Tag: #मराठी-कविता

श्री आशिष  बिवलकर

  चित्रकाव्य  

– विठ्ठल विठ्ठल… –  ☆श्री आशिष  बिवलकर ☆

☆

विठ्ठल विठ्ठल | चाले मुखी जप |

कैवल्याचे तप | प्रेमभाव ||१||

*

विठ्ठल विठ्ठल | जगाची माऊली |

मायेची सावली | वैष्णवांसी ||२||

*

विठ्ठल विठ्ठल | नामाचा गजर |

भक्तीचा सागर | अथांग हा ||३||

*

विठ्ठल विठ्ठल | संताचे वचन |

ज्ञानाचे लोचन | पाहण्यासी ||४||

*

विठ्ठल विठ्ठल | पडते पाऊल |

सुखाची चाहूल | पंढरीत ||५||

*

विठ्ठल विठ्ठल | जीवा लागे नाद |

सावळ्यासी साद | भक्तीमय ||६||

*

विठ्ठल विठ्ठल | पंढरीचा धनी |

वसलाय मनी | अंतरात ||७||

☆

© श्री आशिष  बिवलकर

बदलापूर

मो 9518942105

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

श्री तुकाराम दादा पाटील

 कवितेचा उत्सव 

☆ जीवाचा जिव्हाळा… ☆ प्रा तुकाराम दादा पाटील ☆

☆

डोईवर छान / शोभे वृंदावन

हातात निशाण / वैराग्याचे

*

एकरूप झाले / निर्गुण सगूण

धरता चरण / देवा तुझे

*

मनाला लाभते / नवीन उभारी

करताना वारी / पंढरीची

*

फाटका संसार / नेटका करीन

सुखात ठेवीन / घरदार

*

कृपाळू माऊली/ जीवाला लाभली

काया वेडावली /अभंगात

*

नित्य तुझी सेवा / घडो देवराया

मला तारावया / संसारात

*

जसा तुकोबांचा /झालास तू श्वास

मनाला विश्वास  / तोच राहो

☆

© प्रा. तुकाराम दादा पाटील

मुळचा पत्ता  –  मु.पो. भोसे  ता.मिरज  जि.सांगली

सध्या राॅयल रोहाना, जुना जकातनाका वाल्हेकरवाडी रोड चिंचवड पुणे ३३

दुरध्वनी – ९०७५६३४८२४, ९८२२०१८५२६

≈ संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर ≈

सौ. वंदना अशोक हुळबत्ते

 कवितेचा उत्सव 

☆ वारी… ☆ सौ. वंदना अशोक हुळबत्ते ☆ 

☆

ओढ ग लागली | विठूच्या भेटीची |

निघाली ग वारी | ऐक सखी ||

*

फुक्या संसाराची | किती आस धरी |

हिशेब कर्माचा | देवादारी ||

*

वारी आली दारी | नको ग घोटाळू |

चल वारी करू | जिवेभावे ||

*

अंगणात विठू | भाकरीत विठू |

संसार ग माझा | विठूमय ||

*

नामा, तुका सांगे | भक्ती मार्ग श्रेष्ठ |

चरणाशी लीन | लेकरू हे ||

*

विठू नाम घेता  | सार्थक जीवन |

उणे काय माझ्या | संसारात ||

☆

© सौ.वंदना अशोक हुळबत्ते

मो.९६५७४९०८९२

सांगली

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

श्री रवींद्र सोनावणी

 कवितेचा उत्सव 

☆ आषाढीची वारी… ☆ श्री रवींद्र सोनावणी ☆

☆

नको काशी मथुरा वृंदावन दूर

चंद्र भागेतटी आहे माझे पंढरपूर

*

ज्ञानीयाचा राजा आळंदीचे ठाई

घेऊ या दर्शन नका करू घाई

पालखी सोहळा वैष्णवांचा मेळा

भक्ती संगम हा

 भरून पाहू डोळा

*

लाख टाळ जमला पालख्या अपार

चंद्र भागेतटी आहे माझे पंढरपूर

*

आषाढाचे घन भरून येई मन

पंढरीच्या वाटे वारकरी जन

टाळमृदुंगाचा होतसे गजर

विठू दर्शनाशी भक्त हे आतुर

आठवता पांडुरंग तुटते  अंतर

चंद्रभागे तटी आहे माझे पंढरपूर

*

संसाराची व्यथा टोचते सर्वथा

 हरिनाम घेता नुरे काही चिंता

नासले आयुष्य सुख शोधू जाता

नको मोहमाया विठू एक भ्राता

*

विश्वासून त्याचेवर सोडीयेले घर

चंद्र भागेतटी आहे माझे पंढरपूर

☆

© श्री रवींद्र सोनावणी

निवास :  G03, भूमिक दर्शन, गणेश मंदिर रोड, उमिया काॅम्पलेक्स, टिटवाळा पूर्व – ४२१६०५

मो. क्र.८८५०४६२९९३

श्री सुहास सोहोनी

 कवितेचा उत्सव 

☆ धन्य मी – कृतार्थ मी ☆ श्री सुहास सोहोनी ☆

☆

चार विभूती जन्मा आल्या

माझ्या भूमीवरती …

दु:खे पाहुनी त्यांची, मीही

अश्रु ढाळले किती …

*

विश्वोद्धारक रूपे त्यांची

आता दिसती मला…

भाग्यशालि मी आता झाले

मान मला लाभला

*

आनंदी मी आळंदी मी

भरून आले नेत्र …

ईश कृपेने झाले माझे

पवित्र तीर्थक्षेत्र ….!!

*

तृप्त मने आळंदी वदते

काहिच नाही कमी …..

धन्य मी अन् कृतार्थ मी …..

धन्य मी अन् कृतार्थ मी …..

☘️ 

अंगांगी रोमांच उमटला

इंद्रायणिच्या जळी …..

काय जाहले काहि कळेना

झाली सरिता खुळी …..

*

कसला झाला, कोणी केला

दिव्यत्वाचा स्पर्श …..

आनंदाचे तरंग उठले

मनि मावेना हर्ष …..

*

तुकयाने जव जळी बुडविली

पवित्र अभंग गाथा …..

त्या गाथेचा स्पर्श अलौकिक

सरिता टेकी माथा …..

*

इंद्रायणिची सखी जाहली

तुकयाची गाथा …..

वाळवंटी या अखंड चाले

निरुपण, कीर्तन, कथा …..

*

इंद्रायणिच्या कणाकणातुन

अजून उमटे ध्वनी …..

धन्य मी अन् कृतार्थ मी …..

धन्य मी अन् कृतार्थ मी …..

☘️

© सुहास सोहोनी

रत्नागिरी

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

सौ. रेणुका धनंजय मार्डीकर

  चित्रकाव्य  

– “विठू सावळा…” –  ☆ सौ. रेणुका धनंजय मार्डीकर☆

☆

फणस पहा हा लेकुरवाळा

जणू भासला विठू सावळा

संत मंडळी फणस रूपाने

अंगोपांगी लागला लळा

*

विठ्ठल विठ्ठल नाद घुमावा

आसमंत ही भरून जावे

पाने पिटती टाळ्या आणि

विठू नामाचे गाणे गावे

*

आषाढाचे रूप मनोहर

जिथे तिथे मज भेटे विठ्ठल

चराचराला हिरवाईतून

भक्तांना माऊलीच भेटेल

☆

 © सौ.रेणुका धनंजय मार्डीकर

औसा.

मोबा. नं.  ८८५५९१७९१८

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

सौ. मंजुषा सुधीर आफळे

 कवितेचा उत्सव 

☆ पंढरीची वारी… ☆  सौ. मंजुषा सुधीर आफळे ☆

(अभंग रचना – आषाढ महिमा)

☆

पंढरीची वारी|पावन सोहळा||

विठोबा सावळा|कनवाळू||१||

*

आषाढ महिमा|संत संगतीचा||

पुण्य पर्वणीचा| सज्जन हो||

*

आनंदी स्पंदन|   निर्मळ भक्तीने||

अद्वैत शक्तीने| भारलेले||

*

मुखी हरी नाम| गोडी अमृताची||

जीवाला सुखाची|| गवसणी||

*

भावाचा भुकेला|संवाद साधतो||

कौतुक पाहतो|पांडुरंग ||

*

भक्त संगतीत| गुंतवून मन||

रमा नारायण| वाट पाही||

☆

© सौ.मंजुषा सुधीर आफळे

सांगली.

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

श्रीमती रंजना मधुकरराव लसणे 

 कवितेचा उत्सव 

☆ रंजना जी यांचे साहित्य # 181 – कुंठे शोधू विठूराया ☆ श्रीमती रंजना मधुकरराव लसणे ☆

☆

 कुंठे शोधू विठूराया

कशी लोपली रे माया।

म्हणे भोळ्या भक्तावरी

तुझी अविरत छाया ।

*

आई वडिलांची आज्ञा

शब्द जणू पर्वणीच।

कामामध्ये वसे राम

भान ठेव करणीचं।

*

रूपं सावळं शोधलं

शाळकरी बालकांत।

सारं आयुष्य रंगलं

गोड बोबड्या बोलात।

*

कुठे टाळ नि मृदुंग

नच चिपळ्यांची साथ‍।

नाचताना दिसला रे

गोपालात दिनानाथ।

*

दर सली मोहविती

तुझी अगणित रूपे।

अशा मोह मायेमध्ये

कुणा वारी आठवते।

*

सेवानिवृत्तीने केली

बंद दारं मंदिराची।

कुठे शोधू विठूराया

जपलेली छबी त्यांची ।

*

थकलेल्या तन मना

वारी घडणार नाही।

नको हेळसांड करू

आता वैकुंठास नेई।

 ☆

©  रंजना मधुकर लसणे

आखाडा बाळापूर, जिल्हा हिंगोली

9960128105

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈