सुश्री प्रभा सोनवणे
कवितेच्या प्रदेशात # 263
☆ अभिजात मराठी… ☆ सुश्री प्रभा सोनवणे ☆
☆
आम्ही मानतो आभार
जय राज्य सरकार
नमो केंद्र सरकार
अभिजात हा आधार ॥
*
महाराष्ट्र शासनाच्या
प्रयत्नांना आले यश
महाराष्ट्री-प्राकृतास
सारे लाभले निकष ॥
*
मातृभाषा मराठीस
देई मान्यता लगेच
भारताचे सरकार
गुणग्राही निश्चितच ॥
*
अभिजात मराठीस
मिळो राज्याश्रय खास
डंका मराठी भाषेचा
सदा गर्जो हाच ध्यास ॥
*
ग्रंथ गाथा सप्तशती
पुरातन कितीतरी
ज्ञानेशांची ज्ञानेश्वरी
वही तुकोबांची खरी ॥
*
माझी मराठी अफाट
परिपूर्ण काठोकाठ
सदा भरलेला राहो
घट अमृताचा ताठ ॥
*
गोड मराठी आपली
तिला विद्वतेची खोली
आहे रसाळ- रांगडी
मस्त मराठीची बोली ॥
☆
© प्रभा सोनवणे
संपर्क – “सोनवणे हाऊस”, ३४८ सोमवार
पेठ, पंधरा ऑगस्ट चौक, विश्वेश्वर बँकेसमोर, पुणे 411011
मोबाईल-९२७०७२९५०३, email- [email protected]
≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
कवितेचा उत्सव 
कवितेचा उत्सव 
