श्रीमती अनुराधा फाटक
कवितेचा उत्सव
☆ सिध्दीदात्री… ☆ श्रीमती अनुराधा फाटक ☆
नवव्या दिवशी सिध्दीदात्री
पूजन मन समृध्दीसाठी
तू मारिलेस राक्षस रिपू
आम्ही संपवू विकारशत्रू
त्यासाठी सिध्दीदात्री
तुझे करितो पूजन !
© श्रीमती अनुराधा फाटक
≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈
कविराज विजय यशवंत सातपुते
साप्ताहिक स्तम्भ # 92 – विजय साहित्य
☆ ? आरती ? कविराज विजय यशवंत सातपुते ☆
(स्वरचित आरती. निर्मिती विजया दशमी 18/10/2018.)
☆
आरती सप्रेम जय जय जय अंबे माता
कृपा रहावी आम्हां वरती, दे आशिष आता .||धृ||
☆
सदा पाठिशी रहा उभी मुकांबिका होऊनी
शिवशक्तीचे प्रतिक तू सिंहारूढ स्वामींनी
कोल्लर गावी महिमा गाई भक्त वर्ग मोठा .
कृपा रहावी आम्हां वरती, दे आशिष आता .||1||
☆
ब्राम्ही रूप हे तुझेच माते चतुर्मुखी ज्ञानी
सप्तमातृका प्रातः गायत्री हंसारूढ मानी
सृजनदेवता ब्रम्हारूपी रक्तवर्णी कांता
कृपा रहावी आम्हां वरती, दे आशिष आता .||2||
☆
माहेश्वरी रूप शिवाचे , व्याघ्रचर्म धारीणी
जटामुकूट शिरी शोभतो तू सायं गायत्री
त्रिशूल डमरू त्रिनेत्र धारी तू वृषारूढा.
कृपा रहावी आम्हां वरती, दे आशिष आता .||3||
☆
स्कंदशक्ती तू कौमारी तू नागराज धारीणी
मोर कोंबडा हाती भाला तू जगदोद्धारीणी.
अंधकासूरा शासन करण्या आली मातृका
कृपा रहावी आम्हां वरती, दे आशिष आता .||4||
☆
विष्णू स्वरूपी वैष्णवी तू ,शंख, चक्र, धारीणी
माध्यान्ह गायत्री माता तू शोभे गरूडासनी.
मनमोहिनी पद्मधारीणी तू समृद्धी दाता.
कृपा रहावी आम्हां वरती, दे आशिष आता .||5||
☆
नारसिंही भद्रकाली तू,पानपात्र धारीणी
गंडभेरूडा , शरभेश्वर शिवशक्ती राज्ञी
लिंबमाळेचा साज लेवूनी शोभे अग्नीशिखा.
कृपा रहावी आम्हां वरती, दे आशिष आता .||6||
☆
आदिमाया,आदिशक्ती,विराट रूप धारीणी
रण चंडिका शैलजा महिषासूर मर्दिनी
महारात्री त्या दिव्य मोहिनी ,शोभे जगदंबा .
कृपा रहावी आम्हां वरती, दे आशिष आता .||7||
☆
सप्तमातृका रूपात नटली देवी कल्याणी
भगवती तू, माय रेणुका शोभे नारायणी
स्तुती सुमनांनी आरती कविराजे सांगता
कृपा रहावी आम्हां वरती, दे आशिष आता .||8||
☆
© कविराज विजय यशवंत सातपुते
सहकारनगर नंबर दोन, दशभुजा गणपती रोड, पुणे. 411 009.
मोबाईल 9371319798.
≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈
स्व गजानन दिगंबर माडगूळकर ‘गदिमा’
जन्म – 1 ओक्टोबर 1919 मृत्यु – 14 डिसेंबर 1977 ☆
☆ कवितेचा उत्सव ☆ कौसल्येचा राम…. – महाकवी ग.दि. माडगूळकर ☆ प्रस्तुति – श्री विकास मधुसूदन भावे☆
कबीराचे विणतो शेले कौसल्येचा राम
भाबड्या या भक्तासाठी देव करी काम
एक एकतारी हाती भक्त गाई गीत
एक एक धागा जोडी जानकीचा नाथ
राजा घनश्याम!
दास रामनामी रंगे, राम होई दास
एक एक धागा गुंते,रूप ये पटास
राजा घनश्याम!
विणुनिया झाला शेला ,पूर्ण होई काम
ठायी ठायी शेल्यावरती दिसे राम नाम
राजा घनश्याम!
हळूहळू उघडी डोळे पाही जो कबीर
विणुनिया शेला गेला सखा रघुवीर
कुठे म्हणे राम ?
(या कवितेचे रसग्रहण काव्यानंद मध्ये दिले आहे.)
गीतकार- महाकवी ग.दि. माडगूळकर
प्रस्तुति – श्री विकास मधुसूदन भावे
चित्र : साभार Gajanan Digambar Madgulkar – Wikipedia
≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈
श्रीमती अनुराधा फाटक
कवितेचा उत्सव
☆ महालक्ष्मी… ☆ श्रीमती अनुराधा फाटक ☆
आठव्या दिवशी महालक्ष्मी
करितो आम्ही तुझे पूजन
दिलेस समृध्द जीवन
तुझे व्हावे सतत स्मरण
त्यासाठी हे पूजन !
© श्रीमती अनुराधा फाटक
≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈
श्री सुजित कदम
☆ साप्ताहिक स्तंभ – सुजित साहित्य #82 ☆
☆ ती…! ☆
आजपर्यंत तिनं
बरंच काही साठवून ठेवलंय ..
ह्या… चार भिंतींच्या आत
जितकं ह्या चार भिंतींच्या आत
तितकंच मनातही…
कुणाला कळू नये म्हणून
ती घरातल्या वस्तूप्रमाणे
आवरून ठेवते…
मनातला राग..,चिडचिड,
अगदी तिच्या इच्छा सुध्दा..,
रोजच्या सारखाच
चेहऱ्यावर आनंद आणि समाधानाचा
खोटा मुखवटा लाउन
ती फिरत राहते
सा-या घरभर
कुणीतरी ह्या
आवरलेल्या घराचं
आणि आवरलेल्या मनाचं
कौतुक करावं
ह्या एकाच आशेवर…!
© सुजित कदम
पुणे, महाराष्ट्र
मो.७२७६२८२६२६
≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈
श्रीमती अनुराधा फाटक
कवितेचा उत्सव
☆ कालरात्री… ☆ श्रीमती अनुराधा फाटक ☆
रुप तुझे असे भयंकर
कार्य करिसी तू शुभंकर
शुभंकरीच म्हणती तुज
संपविलास तू रक्तबीज !
सातवे दिवशी पूजन
कृष्ण वर्णी तू नेत्र तीन
हाती खड्ग गर्दभ वाहन
करीसी भक्तांचे रक्षण !
होवो अज्ञान तिमिर दूर
कालरात्री देई ऐसा वर !
© श्रीमती अनुराधा फाटक
≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈
सुश्री प्रभा सोनवणे
साप्ताहिक स्तम्भ – कवितेच्या प्रदेशात # 105
☆ शांताबाई ☆
शांताबाई शांताबाई
तुम्ही म्हणजे रानजाई ॥
साधेसुधे राहणीमान
मराठमोळे परिधान
डोईवरचा पदर छान
तुम्ही म्हणजे सुरेल तान ॥
शांतादुर्गा म्हणू की म्हणू
वाङेश्वरीची लेक लाडकी
करून गेलात मैफल पोरकी
तुम्ही म्हणजे शब्दसखी ॥
लाखमोलाचे तुमचे शब्द
उपकार केलेत अब्ज अब्ज
लिहिल्या कविता नव नीत
तुम्ही म्हणजे फक्त प्रीत ॥
नित्य स्मरू अन् सदैव वंदू
वाणी गोड बोलणे मृदू
साहित्यातला ज्ञानसिंधू
तुम्ही म्हणजे स्वप्न मधू ॥
ज्येष्ठ कवयित्री/साहित्यिक स्व.शांता शेळके यांना विनम्र अभिवादन
© प्रभा सोनवणे
“सोनवणे हाऊस”, ३४८ सोमवार पेठ, पंधरा ऑगस्ट चौक, विश्वेश्वर बँकेसमोर, पुणे 411011
श्रीमती अनुराधा फाटक
कवितेचा उत्सव
☆ कात्यायनी… ☆ श्रीमती अनुराधा फाटक ☆
शिवोपासक कात्यायन
त्यांची पुत्री तूच महान
तीन नेत्र तू चतुर्भुजा
सहावे दिनी तुझी पूजा !
सिंह वाहिनी स्वाभिमानी
सर्व सुखांची तू जननी
हातात तलवार कमल
भक्तांचे इच्छिसी कुशल !
दृढनिश्चयी राहो मन
ऐसे देई आशीर्वचन!
© श्रीमती अनुराधा फाटक
≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈
स्व शांताबाई शेळके
कवितेचा उत्सव
☆ लिंब ☆ स्व शांताबाई शेळके ☆
(
निळया निळ्या आकाशाची
पार्श्वभूमी चेतोहार
भव्य वृक्ष हा लिंबाचा
शोभतसे तिच्यावर
किती रम्य दिसे याचा
पर्णसंभार हिरवा
पाहताच तयाकडे
लाभे मनाला गारवा
बलशाली याचा बुंधा
फांद्या सुदीर्घ विशाला
भय दूर घालवून
स्थैर्य देतात चित्ताला
उग्र जरा परी गोड
गन्ध मोहरास याच्या
कटु मधुर भावना
जणू माझ्याच मनीच्या
टक लावून कितीदा
बघते मी याच्याकडे
सुखदुःख अंतरीचे
सर्व करीते उघडे!
माझ्या नयनांची भाषा
सारी कळते यालाही
मूक भाषेत आपुल्या
मज दिलासा तो देई
स्नेहभाव आम्हांतील
नाही कुणा कळायाचे
ज्ञात आहे आंम्हालाच
मुग्ध नाते हे आमुचे !
चित्र साभार – Shanta Shelke – Wikipedia
स्व. शांताबाई शेळके
≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈
श्री अशोक श्रीपाद भांबुरे
☆ साप्ताहिक स्तम्भ – अशोक भांबुरे जी यांची कविता अभिव्यक्ती # 107 ☆
☆ बा ☆
या घराचे दार आहे ठेंगणे
शिकविले त्यानेच ताठा सोडणे
पाय लागे उंबऱ्याला सारखा
टाळले त्याने तरी ना भेटणे
कौल होउन सोसतो सूर्यास ‘बा’
म्हणत नाही शक्य नाही सोसणे
माणसे साधीच ही माझ्या घरी
पण तिथे संस्कार आहे देखणे
तावदानाची गरज नाही मला
मुक्त वाऱ्याचे पहावे नाचणे
सूर्यही येतो सकाळी अंगणी
अर्घ्य देउन हात त्याला जोडणे
चार भिंतीच्या घराचे थोरपण
ज्या ठिकाणी सभ्यतेचे नांदणे
© अशोक श्रीपाद भांबुरे
धनकवडी, पुणे ४११ ०४३.
मो. ८१८००४२५०६, ९८२२८८२०२८
≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈
