मराठी साहित्य – कवितेचा उत्सव ☆ चांद्र मोहीम ! ☆ श्री प्रमोद वामन वर्तक ☆

By Hemant BawankarNo Comments

श्री प्रमोद वामन वर्तक

? कवितेचा उत्सव ? 

🚀 चांद्र मोहीम ! 🌝🛰️ श्री प्रमोद वामन वर्तक ⭐

फत्ते झाली मोहीम इस्रोची

उतरले चंद्रावर चांद्रयान,

अथक परिश्रमांनी शास्त्रज्ञ

वाढवती भारतभूची शान !

 

जो तो सांगे ज्याला त्याला

भरला अभिमानाने ऊर,

तो वक्री मंगळ पत्रिकेतला

नसे आता फारसा दूर !

 

ठेवा लिहून सुवर्णक्षरांनी

आजचा सोनियाचा दिवस,

रचून इतिहास भारताने

जगी नांव उंच केले खास !

जगी नांव उंच केले खास !

© प्रमोद वामन वर्तक

दोस्ती इम्पिरिया, ग्रेशिया A 702, मानपाडा, ठाणे (प.)

मो – 9892561086 ई-मेल – [email protected]

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ चंद्रयान – ३ ☆ सौ.मंजुषा सुधीर आफळे ☆

By Hemant BawankarNo Comments

सौ. मंजुषा सुधीर आफळे

? कवितेचा उत्सव ?

☆ चंद्रयान – ३ ☆ सौ.मंजुषा सुधीर आफळे ☆

खेळे चांदणे उन्हात

भान आज हरपले

चंद्रमाला भेटावया

भूलोकीचे स्वर्गी आले.

 

स्वप्न हळव्या अंतरी

पाहिले साराभाईंनी

सत्यात उतरवले

थोर त्या वैज्ञानिकांनी

 

अपार कष्ट झेलले

प्रज्ञा श्रेष्ठ प्रमाणिले

अधिष्ठान श्रीशंभूचे

यत्ने ध्येय प्रकाशले.

 

धन्य ते भारतवासी

दक्षिण ध्रुवी पातले

प्रथम चंद्रयान-३ ने

ध्वज अति उंच नेले.

 

पावन ही चंद्रभूमी

तिरंगा तो फडकला.

भारतीय सुपुत्रांचा

गर्व उरात दाटला.

 

बुद्धीदायी, कीर्तीदायी

जय जय हे भारती

निष्ठा कधी ना ढळू दे.

प्रेरक ही देशभक्ती.

 

ओजस रूपात तुझ्या

सदैव लीन असावे

भारत भूवरी आम्ही

पुन्हा पुन्हा जन्मा यावे.

     🇮🇳जय हिंद🇮🇳

© सौ.मंजुषा सुधीर आफळे

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ रंजना जी यांचे साहित्य # 167 – देशभक्ती गीत – साद ही आईची ☆ श्रीमती रंजना मधुकरराव लसणे ☆

By Hemant BawankarNo Comments

श्रीमती रंजना मधुकरराव लसणे 

? कवितेचा उत्सव ?

☆ रंजना जी यांचे साहित्य # 167 – देशभक्ती गीत – साद ही आईची ☆ श्रीमती रंजना मधुकरराव लसणे ☆

☆

धावले वीर हो, साद ही आईची।

शृंखला तोडण्या, भारती माईची।।धृ।।

मातल्या यवना, माझा शिवबा पुरे।

 पाहूनी धार ती, तक्त का हादरे।

स्वराज्य हिंदवी, मनिषा आईची।।१।।

 

तुझी संपंन्नता, मोहविले जगा।

व्यापारी सोंग रे, घेऊनी दे दगा।

 प्रलोभने जाळली, ती सुखसोयीची।।२।।

 

पाहुनी शौर्य ते, शत्रू धास्तावले।

वंदे मातरम् ,घोष निनादले।

पुत्र चढले सुळी, मुक्तता आईची।।३।।

 

दुस्तर संग्राम , पुन्हा होणार ना।

 वक्र दृष्टी कधी ती ऊठणार ना।

 पडसे धाडसी, माय जिजाईची।।४।।

☆

©  रंजना मधुकर लसणे

आखाडा बाळापूर, जिल्हा हिंगोली

9960128105

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ आला श्रावण श्रावण ! ☆ श्री प्रमोद वामन वर्तक ☆

By Hemant BawankarNo Comments

श्री प्रमोद वामन वर्तक

? कवितेचा उत्सव ? 

🦚 आला श्रावण श्रावण ! 🌴 श्री प्रमोद वामन वर्तक ⭐

आला श्रावण श्रावण

धरली पावसाने धार,

नव्या नवरीच्या मनी

नाचे आनंदाने मोर !

 

आला श्रावण श्रावण

सय येते माहेराची,

दारी उभी वाट पाहे

माय तिची कधीची !

 

आला श्रावण श्रावण

सख्या माहेरी भेटतील,

होतो सासरी का जाच ?

लाडे लाडे पुसतील !

 

आला श्रावण श्रावण

सण ये मंगळागौरीचा,

पुजून देवी अन्नपूर्णेला

रात खेळून जागायाचा !

 

आला श्रावण श्रावण

व्रत वैकल्याचा मास,

ताबा ठेवून जिभेवर

करा उपास तापास !

करा उपास तापास !

© प्रमोद वामन वर्तक

दोस्ती इम्पिरिया, ग्रेशिया A 702, मानपाडा, ठाणे (प.)

मो – 9892561086 ई-मेल – [email protected]

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ सृष्टि… ☆ सुश्री अरूणा मुल्हेरकर☆

By Hemant BawankarNo Comments

सुश्री अरूणा मुल्हेरकर

? कवितेचा उत्सव ?

☆ ‘सृष्टी…’ ☆ सुश्री अरूणा मुल्हेरकर ☆

(सृष्टी वृत्त ~मंजूघोषा(गलगागाx३))

श्रावणाच्या पावसाने स्नात आहे

खोडकर वार्‍यासवे ती गात आहे

 

सूर्य डोकावे ढगाआडून विलसे

तेज त्याचे सावळ्या मेघात आहे

 

शाल हिरवी ही धरेने पांघरावी

शुभ्र मोत्यांची जणू बरसात आहे

 

मोगरा जाई जुईचा गंध सुटला

केतकीचा दर्प हा श्वासात आहे

 

शंकराला वाहताना बिल्वपत्रे

पारिजातक गालिचा परसात आहे

 

धुंद केले श्रावणाच्या या सरींनी

हासते सृष्टी कशी दिनरात आहे

 

देखणे हे दृष्य अवघे श्रावणाचे

शांतता जीवास लाभे ज्ञात आहे

 

©  सुश्री अरूणा मुल्हेरकर

डेट्राॅईट (मिशिगन) यू.एस्.ए.

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ विजय साहित्य #187 ☆ 🇮🇳 यशस्वी मोहीम चांद्रयान-३ !! 🚀 ☆ कविराज विजय यशवंत सातपुते ☆

By Hemant BawankarNo Comments

कविराज विजय यशवंत सातपुते

? कवितेचा उत्सव # 187 – विजय साहित्य ?

☆ 🇮🇳 यशस्वी मोहीम चांद्रयान-३ !! 🚀 ☆ कविराज विजय यशवंत सातपुते ☆

यशवंत यशोगाथा

अंतराळी चांद्रयान

भारतीय शास्त्रज्ञांचे

संशोधक अभियान…! १

 

धृव दक्षिण चंद्राचा

तिथे यान उतरले

चार वर्षे परीश्रम

मोहिमेत सामावले…! २

 

वैज्ञानीक प्रगतीचा

उत्तुंगसा अविष्कार

चांद्रयान तीन जणू

तिरंग्याचा पदभार…! ३

 

खगोलीय ज्ञानालय

इस्त्रो शास्त्रज्ञ अभ्यासू

गुणातीत चंद्रकला

मती सकल प्रकाशू..! ४

 

देऊ कौतुकाचे बोल

जयहिंद मुखी नारा

अंतराळी विश्वामाजी

बुद्धी चातुर्याची धारा..! ५

© कविराज विजय यशवंत सातपुते

सहकारनगर नंबर दोन, दशभुजा गणपती रोड, पुणे.  411 009.

मोबाईल  8530234892/ 9371319798.

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – प्रतिमेच्या पलिकडले ☆ श्रावण तो आला आला…☆ श्री नंदकुमार पंडित वडेर ☆

By Hemant BawankarNo Comments

श्री नंदकुमार पंडित वडेर

? प्रतिमेच्या पलिकडले ?

☆ श्रावण तो आला आला… ☆ श्री नंदकुमार पंडित वडेर ☆

गर्भ रेशमी हिरवागार शामियाना..

पसरला घरा घराच्या अवतीभवती…

निळे पांढरे आभाळ…

हरखून थबकले माथ्यावरती..

मेघडंबरी कोंदणातून…

सुवर्ण रश्मीचे दान सुटले अवनीवरी..

सोनेरी मुकुट शोभले…

तृणपाती तरूवरुंच्या शिरी…

मंद मंदसा हलकासा …

वारा गोंजारून जाई शरीरी..

झुकले तन मान लवून …

आनंद वाहे लहरी लहरी..

खगांनी फुंकली मंजुळ सनई,

अन मधूनच वर्षा बरसून जाई..

खिल्लारे चरती कुरणी…

निर्भर होऊनी रानीवनी..

 उल्हासाची इंद्रधनूची …

तोरणं आकाशी झळकली..

सणवारांची  फुले उमलली…

आनंदाची पालवी बहरली..

बलाकमाला उडती गगनी…

संदेश देण्या माहेरवाशीणी..

सय दाटता मायेची…

मनात गुंजली रूदनगाणी..

माय ती वाट पाही…

दूर दूरच्या लेकीसाठी…

खळबळ माजे तिच्या अंतरी…

खळखळणाऱ्या ओढयातल्या जलापरी..

सांगत आली, वाजत गेली…

गावागावातून वाऱ्याची तुतारी…

.. श्रावण तो आला आला…

 घरोघरी अंगणी नि परसदारी..

..श्रावण तो आला आला…

घरोघरी अंगणी नि परसदारी..

©  नंदकुमार पंडित वडेर

विश्रामबाग, सांगली

मोबाईल-99209 78470 ईमेल –[email protected]

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ युगायुगांचे नाते… ☆ श्री सुहास रघुनाथ पंडित ☆

By Hemant BawankarNo Comments

? कवितेचा उत्सव ?

☆ युगायुगांचे नाते…🚀☆ श्री सुहास रघुनाथ पंडित ☆

श्री सुहास रघुनाथ पंडित

🚀 युगायुगांचे नाते…🚀

आले चंद्रा तुज भेटाया आज तुझ्या अंगणी

अब्ज युगांनी भेटे तुला आज तुझी ही भगिनी

तू मामा , तूच चंद्रमा , तूच रूपाची खणी

अनेक रूपे तुझी पाहती जन सारे भूवनी

 

ज्ञानामधुनी विज्ञानाची मारुन उंच भरारी

आज बांधते राखी तुजला नव्या युगाची खरी

वळण लागले आज वेगळे सत्य असे हे जरी

भावबंध हे नात्यामधले  जपू असे अंतरी

 

कास धरुनिया विज्ञानाची सत्य आता शोधणे 

साहित्यातील स्थान तुझे कधीही नाही ढळणे

ब्रह्मांडातील आपण जरी दूर दूर राहणे

युगायुगांचे नाते जपूया, हेच एक मागणे.

☆

© सुहास रघुनाथ पंडित 

सांगली (महाराष्ट्र)

मो – 9421225491

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ प्रेमसमाधी… ☆ श्रीशैल चौगुले ☆

By Hemant BawankarNo Comments

श्रीशैल चौगुले

? कवितेचा उत्सव ?

☆ प्रेमसमाधी… ☆ श्रीशैल चौगुले ☆

आणखी किती जगावे

हे युगही पुरणार नाही

जगलो प्रेमाने जितुके

तु ही अन् मी ही उरणार नाही.

 

डोळ्यात हरवले विश्व

दोन हृदय कसे एक झाले

मना मनातले शब्द हे

व्यक्त होताना भाव नेक झाले.

 

कवितेत तरी अर्थ कुठे सध्या

गत् जन्माच्या चल गप्पा मारु

त्या कृष्ण-राधेचे गोकुळ

अपुल्या प्रेमसमाधीवर कोरु.

(कृपया प्रेम हा विषय कवी कालिदास यांचेपासूनचा प्रेमभाव अभिव्यक्ती व हळवे मन, विरह अशा वास्तवातून सत्य कल्पनेचा अभ्यासात्मकसुध्दा विषय आहे तरुण मनाला शाब्दिक ताकदीने तत्वांचा प्रबंध लिहायला लावणारा. त्यामुळे या कवितेकडे मी कवी म्हणूनच वाचकांनी दृष्टीकोन ठेवावा.)

© श्रीशैल चौगुले

मो. ९६७३०१२०९०.

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ श्रावण… ☆ सौ.मंजुषा सुधीर आफळे ☆

By Hemant BawankarNo Comments

सौ. मंजुषा सुधीर आफळे

? कवितेचा उत्सव ?

☆ श्रावण… ☆ सौ.मंजुषा सुधीर आफळे ☆

तृणांकुर हिरवे पिवळे

दवबिंदू ओले पानांवरी

मनभावन आला श्रावण

इंद्रधनु हसले अंतरी

 

सुगंध दरवळ सृष्टीत

रिमझिम झरे जलधारा

तिकडे दूर क्षितिजापाशी

ओढत नेई स्वप्न फुलोरा

 

नवजीवन घेऊन येती

धवल शुभ्र श्रावणसरी

आनंद फुलतो मनामध्ये

व्रत, वैकल्ये करिती नारी.

 

प्रासादात, हो पुजुनी “देवा”

प्रार्थना करिता कल्याणाची

मार्ग अनुसरता भक्तीचा

लकेर घुमे समाधानाची

 

असा नेमेची येई श्रावण

अंगणी नाचे मन मयुरी

कालचक्र ऋतूंचे गोंदण

आंदणात, श्रावण भूवरी.

© सौ.मंजुषा सुधीर आफळे

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares