श्री रवींद्र सोनावणी
चित्रकाव्य
(
– हे चैत्र यामिनी… – ☆ श्री रवींद्र सोनावणी ☆
(१२ ऑक्टोबर … ज्येष्ठ आणि श्रेष्ठ कवयित्री श्रीमती शांता शेळके यांचा जन्मदिन– … त्यांना भावपूर्ण आदरांजली🙏)
शांत निरागस प्रसन्न मुद्रा
विद्वत्तेचे तेज मनोहर
अस्सल मराठमोळी महिला
नीट नेटका पदर डोईवर ||१||
प्रशांत मानस सरोवरामधि
सुविचारांची फुलली कमळे
नादमधुर कविता गाण्यांनी
कुशीत तुमच्या जन्म घेतले ||२||
महाराष्ट्राच्या शेतमळ्यांतून
पिकविलेत शब्दांचे मोती
तुम्हा कारणे गंधित झाली
वनराईची काळी माती ||३||
साधी भोळी हळवी यामिनी
परंतु तेजस्विनी होती
शांता नावामध्ये कणखर
अभिमानाची ठिणगी होती ||४||
दरी खोऱ्यातून आमराईतून
घुमती तव कवितापंक्ती
घरांघरांतून नित्य तेवतील
शब्दांच्या मंगल ज्योती ||५||
© श्री रवींद्र सोनावणी
निवास : G03, भूमिक दर्शन, गणेश मंदिर रोड, उमिया काॅम्पलेक्स, टिटवाळा पूर्व – ४२१६०५
मो. क्र.८८५०४६२९९३
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
कवितेचा उत्सव 
पाऊस प्रतिक्षा 
वाचताना वेचलेले 
