मराठी साहित्य – कवितेचा उत्सव ☆ “पहिला पाऊस…” ☆ श्री सुनील देशपांडे ☆

श्री सुनील देशपांडे

? कवितेचा उत्सव ?

☆ “पहिला पाऊस….” ☆ श्री सुनील देशपांडे

पाऊस पहिला,

भिजवून गेला,

थंडी अजून बाकी।

 

मनात शिरली,

स्मृतीत उरली,

आठव अजून बाकी।

 

वर्षा सरली,

वर्षे सरली,

इच्छा अजून बाकी।

 

पुन्हा भिजावे,

धुंद फिरावे,

जोश न आता बाकी।

 

धरती भिजली,

मनेही भिजली,

काय राहिले  बाकी?

 

वृत्ती थिजली,

गात्रे थिजली,

जीवन अजून बाकी।

© श्री सुनील देशपांडे

मो – 9657709640

email : [email protected]

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ एक थेंब पावसाचा… ☆ सुश्री वर्षा बालगोपाल ☆

सुश्री वर्षा बालगोपाल 

?  कवितेचा उत्सव ?

एक थेंब पावसाचा… ☆ सुश्री वर्षा बालगोपाल 

एक थेंब पावसाचा

धरतीच्या अंगावर

रत्नखाण झाली तिची

धन्य सारे खरोखर॥

 

एक थेंब पावसाचा

डोंगराच्या माथ्यावर

स्वर्ग लोकातील गंगा

दरी घेई कडेवर॥

 

एक थेंब पावसाचा

कुसुमाच्या पाकळीत

सव्वा लाखाचा हा हिरा

जणू जपला मुठीत॥

 

एक थेंब पावसाचा

बळीराजाच्या कपोली

डोळ्यातील एक थेंब

उराउरी भेट झाली॥

 

एक थेंब पावसाचा

प्रेमिकांच्या कायेवर

चेतावली तने मने

येई प्रेमाला बहर॥

 

एक थेंब पावसाचा

अडव ,जीरव आता

मानवा कल्याण करी

होसी सृष्टीचा तू त्राता॥

© सुश्री वर्षा बालगोपाल

मो 9923400506

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ रंजना जी यांचे साहित्य # 163 – बाळ गीत – इंजिन दादा  इंजिन दादा ☆ श्रीमती रंजना मधुकरराव लसणे ☆

श्रीमती रंजना मधुकरराव लसणे 

? कवितेचा उत्सव ?

☆ रंजना जी यांचे साहित्य # 163 – बाळ गीत – इंजिन दादा  इंजिन दादा ☆ श्रीमती रंजना मधुकरराव लसणे ☆

इंजि न दादा इंजिन दादा

थांब  थांब थांब।

सोडू नको धूर असा लांब लांब लांब।।धृ।।

 

कोळसा खाऊन पाणी पिऊन केली फार मजा।

इजिनाचा धूर झाला आमच्या साठी सजा

निरामय आरोग्याला ठेवू नको लांब

इंजिन दादा ….।।१।।

 

देऊन रोज कोळसा ती खाण झाली रिती।

इंधन साठा पुरेल का वाटे आम्हां  भिती।

करून सवरून बनू नको आता भोळा सांब।

इंजिन दादा ….।।२।।

 

तेच निशाण तीच शिट्टी वाजू दे रे छान।

आधुनिक इंधने वाढवतील रे शान।

काळासोबत धावूनिया जावू लांब लांब

इंजिन दादा ….।।३।

 

कर नारे बदल थोडा, युग आले नवे

झुक झुक गाडीतून फिरायला हवे

गेले झेंडे आणि कंदील आले नवे खांब

इंजिन दादा ….।।४।

©  रंजना मधुकर लसणे

आखाडा बाळापूर, जिल्हा हिंगोली

9960128105

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ ग्रंथऋण… ☆ श्रीशैल चौगुले ☆

श्रीशैल चौगुले

? कवितेचा उत्सव ?

☆ ग्रंथऋण… ☆ श्रीशैल चौगुले ☆

ग्रंथाचे ऋण आयुष्याला माझ्या

जन्मोजन्मी राजा   ज्ञानदेव.

 

संतांची भुमी   पुण्यलोक साधे

 मानवाशी बोधे    आत्मदेह.

 

संगत योग्य   संसाराशी नाते

अध्यात्माचे श्रोते   भक्तजन.

 

संबंध जोडे  गीतातत्व सार

ग्रंथ उपकार   सकळाशी.

© श्रीशैल चौगुले

मो. ९६७३०१२०९०.

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ घन – मेघांनो… ☆ श्री रवींद्र सोनावणी ☆

श्री रवींद्र सोनावणी

? कवितेचा उत्सव ?

☆ घन – मेघांनो… ☆ श्री रवींद्र सोनावणी ☆

आषाढातील घन-मेघांनो, जा घेऊन संदेश,

वने, उपवने, सरीता, सागर, शोधा सर्व प्रदेश ||धृ.||

 

भेटतील खग, विहंग, यात्री, मार्गामाजी तुम्हां,

लोप पावल्या नक्षत्रांच्या, दिसतील पाऊलखुणा,

पुसा वायुला, असे जयाला, जगती मुक्त प्रवेश ||१||

 

शैल शिखरेही, जिथे चुंबीती गगनाचे भालं,

कैलासाचे दर्शन घ्याया, थांबा क्षणकालं,

मार्ग दाखवील प्रसन्न होऊन, उमापती शैलेश ||२||

 

निर्मळ निर्झर मानसरोवर, कुठे पुष्प वाटिका,

कमल दलातील भृंग बावरा, मिलनोत्सुक सारिका,

कथा तयांना विरह व्यथेने, व्याकुळ यक्ष नरेश ||३||

 

हवा कशाला स्वर्ग, हवी मज प्रियाच स्वप्नांतली,

विरहाश्रूंचे सिंचन करुनी, प्रीती मी फुलवली,

सजल सख्यांनो, कथा तियेला, अंतरीचा आदेश ||४||

© श्री रवींद्र सोनावणी

निवास :  G03, भूमिक दर्शन, गणेश मंदिर रोड, उमिया काॅम्पलेक्स, टिटवाळा पूर्व – ४२१६०५

मो. क्र.८८५०४६२९९३

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कविता ☆ विजय साहित्य #185 ☆ शब्द‌ सौंदर्याचा साज… ☆ कविराज विजय यशवंत सातपुते ☆

कविराज विजय यशवंत सातपुते

? कवितेचा उत्सव # 185 – विजय साहित्य ?

☆ शब्द‌ सौंदर्याचा साज ☆ कविराज विजय यशवंत सातपुते

नव्या युगाचे पोवाडे

बिजलीचा न्यारा बाज

सैन्य चाललेले पुढे

शब्द सौंदर्याचा साज…! १

 

अतींद्रीय प्रतिमांची

नादवती शब्दकळा

साधनेचा सपादक

लावी‌ रसिकांसी लळा..! २

 

राष्ट्रसेवा दल आणि

साने गुरूजींनी साथ

साहित्यिक प्राध्यापक

मूळ नाव विश्वनाथ..! ३

 

दिशा अकरावी दिली

काव्य सकीना मानसी

शिंग फुंकले रणी ते

शब्द तेजसी राजसी..! ४

 

सामाजिक विषमता

हाताळली शिताफिने

आंग्ल,‌संस्कृत‌ बंगाली

भाषा गुंफिली खुबीने..! ५

 

चळवळ स्वातंत्र्याची

केले भारत दर्शन

शब्द लावण्याचा ऋतू

जाणिवांचे संकर्षण…! ६

 

बारा गावच्या पाण्यात

संकलित लोककला

अभिजात शृंगारीक

बहरला शब्दमळा..! ७

 

जन जागृती करोनी

दिले विचारांचे दान

गाजविली अकादमी

काव्य दर्शनाची खाण…! ८

 

बाल साहित्यात ठसा

नेले परीच्या‌ राज्यात

फुलराणी गिरकीने

चंगामंगा साहित्यात..! ९

 

सामाजिक‌ सांस्कृतिक

साहित्यिक योगदान

परीपक्व मितभाषी

नैसर्गिक शब्दखाण..!१०

 

पुरस्कार विभुषीत

लाभे अध्यक्षीय मान

नाम वसंत‌ बापट

काव्य दर्शनाची शान…!११

 

लावणीच्या लावण्यात

रमे वसंत लेखणी

शारदीय सारस्वती

सेतू संपदा देखणी..!१२

© कविराज विजय यशवंत सातपुते

सहकारनगर नंबर दोन, दशभुजा गणपती रोड, पुणे.  411 009.

मोबाईल  8530234892/ 9371319798.

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – इंद्रधनुष्य ☆ गीत ऋग्वेद – मंडल : १ : ३० : ऋचा १ ते ५ — मराठी भावानुवाद ☆ डाॅ. निशिकांत श्रोत्री ☆

डाॅ. निशिकांत श्रोत्री 

? इंद्रधनुष्य ?

☆ गीत ऋग्वेद – मंडल : १ : ३० : ऋचा १ ते ५ — मराठी भावानुवाद. ☆ डाॅ. निशिकांत श्रोत्री ☆

ऋग्वेद – मण्डल १ – सूक्त ३० (इंद्र, अश्विनीकुमार, उषासूक्त)

देवता – १-१६ इंद्र; १७-१९ अश्विनीकुमार; २०-२२ उषा

ऋषी – शुनःशेप आजीगर्ति

ऋग्वेदातील पहिल्या मंडलातील तिसाव्या  सूक्तात एकंदर बावीस ऋचा आहेत. या सूक्तात शुनःशेप आजीगर्ति या ऋषींनी इंद्र, अश्विनीकुमार आणि उषा या देवतांना आवाहन केलेली असल्याने हे इंद्र-अश्विनीकुमार-उषासूक्त सूक्त म्हणून ज्ञात आहे. यातील पहिल्या  सोळा ऋचा इंद्राला, सतरा ते एकोणीस  या ऋचा अश्विनिकुमारांना आणि वीस ते बावीस या  ऋचा उषा देवातेला  आवाहन करतात.

या सदरामध्ये आपण विविध देवतांना केलेल्या आवाहनानुसार  गीत ऋग्वेद पाहूयात. आज मी आपल्यासाठी इंद्र देवतेला उद्देशून रचलेल्या पहिल्या पाच ऋचा आणि त्यांचे मराठी गीत रुपांतर सादर करीत आहे.

मराठी भावानुवाद :

आ व॒ इंद्रं॒ क्रिविं॑ यथा वाज॒यन्तः॑ श॒तक्र॑तुम् । मंहि॑ष्ठं सिञ्च॒ इन्दु॑भिः ॥ १ ॥

 देवेंद्राचे सामर्थ्य असे शतधेने चंड

सकलांना अति प्रीय जीवाला शचीवल्लभ इंद्र

ऋत्विजांनो हरवून जाता इंद्रस्तुती करिता

बावेसम त्या तुडुंब भरुनी सोमरसा पाजू त्या ||१||

श॒तं वा॒ यः शुची॑नां स॒हस्रं॑ वा॒ समा॑शिराम् । एदु॑ नि॒म्नं न री॑यते ॥ २ ॥

क्षीरासह ते सहस्र वा शत शुद्ध सोम चमस

स्वीकारून घेई प्रेमाने प्रियबहु इंद्रास

 सरितेच्या पाण्याला जैशी ओढ उताराची

शचीपतीला मनापासुनी  आवड सोमरसाची ||२||

सं यन्मदा॑य शु॒ष्मिण॑ ए॒ना ह्यस्यो॒दरे॑ । स॒मु॒द्रो न व्यचो॑ द॒धे ॥ ३ ॥

चंडप्रतापी इंद्राला मोद सोमरसाने

प्रसन्न होई देवराज अति त्याच्या प्राशनाने

तुडुंब भरते त्याचे उदर सोमसेवनाने

प्रसन्न होई आम्हावरती इंद्र सोमरसाने ||३||

अ॒यमु॑ ते॒ सम॑तसि क॒पोत॑ इव गर्भ॒धिम् । वच॒स्तच्चि॑न्न ओहसे ॥ ४ ॥

खग कपोत वेगाने जाई अपुल्या पिल्लांकडे

तसाच येई प्रेमाने सोमाच्या चमसाकडे

तुमच्यासाठी सिद्ध केला सोम भक्तिभावाने

तयासवे स्वीकारावे अमुचे स्तवन प्रेमाने ||४||

स्तो॒त्रं रा॑धानां पते॒ गिर्वा॑हो वीर॒ यस्य॑ ते । विभू॑तिरस्तु सू॒नृता॑ ॥ ५ ॥

अभिष्टस्वामी हे देवेंद्रा स्तुतीप्रीय असशी

आळविता स्तोत्रांना झणी तू धावूनिया येशी

पराक्रमी वीरा  तव स्तोत्रांना आम्ही गातो

अखंड वैभव प्रसन्न होवुनी आम्हाला तू देतो ||५||

(या ऋचांचा व्हिडीओ  गीतरुपात युट्युबवर उपलब्ध आहे. या व्हिडीओची लिंक देखील मी शेवटी देत आहे. हा व्हिडीओ ऐकावा, लाईक करावा आणि सर्वदूर प्रसारित करावा. कृपया माझ्या या चॅनलला सबस्क्राईब करावे.) 

 https://youtu.be/xG5GMiMGTks

Attachments area

Preview YouTube video Rugved Mndal 1 Sukta 30 Rucha 1 to 5

Rugved Mndal 1 Sukta 30 Rucha 1 to 5

अनुवादक : © डॉ. निशिकान्त श्रोत्री

एम.डी., डी.जी.ओ.

मो ९८९०११७७५४

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – वाचताना वेचलेले ☆ कधी कधी मला वाटतं… ☆ श्री विश्वास विष्णु देशपांडे ☆

श्री विश्वास विष्णु देशपांडे

? वाचताना वेचलेले ?

☆ कधी कधी मला वाटतं… ☆ श्री विश्वास विष्णु देशपांडे

कधी कधी मला वाटतं

विद्यार्थी व्हावं अन्

विंदा मास्तरांच्या वर्गात बसावं

‘कोणाकडून काय घ्यावं..’

ते त्यांनी शिकवावं.

वर्गातून बाहेर पडताना 

विंदांकडून कवितेची

हिरवी पिवळी शाल घ्यावी

आयुष्यभरासाठी समाधानाने

अंगावर ओढून घ्यावी. ।। १ ।।

 

कधी कधी मला वाटतं

साने गुरुजींच्या वर्गात बसावं

श्यामची आई लिहिणाऱ्या

प्रेमळ श्यामला अनुभवावं.

त्यांच्या डोळ्यातलं

अपार प्रेम, माया अनुभवावी.

‘खरा तो एकची धर्म’

शिकवण त्यांच्याकडून घ्यावी. ।। २ ।।

 

कधी कधी मला वाटतं

बोरकरांच्या वर्गात बसावं

त्यांचे सागरासारखे

सागरापरी गहिरे डोळे अनुभवावे

जे ‘जीवन त्यांना कळले हो’ 

ते मलाही शिकवाल का विचारावं. ।। ३ ।।

 

कधी कधी मला वाटतं

कुसुमाग्रजांच्या वर्गात जावं

‘कशास आई भिजविसी डोळे’

त्यांच्याकडून ऐकावं

रात्रीच्या गर्भातील उषा:कालाची

आशा जागवीत निघावं.

पाठीवर तात्यासाहेबांचा हात असावा

‘लढ रे पोरा…’ ऐकताना

‘कणा’ ताठ व्हावा. ।। ४ ।।

 

कधी कधी मला वाटतं

शांताबाईंकडे जावं

ऋतू हिरवा, ऋतू बरवा

कुठे भेटला जाणून घ्यावं. ।। ५ ।।

 

माझे जीवनगाणे लिहिणाऱ्या

पाडगावकरांच्या वर्गात

एक चक्कर मारावी

विचारावं त्यांना…

व्यथा असो आनंद असो

तुम्ही गात कसे राहता

आनंदाच्या रसात न्हात कसे राहता

त्यांच्या चष्म्याआडच्या

प्रेमळ, मिश्किल डोळ्यात

खोल खोल डोकावून बघावं

‘शतदा प्रेम करावे’चं

रहस्य समजून घ्यावं. ।। ६ ।।

 

कधी कधी मला वाटतं

ग्वाल्हेरला तांब्यांकडे जावं

‘कळा ज्या लागल्या जिवा…’

त्या जीवाला भेटावं

दिवसभर त्यांच्याजवळ राहावं

पहाटे त्यांच्याकडून

‘घनतमी राज्य करणाऱ्या शुक्राला’ बघावं

‘ते दूध तुझ्या त्या घटातले’चा गोडवा

त्यांच्याकडूनच अनुभवावा.

सायंकाळी त्यांच्यासोबत

‘मावळत्या दिनकराला’ प्रणाम करावा.

‘तिन्ही सांजा सखे मिळाल्या…’

ऐकताना पुन्हा भेटण्याचं

‘देई वचन मला…’ म्हणावं. ।। ७ ।।

 

कधी कधी वाटतं

जावं बालकवींच्या गावा

पाय टाकुनी जळात बसलेला

तो ‘औदुंबर’ अनुभवावा.

‘सुंदरतेच्या सुमनावरचे दव चुंबुन घ्यावे’

‘आनंदी आनंद गडे’च्या सड्यात

न्हाऊन निघावे. ।। ८ ।।

 

कधी कधी वाटतं

सुरेश भटांना गाठावं

‘चांदण्यात फिरताना’

त्यांच्याशी संवाद साधावा

दुभंगून जाता जाता

मी अभंग कसा झालो

त्यांच्याकडून ऐकावं. ।। ९ ।।

 

कधी कधी मला

असं खूप काही वाटतं

कवी आणि कविता यांचं प्रेम

हृदयात दाटतं.

कवी असतात

परमेश्वराचेच दूत

घेऊन येतात प्रतिभेचं लेणं

तुमच्या माझ्यासाठी

ते असतं

नक्षत्रांचं देणं.।। १० ।।

©️ श्री विश्वास विष्णु देशपांडे 

चाळीसगाव.

 प्रतिक्रियेसाठी ९४०३७४९९३२

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – प्रतिमेच्या पलिकडले ☆ जाऊ नको दूर तू… ☆ श्री नंदकुमार पंडित वडेर ☆

श्री नंदकुमार पंडित वडेर

? प्रतिमेच्या पलिकडले ?

☆ जाऊ नको दूर तू… ☆ श्री नंदकुमार पंडित वडेर ☆

… सखे थोडं अजून थांबयचं होतसं…

..पावसाची सर ओसरल्यावर निघायचं होतसं…

..वेडे आतातर आलीस मला भेटायला…

..चल निघते बघ फारच उशीर झाला..

..असं लागलीच का म्हणायला…

..अजूनही नेहमीचा काळोख कुठयं पसरायला…

..खट्याळ पावसाचे काळ्या ढगांनी खोड्या काढल्या..

..अंधाराची शाल पांघरून बसलाय…

..तुझं नेहमी असचं असतं यायचं उशीरानं…

..नि जायचं मात्र लवकरच असतं…

 ..आज त्या पावसाचं कारणाची केलीस ना ढाल…

..तू किती कठोर आहेस..

..कशी कळावी तुला माझ्या हृदयाची उलाघाल…

..चल निघते उदयाला भेटू असं म्हणून …

..छत्री उघडून भर पावसातून निघालीस…

..दूर दूर जाताना तुझी लांब लांब सावली…

..मात्र मला वाकुल्या दावत गेली…

..पावसाचे ते तुझ्या छत्रीवर पडणाऱ्या टपोऱ्या …

..सरींनी डोळेमिचकावून हसण्यावारी माझी  चेष्टा केली… .

..भेटीच्या आठवणीनें रस्ता ओलाचिंब झाला..

…मनात माझ्या भावनांचा पूर दाटून आला…

..भेटीची अतृप्तता वाढवून गेला…

..खटटू मनाचा हटट तू ऐकायला हवी होतीस… ..

.. सखे थोडं अजून थांबयचं ना होतसं…

..पावसाची सर ओसरल्यावर निघायचं होतसं…

..वेडे आताच तर आलीस मला भेटायला…

..चल निघते बघ फारच उशीर झाला…

..असं लागलीसच का म्हणायला…

©  नंदकुमार पंडित वडेर

विश्रामबाग, सांगली

मोबाईल-99209 78470 ईमेल –[email protected]

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ कोडे… ☆ सौ.ज्योत्स्ना तानवडे☆

सौ.ज्योत्स्ना तानवडे

? कवितेचा उत्सव ?

☆ कोडे… ☆ सौ.ज्योत्स्ना तानवडे ☆

सान होऊनी बांलकांसवे

भान विसरूनी खेळत जावे

हासत नाचत बागेमध्ये

फेर धरुनी फिरून यावे ||

 

मनात येते विहंग होऊन

आकाशी त्या मुक्त विहरावे

जगामधले अनन्य सुंदर

डोळे भरुनी पाहून घ्यावे ||

 

दुःख काळजा दूर होऊनी

ईश चरणी मन रमावे

अनन्यभावे शरण जाऊनी

नामस्मरणी रंगून जावे ||

 

ऐकू यावी बासरी अन

यमुनातीरी फेर धरावा

अलगुज होऊन कृष्णाची

कुंजवनी तो स्वर घुमावा ||

 

मन हे मोठे अजब आहे

कोडे जणू विश्वनियंत्याचे

कधी न होते इच्छापूर्ती

आवर्तन अनेक इच्छांचे ||

© सौ.ज्योत्स्ना तानवडे

वारजे, पुणे.५८

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares