Tag: #मराठी-कविता

श्री आशिष  बिवलकर

  चित्रकाव्य  

– दीड दिवसाचा बाप्पा…–  ☆ श्री आशिष  बिवलकर ☆

☆

दीड दिवसाचा  बाप्पा,

झाले मूर्ती विसर्जन |

रिता पाट दिसे मखरात,

रुखरुखले माझे मन |

☆

वर्षभर आतुरतेने वाट पहावी,

दीड दिवसाच्या उत्सवासाठी |

घराचे मंदिर होऊन जाई,

भक्तीभाव अंतरीच्या काठी |

☆

स्थापना विसर्जन,

नावापुरतेच सोपस्कार |

चराचरात ईश्वरी तत्व,

मनी भाव तैसा आकार |

☆

सण उत्सव सारे,

रुजवती धर्मबीजे मनात |

धार्मिक संस्कार,

शुद्ध आचरण जीवनात |

☆

जैसे ऋतुचक्र चाले,

तैसी येती हिंदू सणवार |

अर्थचक्रही घेई गती,

पुढे चाले धंदा व्यापार |

☆

धन्य हिंदू धर्म,

धन्य हिंदू संस्कृती |

सखोल विचार,

विश्व व्यापक स्विकृती |

☆

© श्री आशिष  बिवलकर

बदलापूर

मो 9518942105

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

सुश्री प्रणिता प्रशांत खंडकर

 कवितेचा उत्सव 

☆ बोला जयजय  गणराया… ☆ सुश्री प्रणिता खंडकर ☆

बोला जय जय गणराया

तुझ्या दर्शने हरती विघ्ने,

जाती लयाला चिंता,

आनंदाची असे पर्वणी,

आगमन तुमचे बाप्पा!

बोला जय जय गणराया, बोला जय जय गणराया!

पूजतो तुजला भावभक्तीने,

सान-थोर हा मेळा,

पार्थिवातूनी  चैतन्याची,

देसी प्रचिती बाप्पा!

बोला जय जय गणराया, बोला जय जय गणराया!

हात जोडूनी, नमन तुला हे,

पायी ठेवता माथा,

सकला देई विवेकबुद्धी,

विद्याधीश तू बाप्पा!

बोला जय जय गणराया, बोला जय जय गणराया!

गोड मानूनी घ्यावे तू रे,

अर्पियले जे तुजला,

भक्तिभाव जो मनीमानसी,

ओळखीसी तू बाप्पा!

बोला जय जय गणराया, बोला जय जय गणराया!

 चिंतन व्हावे तुझ्या गुणांचे,

ध्यास जडो ज्ञानाचा,

जाण राहू दे माणुसकीची,

माणसात तू बाप्पा!

बोला जय जय गणराया, बोला जय जय गणराया!

© सुश्री प्रणिता खंडकर

संपर्क – सध्या वास्तव्य… डोंबिवली, जि. ठाणे.

ईमेल [email protected] केवळ वाॅटसप संपर्क.. 98334 79845.

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

सौ. विद्या पराडकर

 कवितेचा उत्सव 

☆ रानातली‌ वाट ☆ सौ. विद्या पराडकर ☆

रानातली वाट ही

सजली कशी नागमोडी

झाडांच्या ग सावलीत

धावे बाई दुडदडी☘️

रानातील वाट ही

वा-यालाही‌ खुणावत

डोंगराकडे येई म्हणूनी

पुन्हा पुन्हा  विचारत☘️

कसा माळ बाई सुना

वारा लपुन लपून बैसे

आमराईला बघता बघता

गालातल्या गाली हासे☘️

रानातील वाट ही

सर्वांना खेळवत राही

तलावाला पाहून बाई

लाजून दिसेनाशी होई☘️

रानातील वाट ही

देवता प्रवाशांची असते

परोपकार दीप घेऊनी

मानवी जीवन उजळीते☘️

रानातील वाट ही

मला भारी वाटे  प्रिय

प्रवृत्ती कडून निवृत्ती कडे

जाणारी भासे माझी माय☘️

© सौ. विद्या पराडकर

वारजे  पुणे..मो – ९२२५३३७३३०

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

श्री सुनील देशपांडे

 मनमंजुषेतून 

☆ “आरती चैतन्य विनायकाची…” ☆ श्री सुनील देशपांडे ☆

अवयवदानाचा प्रणेता गणपती बाप्पा याला मी ‘चैतन्य विनायक‘ म्हणतो.

ज्यांच्या आयुष्यातील चैतन्य हरवून गेलं आहे,  अशांचे जीवन पुन्हा चैतन्यदायी करण्याची किमया अवयवदानामध्ये आहे. जगातील प्रत्यक्ष असेल-नसेल पण किमान कल्पनेतील, पहिल्या अवयव प्रत्यारोपणाचे उदाहरण म्हणून आपण या देवाकडे पाहतो आणि पाहूया. म्हणूनच या चैतन्य विनायकाची मी रचलेली आरती या गणेशोत्सवात आपण सर्वांच्या तोंडी यावी यादृष्टीने प्रयत्न करूया.  ज्यांना शक्य आहे त्यांनी याला योग्य ती चाल देऊन चालीवर म्हणावी आणि त्याची ऑडिओ व्हिडिओ क्लिप आपल्या ग्रुप वर टाकावी अथवा मला पाठवावी.  या अवयवदानाच्या चळवळीला एक नवं अधिष्ठान प्राप्त करून देऊ या आणि या गणेशोत्सवात मोठा जनजागर घडवूया.

श्री चैतन्य  विनायकाची आरती

☆

गणपती बाप्पा मोरया,

चला आरती गाऊया

तो सर्वांचा भाग्यविधाता,

तो विद्येचा स्वामी दाता,

त्या चरणांवर सुखे नांदता,

लीन तिथे हो होऊया

गणपती बाप्पा मोरया,

चला आरती गाऊया

अवयव रोपित प्रथम देवता

अवयवदाना स्फूर्ती मिळता

अवयवदाते बनुया आता

जीवन दान करूया

गणपती बाप्पा मोरया,

चला आरती गाऊया

बुध्दी शक्ती त्याची महत्ता,

चरणी त्याच्या सर्व सुबत्ता,

चरण दर्शने मना शांतता,

तृप्त दर्शने होऊया

गणपती बाप्पा मोरया,

चला आरती गाऊया

वाद्य वाजवू तया स्वागता

आनंदे नाचू गुण गाता

टाळ्या वाजवू टाळ वाजता

सारे मिळूनी पूजुया

गणपती बाप्पा मोरया,

चला आरती गाऊया

☆

© श्री सुनील देशपांडे

नाशिक मो – 9657709640 ईमेल  : [email protected]

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

श्री रवींद्र सोनावणी

 कवितेचा उत्सव 

☆ देवा गणेश देवा… ☆ श्री रवींद्र सोनावणी ☆ 

देवा गणेश देवा तू सृष्टीचा नियंता

आम्ही मुले तुझीही नमितो तुला  अनंता

श्वासात तूच आहे

हृदयी तुझाच वास

चोचीत पाखरांच्या

तू भरवितोस घास

स्वामी चराचराचा आदर्श तू विधाता

आम्ही मुले तुझीही नमितो तुला अनंता

दे शक्ती बुद्धी विद्या

दे ध्यास  सद्गुणांचा

वरदान दे प्रभू रे

व्हावी विनम्र वाचा

देतोस मुक्तहस्ते तू एकमेव दाता

आम्ही मुले तुझीही नमितो तुला अनंता

पुष्पातला सुवास

मकरंद तु पराग

झुळझुळ वाहणारा

तू रंग अन तरंग

देहात जागणारा चैतन्यदायी आत्मा

आम्ही मुले तुझीही नमितो तुला अनंता

माता पित्यास आम्ही,

तुझिया रूपात पाहू,

श्रम शक्तीच्या पूजेला

सारे आयुष्य वाहू

अस्तित्व जाणवावे तव गीत गात असता

आम्ही मुले तुझीही नमितो तुला अनंता

© श्री रवींद्र सोनावणी

निवास :  G03, भूमिक दर्शन, गणेश मंदिर रोड, उमिया काॅम्पलेक्स, टिटवाळा पूर्व – ४२१६०५

मो. क्र.८८५०४६२९९३

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

सौ. रेखा दयानंद हिरेमठ

  चित्रकाव्य  

आतुरता आगमनाची…  ☆ सौ. रेखा दयानंद हिरेमठ ☆

☆

शोभसी तू बुद्धीची देवता तू दयाळा 

भक्तांना दिला वाव मनाप्रमाणे मूर्ती घडवाया

 बुद्धी अन् श्रध्देचा सुंदर मिलाफ होता

 साजिरा-गोजिरा अवतरे घरी अन् मनी विघ्नहर्ता

☆

ज्याला जसा भावला त्याने तसा रंगविला

भक्ताघरी काही दिवस तर मनी कायमचा राहीला 

अबाल-वृद्धांच्या मनी उधाण चैतन्याला 

काही दिवस पारावार नाही आता आनंदाला

☆

इतकेच काय तो मंडळातही अवतरला 

भक्तांसाठी तो भर रस्त्यातही उभा ठाकला 

इतकीच विनंती सर्व भक्तांना जनांना

 ठेवावे साजेसे वर्तन नको वाव टिकेला 

तेव्हाच आनंद होईल स्वर्गी  टिळकांना

☆

  बाप्पा आपले अन्याय घालतो सदा पोटी 

अन् दुःख ताराया येतो भक्तांच्या भेटीसाठी

 आतुरता साऱ्यांनाच तव शुभ आगमनाची

 आस तुझे गोजिरे रूप डोळ्यात साठवण्याची

☆

इतके मागणे हे श्रीगणेशा

 आदर्श घेऊ तव गुणांचा

 दे आशीर्वाद सद्वर्तनाचा

 दे आशीर्वाद सद्वर्तनाचा — 

             मोरया

☆

😍दEurek(h)a🥰

© सौ. रेखा दयानंद हिरेमठ

सांगली

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈