श्री प्रमोद वामन वर्तक
कवितेचा उत्सव
🙏 जि व ल ग ! 🙏 श्री प्रमोद वामन वर्तक 
आता थांबवीन म्हणतो
जरा शब्दांशी ते खेळणे,
त्यांनी तरी किती नाचावे
नेहमी माझ्या मनाप्रमाणे !
कशी कोण जाणे याची
लागली शब्दांना कुणकुण,
सोडले अचानक त्यांनी
माझ्या डोक्यातील ठाणं !
गेले असेच दोन दिवस
सरल्या त्या दोन रात्री,
‘ते’ परतणे शक्य नाही
मज याची झाली खात्री !
पण आज अवचित पडता
थाप डोक्याच्या दारावर,
उघडून पाहता दिसले
माझेच मला जुने मैतर !
गळा भेट होता आमची
मनोमनी सारे सुखावलो,
नाही सोडणार साथ कधी
एकमेका वचन देते झालो !
© प्रमोद वामन वर्तक
दोस्ती इम्पिरिया, ग्रेशिया A 702, मानपाडा, ठाणे (प.)
मो – 9892561086
ई-मेल – [email protected]
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
– वाट वाकडी 
व्यथा… ☆ श्री रवींद्र सोनावणी ☆
वाचताना वेचलेले 
