श्री प्रमोद वामन वर्तक
कवितेचा उत्सव
☆ ऑर्डर, ऑर्डर… ऑर्डर…! ☆ श्री प्रमोद वामन वर्तक ☆
☆
अनेक ऑर्डर ऐकतच
आपण होतो मोठे,
होती ज्याचे जन्मभर
फायदे आणि तोटे !
*
खडी ऑर्डर बाबांची
ऐकू येता आपल्याला,
मूड नसतांना देखील
बसतो मग अभ्यासाला !
*
“आऊट” ऑर्डर कॉलेजला
आपण घेत नाही मनावर,
फायनलला करून अभ्यास
पास जेमतेम काठावर !
*
“अहो ~~” ची गोड ऑर्डर
मिळे लग्नानंतर ऐकायला,
होता लग्नाला दहा वर्ष
माधुर्य तिचे जाई लयाला !
*
चांगल्या वाईट ऑर्डरींना
जातो नोकरीत सामोरे,
रीटायरमेंट पर्यंत मग
विसरून जातो ते सारे !
*
आणि….
*
वरची शेवटची ऑर्डर,
येत नाही कधी सांगून,
मनी “त्याच्या” आले की
तोच जातो वर घेऊन !
तोच जातो वर घेऊन !
☆
© प्रमोद वामन वर्तक
संपर्क – दोस्ती इम्पिरिया, ग्रेशिया A 702, मानपाडा, ठाणे (प.) – 400610
मो – 9892561086 ई-मेल – [email protected]
≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर ≈
– पितृपक्ष…– 
वाचताना वेचलेले 
