री प्राची जोशी ☆

By Hemant BawankarNo Comments

सुश्री प्राची जोशी

? कवितेचा उत्सव ?

☆ साक्षीत्वाची आस… ☆ सुश्री प्राची जोशी ☆

☆

साक्षीत्वाची आस नाचते मनात

हळूच ती थिरकते मनमंदिरात

*

साक्षीत्वाची आस रमते संसारात

भावबंध सुटताना दाटे अलिप्तता मनात

*

साक्षीत्वाची आस उमटते अंतरात

देव जागा करी मनातील स्पंदनात

*

साक्षीत्वाची आस करी उद्युक्त मनास

मनाला दटावूनी धरी अध्यात्माची कास

*

साक्षीत्वाची आस देवाचा मनात वास

आतील गाभाऱ्यात उजळला आत्मध्यास

*

साक्षीत्वाची आस देहाचा आत्मिक प्रवास

प्रवासात गवसे अंतरात्म्याचा निवास

*

देह आणि आत्म्याचे हे रेशमी कोडे

परमेशाच्या साक्षीने असे अलवार उलगडे….

☆

©  सुश्री प्राची अभय जोशी

मो 9822065666 

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेच्या उत्सव ☆ शीर शीर कापावे… ☆ सौ. जयश्री पाटील ☆

By Hemant BawankarNo Comments

सौ. जयश्री पाटील

? कवितेच्या उत्सव ?

☆ शीर शीर कापावे… ☆ सौ. जयश्री पाटील ☆

☆

कसली पाशवी वृत्ती

कसला हा भ्याड हल्ला

धर्मांधतेचा बुरखा

निष्पाप जीवांवर बेतला

*

आता तरी जागे व्हावे

रण मैदानी ललकारावे

अग्नीचे लोळ उठवावे

उन्मत्त शीर शीर कापावे

*

परंपरा क्षात्रतेजाची

आठवुणी धरावे शस्त्र

रणनीती अशी आखावी

अन उगारावे अस्त्र

*

पेटुनी उठावा कणकण

शक्ती लावूनी पणाला

अतिरेकी हैवानांना

धाडावे यमसदनाला

*

इतिहास घडवावा पुन्हा

कृष्ण शिवबा राणा यांचा

मर्दुमकी अशी गाजवावी

फडकवावा झेंडा विजयाचा

☆

© सौ. जयश्री पाटील

विजयनगर.सांगली.

मो.नं.:-8275592044

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares