श्री सुजित कदम
कवितेचा उत्सव
☆ सुजित साहित्य # 149 ☆ संत रोहिदास महाराज… ☆ श्री सुजित कदम ☆
रोहिदास महाराज
सुधारक संत कवी.
भक्ती गीते चळवळ
अध्यात्मिक दिशा नवी…! १
वाराणसी सीर गावी
गोवर्धन पुरामध्ये
जन्मा आले रोहिदास
चर्मकार कुलामध्ये… ! २
रविदास रोहिदास
अन्या सोळा उपनावे
महाराष्ट्र राजस्थान
पंजाबात नांव गाजे…! ३
देशहित जपणारे
रोहिदास संत कवी
दिली रहस्य वादाची
वैचारिक शक्ती नवी..! ४
कवी संत रोहिदास
अध्यात्मिक व्यक्तीमत्व
सुफी संत सहवास
सामाजिक ज्ञान तत्व…! ५
लक्षणीय योगदान
गुरू ग्रंथ साहिबात
रोहिदास साहित्याचा
समावेश जगतात…! ६
भेदाभेद टाळुनीया
दिला समता संदेश
कष्टकरी समाजात
मेहनत परमेश…! ७
भगवंत अंतरात
नको मग दुजे काही
सामाजिक सलोख्यात
सुख माणसांचे राही…! ८
मनुष्यास धर्म केंद्र
दिशा वैचारिक मना
सर्व सुख प्राप्ती साठी
केला उपदेश जना…! ९
एकजूट समाजाची
समानता अधिकार
संत रोहिदास सांगे
श्रमशक्ती मुलाधार…! १०
मन निर्मळ ठेवावे
ज्ञान गंगा अंतरात
केला निर्भय समाज
बोली भाषा अभंगात..! ११
संत मानवतावादी
देश आणि देव भक्ती
केले समाज कल्याण
दिली बंधुभाव शक्ती…! १२
पायवाट जीवनाची
नको असत्याचा संग
संत रोहिदास वाणी
ईश सेवेमध्ये दंग…! १३
चैत्र वैद्य चतुर्दशी
रोहिदास पुण्यतिथी
आहे चितोड गडात
पादत्राणे आजमिती…! १४
© सुजित कदम
संपर्क – 117, विठ्ठलवाडी जकात नाका, सिंहगढ़ रोड,पुणे 30
मो. 7276282626
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
– 
त्रिवार जयजयकार ☘️ सौ. विद्या वसंत पराडकर ☆
वाचताना वेचलेले 
