श्री प्रमोद वामन वर्तक
कवितेचा उत्सव
🙏 समजुतीचा घोटाळा !🙏 श्री प्रमोद वामन वर्तक 
( ३ ) “ “
कवी : प्रमोद वर्तक
समजुतीचा घोटाळा !
उभा होतो बाल्कनीत
नजारा भोवतीचा पहात,
दिसे समोरच्या घरातून
हलणारा ललनेचा हात !
*
जरी दुसरीकडे पाहिले तरी
तिचा हात नाही थांबला,
मम हृदयात काळजाचा
या वागण्याने ठोका चुकला !
*
द्यावा प्रतिसाद तिला,
का दुर्लक्षावे मज सुचेना,
केला कानाडोळा तरी
तीचा हात हलणे थांबेना !
*
पण सौ.चा बसता धपाटा
मी मग भानावर आलो,
अन् मी त्या गावचाच नाही
असे तिला भासवू लागलो !
*
“मांडे आपले मनांतले
भाजा आपल्याच मनांत,
पुरी न होई इच्छा जन्मात
लाज बाळगा थोडी जनांत !
*
साफ करी ललना काच
न की दावी तुम्हां हलवून हात,
चला आता मुकाट्यानं घरात
दावते तुम्हां माझी करामत !”
© श्री प्रमोद वामन वर्तक
संपर्क – दोस्ती इम्पिरिया, ग्रेशिया A 702, मानपाडा, ठाणे (प.) – 400610
मो – 9892561086 ई-मेल – [email protected]
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
– गंधित समीर चैतन्याचा…– 
☆ प्रा डॉ जी आर प्रवीण जोशी ☆
वाचताना वेचलेले 
