मराठी साहित्य – चित्रकाव्य ☆– “सूर्य घेऊनी शिंगांमध्ये…” – ☆ सुश्री नीलांबरी शिर्के ☆

By Hemant BawankarNo Comments

सुश्री नीलांबरी शिर्के

?️?  चित्रकाव्य  ?️?

? – “सूर्य घेऊनी शिंगांमध्ये…” – ? ☆ सुश्री नीलांबरी शिर्के ☆

☆

सूर्य घेऊनी शिंगांमध्ये

नदीकाठावर उभी गाय

भुकेलेल्या वासराला

पान्हा सोडीतसे माय

*

 बंधनरूपी गळ्यात अडणा 

 स्त्रीत्व म्हणूनी का या खुणा?

 ताबा मिळणे सोपे जावया

 अडण्याचा हा असे बहाणा !

*

 कुठेही जावो चरावयाशी

 सांजवेळी परतते  घराशी

 दुध दुभत्याची रेलचेलही

 गोधन असता नित हाताशी

☆

© सुश्री नीलांबरी शिर्के

मो 8149144177

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ महिला दिनानिमित्त… ☆ प्रा डॉ जी आर प्रवीण जोशी ☆

By Hemant BawankarNo Comments

प्रा डॉ जी आर प्रवीण जोशी

? कवितेचा उत्सव ?

☆ महिला दिनानिमित्त… ☆ प्रा डॉ जी आर प्रवीण जोशी ☆

☆

अनेक नाती तुझ्यात गुंतती

कुंठित होते मती

नाही शोभा ह्या जगला नाही

कोणती गती

 

सुगंध जसा दरवळवा

भिजत जाते माती

भाव भावनांचा बांधून झुला

शब्द शब्द  पाझरती

 

सर्व काही सोडून  येशी

तृषार्थ त्या पणती

कळीची हे फुल होती

गंध बंध उमलती

 

तुझ्यामुळे शक्य सखे

जगात जीव जगती

प्रेम ज्योती रात तेवती

उजळीत त्या वाती

 

तुझे समर्पण ते मी पण

देहाचे तर्पण

चंदन काया झिजे संसारी

नसे कर्ते पण

 

ज्योत वात फुले फुलवात

 वारा तो स्नेहात

उजळे पणती तमोगुणाची

 सूर्य अन चंद्रात

☆

© प्रो डॉ प्रवीण उर्फ जी आर जोशी

ज्येष्ठ कवी लेखक

8 मार्च 24

नसलापुर  बेळगाव

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ विजय साहित्य # 212 ☆ [1] नारी रूप [2] मानस पूजा ☆ कविराज विजय यशवंत सातपुते ☆

By Hemant BawankarNo Comments

कविराज विजय यशवंत सातपुते

? कवितेचा उत्सव # 212 – विजय साहित्य ?

☆ [1] नारी रूप [2] मानस पूजा ☆ कविराज विजय यशवंत सातपुते  ☆

☆ [1] नारी रूप ☆

(जागतिक महिला दिनानिमित्ताने..)

☆

घरा घरपण

जिच्यामुळे येते

पूर्ण रूप देते

नरा नारी…..! १

*

पती आणि पत्नी

शिव आणि शक्ती

प्रेम प्रिती भक्ती

भारवाही….! २

*

आई,बाई,दाई

वात्सल्य आगर

संसार सागर

नारी रुप….! ३

*

ताई,माई,अक्का

आज्जी,काकी,मामी,

गुणदोष नामी

सामावले….! ४

*

सखी,राज्ञी,माता

नारी शक्ती रूप

चैतन्य स्वरूप

ललना‌ ही…! ५

*

संस्कार जनक

माहेरचा वसा

सासरचा ठसा

निजरूपी…! ६

*

भाव भावनांचे

मूर्त रूप नारी

सुख, दुःख, हारी

आदिमाया….! ७

*

विश्व वंदनीय

भाग्यश्रीची छाया

कविराज माया

कवनात…! ८

☆☆☆☆

☆ [2]  मानसपूजा ☆

*

नमो शंकरा जपात आहे,

कैलासाची माया

शिव स्वरूपी,भालचंद्र तू,

चैतन्याची छाया.

*

निळी निळाई, फणींद्र माथा

चराचरी वास

शंख डमरू,त्रिशूलधारी,

ओंकाराचा न्यास.

*

निलकंठ तू, त्रिनेत्रधारी,

शोभे सिद्धेश्वर

 ब्रम्हांडधीशा उमापती तू,

स्वामी विश्वेश्वर.

*

शिवपिंडीचा महादेव तू

नंदी भक्तगण

शिव नामाने,पहा व्यापिले

त्रैलोक्याचे मन.

*

पंचाक्षरीच्या,नाम जपाने

घेतो देवा नाम

पंचामृती ही,मानस पूजा

सेवा‌ ही निष्काम.

☆

© कविराज विजय यशवंत सातपुते

सहकारनगर नंबर दोन, दशभुजा गणपती रोड, पुणे.  411 009.

मोबाईल  8530234892/ 9371319798.

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ कानगोष्टी… ☆ सुश्री प्रणिता खंडकर ☆

By Hemant BawankarNo Comments

सुश्री प्रणिता प्रशांत खंडकर

? कवितेचा उत्सव ?

☆ कानगोष्टी… ☆ सुश्री प्रणिता खंडकर ☆

☆

स्त्री-पुरूष मैत्रीच्या,

सीमा असतात फार धूसर,

निर्मळ नात्यालाही घायाळ करते,

समाजाची गढूळ नजर !

*

हुंगत राहते ती श्वानासम,

सदा, लैंगिकतेचा पदर,

कानगोष्टी होतात खबर,

संशयाचं गारूड मनावर!

*

वाग्बाणांनी करती बेजार,

पुराव्यांची ना इथे जरूर,

मांडूनी आयुष्याचा बाजार,

करती  विश्वासा  हद्दपार!

   *

समाज म्हणजे का कोणी गैर ?

मी, तुम्ही आणि आपणचं सार !

बाजार गप्पांनाच येतो पूर,

आणि सत्य  राहतं कोसो दूर !

☆

© सुश्री प्रणिता खंडकर

संपर्क – सध्या वास्तव्य… डोंबिवली, जि. ठाणे.

ईमेल [email protected] केवळ वाॅटसप संपर्क.. 98334 79845.

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – इंद्रधनुष्य ☆ श्रीमद्‌भगवद्‌गीता — अध्याय सहावा — आत्मसंयमयोग — (श्लोक १ ते १०) – मराठी भावानुवाद ☆ डाॅ. निशिकांत श्रोत्री ☆

By Hemant BawankarNo Comments

डाॅ. निशिकांत श्रोत्री 

? इंद्रधनुष्य ?

☆ श्रीमद्‌भगवद्‌गीता — अध्याय सहावा — आत्मसंयमयोग — (श्लोक १ ते १०) – मराठी भावानुवाद ☆ डाॅ. निशिकांत श्रोत्री ☆

☆

श्रीभगवानुवाच

अनाश्रितः कर्मफलं कार्यं कर्म करोति यः ।

स संन्यासी च योगी च न निरग्निर्न चाक्रियः ॥ १ ॥

*

कथित भगवंत

मनुज जो केवळ अग्नी अन् क्रियांना त्यागी

नाही संन्यासी अथवा तो नच असतो योगी

आश्रय नाही कर्मफलाचा करितो कार्यकर्म

तोचि संन्यासी तो योगी जाणुन घे हे वर्म  ॥१॥

*

न संन्यासमिति प्राहुर्योगं तं विद्धि पाण्डव ।

न ह्यसंन्यस्तसङ्कल्पो योगी भवति कश्चन ॥ २ ॥

*

संन्यासासी योग अशी ही अन्य संज्ञा पांडवा

संकल्पासी जो न त्यागतो तो ना योगी भवा ॥२॥ 

*

आरुरुक्षोर्मुनेर्योगं कर्म कारणमुच्यते ।

योगारूढस्य तस्यैव शमः कारणमुच्यते ॥ ३ ॥

*

आरुढ व्हाया कर्मयोगे निष्काम करणे कर्म

होता योगारूढ अभाव सर्व संकल्प हे वर्म ॥३॥

*

यदा हि नेन्द्रियार्थेषु न कर्मस्वनुषज्जते ।

सर्वसङ्कल्पसंन्यासी योगारूढस्तदोच्यते ॥ ४ ॥

*

इंद्रियाच्या भोगामध्ये नसतो जो आसक्त 

संकल्पत्यागी मनुजा योगारुढ म्हणतात ॥४॥

*

उद्धरेदात्मनात्मानं नात्मानमवसादयेत्‌ ।

आत्मैव ह्यात्मनो बन्धुरात्मैव रिपुरात्मनः ॥ ५ ॥

*

भवसागरातुनी अपुला आपण उद्धार करावा

अपुला बंधु आपण तैसा वैरीही जाणावा ॥५॥

*

बन्धुरात्मात्मनस्तस्य येनात्मैवात्मना जितः ।

अनात्मनस्तु शत्रुत्वे वर्तेतात्मैव शत्रुवत्‌ ॥ ६ ॥

*

आत्म्यावरती विजय जयाचा आत्म्याला प्राप्त

बंथु त्याच्या आत्म्याचा आत्मा तयाचा होत

आत्मा नाही अधीन तुजसम अनात्मन राहतो 

वैरी होउन आत्मा त्याचा शत्रूसम वर्ततो ॥६॥

*

जितात्मनः प्रशान्तस्य परमात्मा समाहितः ।

शीतोष्णसुखदुःखेषु तथा मानापमानयोः ॥ ७ ॥

*

शीतोष्ण-सुखदुःखात जया न मानापमान

प्रशांति तयाच्या वृत्ती सुशांत अंतःकरण 

मन बुद्धी अन् देह इंद्रिये सदैव जया अधीन

प्रज्ञेत तयाच्या स्थित असते सच्चिदानंदघन ॥७॥

*

ज्ञानविज्ञानतृप्तात्मा कूटस्थो विजितेन्द्रियः ।

युक्त इत्युच्यते योगी समलोष्टाश्मकाञ्चनः ॥ ८ ॥

*

ज्ञान विज्ञानाने ज्याचे तृप्त अंतःकरण

स्थिती जयाची स्थिर असूनी विकारहीन

हेम अश्म मृत्तिका जयाला एक समान असती 

अद्वैत त्याचे भगवंताशी जितेंद्रिय त्या म्हणती ॥८॥

*

सुहृन्मित्रार्युदासीनमध्यस्थद्वेष्यबन्धुषु ।

साधुष्वपि च पापेषु समबुद्धिर्विशिष्यते ॥ ९ ॥

*

सुहृद असो वा मित्र वा वैरी मध्यस्थ वा उदासीन 

बंधु असो वा द्वेष्य साधु वा अनुसरतो पापाचरण

घृणा नाही कोणाही करिता सर्वांठायी भाव समान

श्रेष्ठत्व तयाचे विशेष थोर याची मनी ठेव सदा जाण ॥९॥

*

योगी युञ्जीत सततमात्मानं रहसि स्थितः ।

एकाकी यतचित्तात्मा निराशीरपरिग्रहः ॥ १० ॥

*

मन आत्म्यासी वश करुनी

योगी निरंतर निरिच्छ राहुनी

एकांती एकाकी स्थित रहावे

आत्मा परमात्मे विलिन करावे ॥१०॥

☆

अनुवादक : © डॉ. निशिकान्त श्रोत्री

एम.डी., डी.जी.ओ.

मो ९८९०११७७५४

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – वाचताना वेचलेले ☆ येऊ द्या नवीन लाsssट… – लेखक : अज्ञात ☆ प्रस्तुती – श्री सुनीत मुळे ☆

By Hemant BawankarNo Comments

?  वाचताना वेचलेले  ? 

☆ येऊ द्या नवीन लाsssट… – लेखक : अज्ञात ☆ प्रस्तुती – श्री सुनीत मुळे ☆

आरोग्याच्या बाबतीत समाजात अनेक  ” लाटा ” उसळत असतात व कालांतराने त्या ओसरतात… त्याला आता सोशल मीडियाची जोड मिळाल्याने लाटा जरा जोरकस वाटतात…

पूर्वी गव्हांकूराची प्रचंड लाट होती…

प्रत्येक बाल्कनी – टेरेस – अंगणात गव्हांकूर पिकू- डोलू लागले…

कॅन्सर, डायबेटीस.. बी. पी… गायब होणार होते

आणि आपण एकदम तंदुरुस्त होणार होतो..

कैक टन गव्हांकूर संपले… मानसिक समाधानापलीकडे विशेष काही घडले नाही 

व लाट ओसरली !

अल्कली WATER ची लाट तर जणू अमृतच मिळाले अशी होती….

म्हणाल तो रोग समूळ नष्ट होणार होता…

२० हजार – ३० हजार मशीनची किंमत…

मशीन्स धूळ खात पडली…

आणि लाट ओसरली ! !

 

सकाळी उठल्या उठल्या मध-लिंबू-पाणी..

 वजन घटणार…

बांधा सुडौल होणार..

हजारो लिटर मध संपले…

हजार मिलीग्राम पण वजन नाही घटले…

लाट ओसरली  ! ! !

 

मग आली नोनी फळाची लाट

नोनीने  नाना – नानी आठवले

पण

तरीही नानी-नाना पार्कमधून काही मंडळी वैकुंठाला गेली….

 

अलोव्हेरा ज्यूस… !

सकाळ संध्याकाळ प्या.. डायबेटीस, बी. पी. एकदम नॉर्मल होणार..

हजारो बाटल्या खपल्या… विशेष काही बदलले नाही… तीही लाट ओसरली ! ! ! !

 

मग रामदेव बाबांची बिस्किटे  आली.

५००० करोडचा व्यवसाय झाला…. बाबा उद्योगपती झाले..

 आणि इथे…. आमची आरोग्यस्थिती होती तशीच….

 

मग माधवबागवाले  आले.

तेल मसाज पंचकर्म करा.. हृदयाचे ब्लॉक घालवा म्हणाले..

राहता ब्लॉक विकायला लागला.. पण हृदयाचा ब्लॉक गेला नाही.

(आता माधव बाग जाहिरात करतात की डायबिटीस पूर्ण घालवतो. )

 

मग आली दिवेकर लाट….

मग आली दीक्षित  लहर…

 

… ही लाट आता उसळ्या घेतेय….. ओसरेल लवकरच ! ! ! ! ! 

 

लक्षात घ्या मंडळी, कुठच्याही गोष्टीबद्दल माझा पूर्वग्रह नाही वा आकसही नाही. पण काळानुसार बिघडलेल्या जीवनशैलीचे दुष्परिणाम आपण भोगतोय

विचार करा.. आणि…..

Just एक पिढी मागे जाऊन आजी आजोबा कसे जगत होते हे आठवा.

 

आणखी थोडा विचार करा..

आयुर्वेद म्हणजे जगण्याचा वेद.. म्हणजे नियम शास्त्र.

रोजचे साधे घरगुती जेवण.. पालेभाजी, वेलवर्गीय भाजी, फळभाजी, मोड आलेली कडधान्ये, सँलड, साजुक तूप, बदलते गोडेतेल, गहू, ज्वारी, बाजरी, मिश्रपिठाची भाकरी पोळी व सोबत थोडा व्यायाम.. पहा काय फरक पडतो 

 

आम्हाला शिस्त नकोय..

पैसा बोलतोय…

जीभ चटावलीय..

” घरचा स्वयंपाक नकोय… “

 

आता तर … पंधरा मिनीटात… ओला.. स्विगी… दारात…

….. आली लाट मारा उड्या

 

एवढे टाळूया…

हसत खेळत जगूया,…..

आणि सर्वात महत्त्वाचे म्हणजे व्यायाम…….. बस्स ! ! ! 

 

सकाळी लवकर उठणं, रात्री लवकर झोपणं,

दुपारी थोडीशी विश्रांती घेणं आवश्यक आहे.

आपल्या प्रकृतीनुसार व्यायाम सातत्याने करणे आवश्यक आहे 

 

आपल्या कॉम्प्युटर, लॅपटॉप किंवा मोबाइलमध्ये व्हायरस शिरू नये म्हणून आपण जितकी काळजी घेतो, तेवढी काळजी आपण त्यापेक्षाही महत्त्वाच्या असणाऱ्या आपल्या शरीराची घेत नाही. तर  सुरुवात करायला काय हरकत आहे ?

 

दीर्घायुष्य लाभावं, आरोग्याच्या कोणत्याही तक्रारी निर्माण होऊ नयेत,

याकरिता आपला आहार, आपलं राहणीमान योग्य असणं महत्वाचं आहे.

आपल्या प्रकृतीनुसार आहार घेण्याचा प्रयत्न करा. प्रकृतीविरुद्ध आहार घेतल्यास शरीरात विकार निर्माण होतात….. तसेच व्यायामात नियमितता व सातत्य असावं.

 

आणि हो :-

या सर्वांसोबत मानसिक शांतताही राखा. ताणतणाविरहित जीवन जगा. ध्यान, धारणा, योगासनं, प्राणायाम करा. ज्यामुळे तुम्ही नक्कीच  स्ट्रेस फ्री (stress free) राहू शकाल….

 

बघा पटलं तर घ्या..

नाहीतर…… चला.. येऊ द्या नवीन लाsssट……

लेखक : अज्ञात 

संग्राहक  : श्री सुनीत मुळे

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ स्त्री… ☆ प्रा डॉ जी आर प्रवीण जोशी ☆

By Hemant BawankarNo Comments

प्रा डॉ जी आर प्रवीण जोशी

? कवितेचा उत्सव ?

☆ स्त्री… ☆ प्रा डॉ जी आर प्रवीण जोशी ☆

☆

स्त्री जन्मा ही तुझी कहाणी

अबोल होते माझी वाणी

बाल्य अवस्था गोजिरवाणी

कशी मोठी झाली  फुलराणी

*

भाग्य लाभले स्त्री जन्माचे

समर्पित भाव भोगण्याचे

उजळीत पणती सौभाग्याची

गायलीस तू ती पण गाणी

*

तुझ्या उदरी रामकृष्ण ही

तुझ्याच कुक्षी छत्रपती ही

झाशीची तू लढलीस राणी

तूच लिहली तुझी कहाणी

*

कधी कधी मग ह्रदय द्रवते

काळीज आतून का फाटते

निर्भया रस्त्यात जिवंत जळते

जीवन होते मग अनवाणी

☆

© प्रो डॉ प्रवीण उर्फ जी आर जोशी

ज्येष्ठ कवी लेखक

नसलापुर  बेळगाव

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – वाचताना वेचलेले ☆ जात… – लेखक : अज्ञात ☆ प्रस्तुती – श्री अमोल अनंत केळकर ☆

By Hemant BawankarNo Comments

श्री अमोल अनंत केळकर

? वाचताना वेचलेले ?

☆ जात… – लेखक : अज्ञात ☆ प्रस्तुती – श्री अमोल अनंत केळकर ☆

☆

जातीचं काय घेऊन बसलात राव .. अरे जात म्हणजे काय ? 

माहित तरी आहे का..?

अरे कपडे शिवणारा शिंपी, !

तेल काढणारा तेली, !

केस कापणारा न्हावी.!

लाकूड तोडणारा सुतार.!

दूध टाकणारा गवळी.!

गावोगावी भटकणारा बंजारा.!

पुजा-अर्चा, पौरोहित्य करणारा ब्राह्मण.!

वृक्ष लावणारा माळी.!

आणि लढाई लढणारा क्षत्रिय.!

*

आलं का काही डोस्क्यात..?

आरं काम म्हणजे जात.

आता भांडत बसण्यापेक्षा जाती बदला.

आता इंजीनीयर ही नवी जात .

कॉम्प्यूटर, केमिकल ही पोटजात.

“सी. ए” ही पोटजात,

“एम. बी. ए” ही नवी जात.

*

बदला की राव कवाचं तेच धरुन बसलात!

घरीच दाढी करता नवं? 

मग काय न्हावी का?

बुटाला पालीश करता नव्हं?

मग काय चांभार का?

गैलरी टेरेस वर झाडे लावता ना !

मग माळी का?

घरच्या घरीच पुजा-अर्चा करता नव्ह?..,,मग ब्राम्हण का ?

दूध टाकणारा मुलगा गवळी का?

*

आरं बायकोच्या धाकानं का हुईना संडास साफ करता नव्हं?

*

आता अजून बोलाया लावू नका !

आरं कोण मोठा कोण छोटा? 

ह्याला बी दोन हात त्याला बी दोनच नव्हं?

ह्यालाबी खायला लागतं आणि त्याला पण?

*

आरं कामानं मोठं व्हा जातीनं न्हाय!

आरं तुम्ही ह्या जातीत जन्माला आला, 

हा काय तुमचा पराक्रम हाय व्हय?

मंग कशाला उगीचच बोंभाटा करता राव ?

*

सगळ्याला आता काम हाय!

सगळ्याला शिक्षण हाय!

शिकायचं कामं करायचे!

पोट भरायचे!

की हे नसते उद्योग करायचे!

*

*एक नवीन विचारधारा ! 

कवी – अज्ञात

संग्राहक : अमोल केळकर

बेलापूर, नवी मुंबई, मो ९८१९८३०७७९

poetrymazi.blogspot.in, kelkaramol.blogspot.com

[email protected]

≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ.मंजुषा मुळे/सौ.गौरी गाडेकर≈

Please share your Post !

Shares

मराठी साहित्य – चित्रकाव्य ☆ आकाशाशी जडले नाते… ☆ सुश्री वर्षा बालगोपाल ☆

By Hemant BawankarNo Comments

सुश्री वर्षा बालगोपाल

?️?  चित्रकाव्य  ?️?

? आकाशाशी जडले नाते… ?  सुश्री वर्षा बालगोपाल ☆

☆

पद न वाजवता गूपचूप येऊन का

नभ सख्याने ठरवले डोळे झाकायचे?

पद गात होती धरा सखी तन्मयतेने

भाळला आणी विसरला जे करायचे॥

*

लहर आली त्याला ठरवले होते जणू

खोडी काढून तिची थोडे उचकवायचे

लहर प्रितीची आली, पहातच राहिले

मुग्ध होऊन  विसरले भान जगताचे॥

*

कर घेतले करात नकळत नभाने

शपथेने म्हणे जन्मांतरी ना  सोडायचे

कर माझ्याशी लग्न वदे धरा प्रेमे मग

आकाशाशी जडले नाते धरणी मातेचे॥

☆

© सुश्री वर्षा बालगोपाल

मो 9923400506

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – मराठी कविता ☆ कवितेच्या प्रदेशात # 220 ☆ वैशाख वृत्त ☆ सुश्री प्रभा सोनवणे ☆

By Hemant BawankarNo Comments

सुश्री प्रभा सोनवणे

? कवितेच्या प्रदेशात # 220 ?

☆ वैशाख वृत्त ☆ सुश्री प्रभा सोनवणे ☆

☆

केदार अश्रु  आज तिथे ढाळतो कसा?

माझाच देव आज मला टाळतो कसा?..

*

मीही झुगारलेत अता बंध कालचे

इतिहास काळजातच गंधाळतो कसा?..

*

देवास काय सांग सखे मागणार मी

माझेच दु:ख देव शिरी माळतो कसा?..

*

अग्नीस सोसतात उमा आणि जानकी

बाईस स्वाभिमान इथे जाळतो कसा?.

*

राखेत गवसतात खुणा नित्य-नेहमी

स्त्रीजन्म अग्निपंखच कुरवाळतो कसा?..

*

मदिरेस लाखदा विष संबोधतात ते

सोमरस नीलकंठ स्वतः गाळतो कसा ?

*

वैशाख लागताच झळा पोचती ‘प्रभा’

सूर्यास सूर्यवंशिय सांभाळतो कसा?..’

☆

© प्रभा सोनवणे

संपर्क – “सोनवणे हाऊस”, ३४८ सोमवार पेठ, पंधरा ऑगस्ट चौक, विश्वेश्वर बँकेसमोर, पुणे 411011

मोबाईल-९२७०७२९५०३,  email- [email protected]

≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares
image_printPrint