Tag: #मराठी-कविता

श्रीमती मीनाक्षी सरदेसाई 

? कवितेचा उत्सव ?

☆ वळीव ☆ श्रीमती मीनाक्षी सरदेसाई☆

(वृत्त-वसंततिलक)

पर्जन्यधार बरसे बेधुंदफुंद

मातीतुनी दरवळे मृद-गंध मंद

उत्सूक, तप्त, विरही धरणी सखीला

भेटावया वळिव आज अधीरलेला

 

ग्रिष्मातला पवन शीतळ गार झाला

फांदीतुनी उमटला हिरवा धुमारा

कोकीळ पंचमस्वरातुनि साद घाली

बीजांकुरास लपल्या हळु जाग आली.

 

‘येईन मी पुनरपी’वचने प्रियेला

देऊन वल्लभ तिचा परतून गेला.

 

प्रीतीतला क्षण पुरे वदुनी मनात

त्या थोडक्या मिठितही धरणी कृतार्थ.

 

सद्भाग्यसूचक अशा स्रुजनोत्सवाने

ती प्रेमिका वसुमती भिजली दवाने.

 

मेघावरी बसून तो बरसेल धारा

आणील वैभव धरा सुफला उद्याला।।

 

© श्रीमती मीनाक्षी सरदेसाई

सांगली

मो. – 8806955070

≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈

श्रीमती उज्ज्वला केळकर

? वाचताना वेचलेले ?

☆ अप्रूप पाखरे – २ – रवींद्रनाथ टैगोर ☆ प्रस्तुति – श्रीमती उज्ज्वला केळकर ☆ 

[1]

जळतय

तळमळतय

हे विशाल वाळवंट

की

थोडा तरी

जीव लाव रे

हिरव्या प्राणांच्या

लाडक्या तृणपात्या

पण

हिरव्याच तोर्‍यात

मान उडवत ते

नाक मुरडून हिरवंगार

दुष्ट हसतं

आणि भिरभिरत जातं

दूर…दूर…

 

[2]

पृथ्वीचे आसूच

फुलवत ठेवतात

तिचं हसू

 

[3]

मुळं कशी?

जमिनीमधल्या

फांद्या जशी

फांद्या कशा?

हवेमधली

मुळं जशी

 

[4]

ही प्रचंड पृथ्वी

उग्र आणि कठोर

पण

किती मीलनसार झाली

तृणपात्यांच्या संगतीनं ……

 

≡ ≡ ≡ ≡ ≡ ≡ ≡ ≡ ≡ ≡ ≡ ≡ ≡ ≡ ≡ ≡ ≡ ≡ ≡ ≡

मूळ रचना – स्व. रविंद्रनाथ टैगोर 

मराठी अनुवाद – रेणू देशपांडे (माधुरी द्रवीड)

प्रस्तुति – श्रीमती उज्ज्वला केळकर

176/2 ‘गायत्री’, प्लॉट नं 12, वसंत साखर कामगार भवन जवळ, सांगली 416416 मो.-  9403310170

≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈

? कवितेचा उत्सव ?

☆  ओळख स्वस्वरूपाची ☆ डॉ. पुष्पा तायडे ☆

जीवन खूप सुंदर आहे

आपणच आशा निराशेचा खेळ करतो

ईश्वराने मनुष्यासाठी जो संकल्प केला

तो कधीच त्याने नाही तोडला

संसारात राहून साधनेसाठी गुरूजींनी केला जो संघर्ष

त्यांचाच घेऊया आपण रोजरोज परामर्ष

घालवा रोज प्रत्येक क्षण आनंदात

ईश्वराने ठेवले आहे तुम्हाला सुखात

नका येऊ देवू मनात भाव असल्याचा दु:खी

सततच्या नामस्मरणानेच व्हाल तुम्ही सुखी

ईश्वरानेच घडवले हे तुमचे मानवी शरीर

पहा किती सुबक रेखाटल्या तळहातावरील लकीर

या विशाल सृष्टित र्इश्‍वराने बनविले तुम्हाला असाधारण

मग तुम्हीच स्वत:हून स्वत:ला का मानता साधारण

ओळखा स्वस्वरूपाला

मगच शांती मिळेल मनाला

 

© प्राचार्य डॉ. पुष्प तायडे

वर्धा

मो 9422119221.

≈ संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈

? कवितेचा उत्सव ?

☆  स्वप्न देखणे ☆ श्री सोमनाथ साखरे ☆

 

पाऊस सरींचा चिंब पसारा

लडी मोकळ्या रेशीमधारा

चांदण्यात जणु भिजले मोती

थेंब टपोरे बरसत गारा…….

 

नभांगणी घननिळा प्रकटला

श्रावणमासी उन-सावल्या

उन्हे कोवळी पाऊस न्हातो

सोनसाखळ्या धम्मक पिवळ्या

 

नभ पाझरले भूमीत विरले

तडाग उदरी तुडुंब भरले

करीत खळखळ अवखळ निर्झर

कुशीत नदीच्या अलगद शिरले

 

इंद्र धनुची विभवून भिवई

कटाक्ष टाकी प्रेमभराने

उधाण यौवना नव्हाळ सरिता

गिरी-दरीतून गाते गाणे

 

गर्भगृही त्या तृप्त धरेच्या

अंकुरले बीज नवलची घडले

हिरवे हिरवे स्वप्न देखणे

निळ्या नभाला अवचित पडले.

 

© श्री सोमनाथ साखरे

१५.०५.२०२१

नाशिक०३.

मोबा.९८९०७९०९३३

≈ संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈

(14 एप्रिल 1891 – 6 डिसेंबर 1956)

☆  कवितेचा उत्सव ☆ असा बॅरिस्टर झाला ☆ श्री गौतम कांबळे ☆

परंपरेच्या जोखडाखाली समाज दबून गेला

जेंव्हा  समाज दबून गेला

आधार देण्या दीनास भीम वकील होऊन आला

असा बॅरिस्टर हो झाला

 

पिता रामजी माता भिमाई

आली फळाला तयांची पुण्याई

गुलामगिरीचा कर्दनकाळ लढाया सिद्ध हो झाला

 

बुद्ध कबीर फुले हे गुरु

शाहु सयाजी बनले तारु

बुद्धीमत्तेने विश्वात साऱ्या चमकला तेजाचा गोळा

 

अन्यायाचा प्रतिकार करावा

हक्कासाठी संघर्ष करावा

शिक्षणाने होतो विकास खरा भीम आम्हाला सांगूनी गेला

 

शैक्षणिक सामाजिक तो न्याय

राजसत्तेविना मिळणार नाय

देऊनी संदेश मुडद्यांच्या अंगी स्फुल्लींग पेरून गेला

 

बुद्ध धम्माचा करुन स्विकार

शिकविला तो शुद्ध आचार

संविधानातूनी देशाला या समता विचार दिला

 

©  श्री गौतम कांबळे

सांगली

९४२१२२२८३४

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈

सौ.ज्योत्स्ना तानवडे

☆ कवितेचा उत्सव ☆ शुभकामना ☆ सौ.ज्योत्स्ना तानवडे ☆ 

नवे संवत्सर

नवसंक्रमण

सुखस्वप्नांना

नवे परिमाण ||

 

कात टाकूनी

सृष्टी नव्याने

बहरून येईल

नव्या जोमाने ||

 

नव्या वाटेवर

सरतील भोग

नव्या दमाचे

नवे उपभोग ||

 

लाभो सकलांना

आरोग्याचा ठेवा

आनंदाने जावे

सौख्याच्या गावा ||

 

सर्वे सन्तू निरामय:

ही मनोमनी प्रार्थना

नवे वर्ष सुखाचे जावो

देते शुभकामना ||

 

© सौ. ज्योत्स्ना तानवडे

वारजे, पुणे.५८

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈

सुश्री मंजुषा सुनीत मुळे

 

 

 

 

☆ कवितेचा उत्सव ☆ क्षण—- ☆ सुश्री मंजुषा सुनीत मुळे ☆

व्यस्त व्यग्र दिवसातले

मोजकेच, मोहक पण

निसटते क्षण ..

भेटतात मला न चुकता

चोरुन भेटणाऱ्या

प्रेयसीसारखे ||

आसाभोवती फिरणाऱ्या

चाकासारखं

आयुष्याला जखडून फिरतांना

मनाची झीज थोपवायला

धावून येतात हे क्षण —

वंगण असल्यासारखे ||

चहूबाजूंनी मनावर कोसळू

पहाणारा

आघातांचा बेभान पाऊस

निश्चलतेच्या गोवर्धनावर

थोपविण्यासाठी ..

पुरतात हे क्षण

कृष्णाच्या करंगळीसारखे||

उदास निराश काळोखात

अंदाजानेच चाचपडतांना

हळूच वाट दाखवतात हे

आशेचे प्रकाशकण होऊन

काजव्यांसारखे ||

नकळत पहाते वाट मी

या संजीवक अनमोल क्षणांची

जेव्हा उरते फक्त मीपणच

माझे ..

वादळवाऱ्यात, एकाट-देवळात

मिणमिणत राहिलेल्या

पणतीसारखे || ……..

 

© सुश्री मंजुषा सुनीत मुळे

९८२२८४६७६२.

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित  ≈