मराठी साहित्य – कवितेचा उत्सव ☆ “दीपावली सर्वांची व्हावी…” ☆ श्री सुनील देशपांडे ☆

श्री सुनील देशपांडे

? कवितेचा उत्सव ?

☆ “दीपावली सर्वांची व्हावी…” ☆ श्री सुनील देशपांडे ☆

जुन्या पिढीला मागे टाकून 

नव्या पिढीने जग जिंकावे 

यशगाथा त्या ऐकत असता 

सुस्वर माझ्या कानी यावे…

*

आप्त स्नेहीजन यांचे अनुभव 

कटू गोड वा कसेही असले

 प्रतिध्वनीतुन मनात त्यांचे 

सुस्वर माझ्या कानी यावे…

*

राजपटावर चमकून जावे 

न्याय नीतिला सांभाळावे 

असे कुणी असतील तयांचे 

सुस्वर माझ्या कानी यावे…

*

डोंगर हिरवे गार असावे 

दुथडी भरूनी नदी वहावी 

फुला फळांवर पक्षी दिसावे 

सुस्वर माझ्या कानी यावे…

*

युद्धाचे संपवून तांडव 

बुद्धाने हे जग जिंकावे 

विजयाच्या त्या गीतामधले 

सुस्वर माझ्या कानी यावे…

*

सुस्वर ऐसे घेऊन नंतर 

नव्या युगाची पहाट यावी 

ज्ञानदीप उजळून मनीचे 

दीपावली सर्वांची व्हावी…

© श्री सुनील देशपांडे

मो – 9657709640

email : [email protected]

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ “अजून सारे तसेच आहे…” ☆ सौ राधिका भांडारकर ☆

सौ राधिका भांडारकर

? कवितेचा उत्सव ?

☆ “अजून सारे तसेच आहे” ☆ सौ राधिका भांडारकर 

(पादाकुलक वृत्त)

जरी ना कधी भेटलीस तू

स्पर्श तुझा तो अवीट आहे 

सुगंध देही तो जाणवतो

कोंब प्रीतिचा अमिटच आहे॥१॥

*

आभाळ निळे तसेच आहे

रात्र चांदणी मला खुणवते

जरी दुरावा आपल्यातला 

तरी मनी तू कशी बिलगते ॥२॥

*

हळूच हसते ती शेवंती

पानामागे लज्जित होते 

आठवणीचा झोका येतो 

हास्य तुझे मग खळीत येते॥३॥

*

काळा संगे सरले नाही 

प्रणयस्मृतींची साथ राहिली

प्रेमांगणात केवळ दोघे 

स्वप्ने आता पुन्हा पाहिली ॥४॥

*
सारे अजून तसेच आहे

प्रेम मनीचे ना ओसरले 

वाटा असोत वेगवेगळ्या 

भास मिठीचे नाही विरले॥५॥ 

© सौ. राधिका भांडारकर

ई ८०५ रोहन तरंग, वाकड पुणे ४११०५७

मो. ९४२१५२३६६९

[email protected]

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ आयती वाट सोपी – – ☆ सौ. ज्योती कुळकर्णी ☆

सौ. ज्योती कुळकर्णी 

? कवितेचा उत्सव ?

☆ आयती वाट सोपी – – ☆ सौ. ज्योती कुळकर्णी ☆

(भुजंगप्रयात)

हवी जीवनाची लढाई कुणाला

मिळाले असे आयते जर तुम्हाला

*

कधी बाप देतो शिदोरी फुकाची

बरे फावले दान घेणे अम्हाला

*

असे मोप देणार शास्ता जयाचा

रिकामी तिजोरी न चिंता मनाला

*

खरेदी मतांची करा खर्च नोटा

मतांना विका लाज वाटे कशाला

*

मिळे आयती राजगादी मुलाला

तिथे पाटही ना मिळावा भल्याला

© सौ. ज्योती कुळकर्णी

अकोला

मोबा. नं. ९८२२१०९६२४

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – चित्रकाव्य ☆ भगवंत हृदयस्थ आहे ☆ सुश्री अपर्णा परांजपे ☆

सुश्री अपर्णा परांजपे

?️?  चित्रकाव्य  ?️?

? भगवंत हृदयस्थ आहे… ☆ सुश्री अपर्णा परांजपे ?

तो माझा अन् मी त्याची दुग्धशर्करा योगच हा 

मनी वसे ते स्वप्नी दिसे भगवंताचा खेळच हा…

*

“सोहम् सोहम्” शिकवून मजला धाडियले या जगतात 

“कोहम् कोहम्” म्हणोनी अडलो उगाच मायापाशात..

*

अंतर्चक्षू प्रदान करुनी रूप दाविले हृदयात 

कमलपत्र निर्लेप जसे नांदत असते तीर्थात..

*

सुखदुःखाची जाणीव हरली, ईश्वर चरणी भाव जसा

तसेच भेटे रुप तयाचे, गजेंद्राशी विष्णू तसा…

*

महाजन, साधू संत सज्जन काय वेगळे असे तिथे?

प्रेमाची पूर्तता व्हावी, हे ध्येय निश्चित तिथे…

*

“ममैवांशो जीवलोके जीवभूतः सनातनः”।

वचन तुझे रे अनुभव घ्यावा, हीच आस रे तुझी पहा…

*

निजानंदी रंगलो मी तव हृदयाशी भेटता 

आतच होता, आहे, असशी 

जाणीव याची तू देता…

*

कृतार्थ मी अन् कृतार्थ तू ही 

जन्माचा या अर्थ खरा

आनंदाचा कंद खरा तू 

(मम)हृदयाचा आराम खरा…

*

कृष्ण सखा तू, रामसखा तू प्रेमाचा अवतार सख्या 

अयोनिसंभव बीज अंकुरे 

सात्विक, शुद्ध हृदयी सख्या..

*

प्रशांत निद्रा प्रशांत जीवन देहात पावले मज नाथा

प्राणांवर अधिराज्य तुझे रे

केशव देतो (जसा) प्रिय पार्था…

*

आदिशक्ती अंबाबाई शक्तिरुपाने वसे इथे

त्याच शक्ती ने जाणीव होते भगवंत असे जेथे…

*

🌹 भगवंत हृदयस्थ आहे 🌹

© सुश्री अपर्णा परांजपे

कात्रज, पुणे

मो. 9503045495

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ साहित्य दीपावली… ☆ प्रा डॉ जी आर प्रवीण जोशी ☆

प्रा डॉ जी आर प्रवीण जोशी

? कवितेचा उत्सव ?

☆  साहित्य दीपावली…🪔 ☆ प्रा डॉ जी आर प्रवीण जोशी 

तेजोमय दीपज्योती

तिमीरहारक सरस्वती…

*

अनादी अनन्त तू निर्मोहक

त्रिगुणात्मक सत्व प्रकाशक

सकळ कला विद्येची कारक

 ज्ञान वैराग्य वाचस्पती…

*

तमोगुण तू नाशकारक

धी धृति स्मृति कारक

विद्यावन्त कला दायक

देवादीक पूजे बृहस्पति…

*

तू सृजनाची माय दाता

सकलांची साहित्य सरिता

माय मराठी तू अमृता

लक्ष्य लक्ष्य दीप ज्योती…

*

अक्षरांची शब्दकळा

 शब्दांचा हिरवा मळा

 नक्षत्रांच्या झुरमाळ्या

 सृजन अंगण फुलती…

*

 रूप किती तुझे थोर

 सप्तरंगी भाव विभोर

 शब्द स्पर्श चित्तचोर

 अलगद मज बिलगती…

*

तेजोमय दीप ज्योती

 तिमिरहारक सरस्वती…

© प्रो डॉ प्रवीण उर्फ जी आर जोशी

ज्येष्ठ कवी लेखक

मुपो नसलापुर ता रायबाग, अंकली, जिल्हा बेळगाव कर्नाटक, भ्रमण ध्वनी – 9164557779 

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ स्नेह दीप… ☆ सौ.ज्योत्स्ना तानवडे☆

सौ.ज्योत्स्ना तानवडे

? कवितेचा उत्सव ?

☆ स्नेह दीप🪔 ☆ सौ.ज्योत्स्ना तानवडे ☆

आली दिवाळी दिवाळी 

चैतन्याच्या लावू ओळी 

मांगल्याचा टिळा लावू 

जिद्द कष्टाच्या कपाळी ||

*

सारी संकटे विपदा 

होवो या तमाचा नाश 

एकमेका जपताना 

विणू स्नेह मधुकोश ||

*

दुःख अन्याय अलक्ष्मी 

साऱ्या तमा संपवूया 

नाती हेच मोठे धन 

त्यास नित्य सांभाळूया ||

*

लावू नात्यांच्या दिव्यात 

स्नेह ममतेची ज्योत 

सारे भेद विसरून 

जोडू पुन्हा नवी प्रीत ||

*

दिवाळीचा सण मोठा

करू मनाला आरास

मनामनाला जोडणे

आहे निमित्त हे खास ||

© सौ.ज्योत्स्ना तानवडे

वारजे, पुणे.५८

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ शु भ    दी पा व ली !  ☆ श्री प्रमोद वामन वर्तक ☆

श्री प्रमोद वामन वर्तक

? कवितेचा उत्सव ? 

☆ 🪔 शु भ    दी पा व ली ! 🪔  श्री प्रमोद वामन वर्तक ☆

रंग सारे रांगोळीतले  

उधळा आपल्या जीवनी,

जमतील तसे ज्ञानदीप 

लावा लोकांच्या मनी !

*
उजळून टाका दीपावली 

असेल कोणाची अंधारी,

मदत करा त्या मुक्तहस्ते

मारु दे त्या गरुड भरारी !

*
आकाश कंदील स्वप्नांचे 

खुशाल उडवा बेलगाम,

सत्यात आणण्या त्यांना  

गाळा मेहनतीचा घाम !

फराळ गोड आठवणींचा 

*

ठेवा कायम तुम्ही मनात,

येता अनुभव कटू कधी 

विसरून जा तो क्षणात !

*
सदा ठेवा आठवण तुम्ही 

त्या शूर वीर जवानांची,

त्यांच्यामुळे होई आपली

दिवाळी खरी सुखाची !

… दिवाळी खरी सुखाची !

© प्रमोद वामन वर्तक

संपर्क – दोस्ती इम्पिरिया, ग्रेशिया A 702, मानपाडा, ठाणे (प.) – 400610 

मो – 9892561086 ई-मेल – [email protected]

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर ≈

Please share your Post !

Shares

मराठी साहित्य – कवितेचा उत्सव ☆ सृष्टी दीपावली… ☆ प्रा डॉ जी आर प्रवीण जोशी ☆

प्रा डॉ जी आर प्रवीण जोशी

? कवितेचा उत्सव ?

☆  सृष्टी दीपावली… ☆ प्रा डॉ जी आर प्रवीण जोशी 

नभी असंख्य तारा चमकती

उजळू ज्ञान दीप  पणती   ।। ध्रु ।।

*

सरकीचे तेल  बीजात

वर बोन्ड शुभ्र कापसात

दोन्ही अद्वैत एक नांदती

लावू ज्ञान दीप पणती ।। 1 ।।

*

कापसाची घालूया वात

तेल सरकीचे  पणतीत

पणतीची  माता हो माती

*

लावू ज्ञान दीप पणती ।। 2 ।।

अनेक तारका नभी असती

त्यांचा जन्म हीच धरती

उजळे तमात ज्ञान ज्योती

लावू दिवाळीची पणती  ।।  3 ।। 

© प्रो डॉ प्रवीण उर्फ जी आर जोशी

ज्येष्ठ कवी लेखक

मुपो नसलापुर ता रायबाग, अंकली, जिल्हा बेळगाव कर्नाटक, भ्रमण ध्वनी – 9164557779 

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ झोपडी… ☆ श्री अनिल वामोरकर ☆

श्री अनिल वामोरकर

? कवितेचा उत्सव ?

झोपडी… ☆ श्री अनिल वामोरकर ☆

देह झोपडी

अती प्रिय मज

जपतो तीज

आवश्यक साधनेस…

 

ध्यान जपाने

तिज सारवतो 

सदगुरुसी हृदयाच्या

सिंहासनी बसवितो…

 

सदाचाराचे तोरण

दारी मी बांधतो

सु-मनाने सदगुरुसी 

नित पुजितो, आळवितो…

 

नैवेद्याचे ताट

विवेकाचे जिन्नस 

नीर-क्षीरचे कालवण

सत्कर्माचा धूप खास…

 

गुरुकृपेचा कवडसा

पडता अंतरीच्या डोई

तम, भय मनातले जाई

स्वच्छ प्रकाशाने उजळे झोपडी…

 

झोपडीत माझ्या

चैतन्याचा निवास

प्रेमाचा ही वास

शाश्वत आनंद हमखास…

© श्री अनिल वामोरकर

अमरावती

≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित  ≈

Please share your Post !

Shares

मराठी साहित्य – कवितेचा उत्सव ☆ श्री अशोक भांबुरे जी यांची कविता अभिव्यक्ती #259 ☆ भूमीवरील तारे… ☆ श्री अशोक श्रीपाद भांबुरे ☆

श्री अशोक श्रीपाद भांबुरे

? अशोक भांबुरे जी यांची कविता अभिव्यक्ती # 259 ?

भूमीवरील तारे ☆ श्री अशोक श्रीपाद भांबुरे ☆

*

पाणी जमीन सारे झाले कसे विकाऊ

माती तुझे ढिगारे झाले कसे विकाऊ

*

विस्तारले शहर हे दर्या तुझ्याच भवती

सारेच हे किनारे झाले कसे विकाऊ

*

झाले शिकून मोठे अन मागतात हुंडा

भूमीवरील तारे झाले कसे विकाऊ

*

पैसा किती अघोरी झाला जगात आहे

अक्रोश आणि नारे झाले कसे विकाऊ

*

राष्ट्रीय मान्यतेचा पक्षात एक पक्षी

त्याचेच हे पिसारे झाले कसे विकाऊ

*

पाणी नळातले हे आकाश फिरुन आले

बागेतले फवारे झाले कसे विकाऊ

*

लावून आज एसी होतो जरा पहुडलो

आले मनात वारे झाले कसे विकाऊ

 

© श्री अशोक श्रीपाद भांबुरे

धनकवडी, पुणे ४११ ०४३.

[email protected]

मो. ८१८००४२५०६, ९८२२८८२०२८

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares
image_print