श्रीमती उज्ज्वला केळकर
वाचताना वेचलेले
☆ अप्रूप पाखरे – ३ – रवींद्रनाथ टैगोर ☆ प्रस्तुति – श्रीमती उज्ज्वला केळकर ☆
[9]
डोळे मिचकावत
काजवा
अगदी शिष्ट आवाजात
तार्‍यांना म्हणाला
विद्वानांच्या मते
उध्वस्त होणार आहात
तुम्ही सारेच्या सारे
आज ना उद्या’
तारे?
काहीच बोलले नाहीत.
[10]
तुझ्या प्रार्थांनागीतांमध्ये
पुन:पुन्हा व्यत्यय आणत
शंख करणार्‍या
या माझ्या मूर्ख इच्छा
आसक्त…. अनावर
मला फक्त ऐकू दे
हे प्रभो…
[11]
पाखराला व्हायचं होतं
ढग
आणि ढगाला
पाखरू
[12]
पार सुकून गेलं
हे नदीचं पात्र…
भूतकाळासाठी आभाराचे शब्द
सापडत नाहीत त्याला
≡ ≡ ≡ ≡ ≡ ≡ ≡ ≡ ≡ ≡ ≡ ≡ ≡ ≡ ≡ ≡ ≡ ≡ ≡ ≡
मूळ रचना – स्व. रविंद्रनाथ टैगोर
मराठी अनुवाद – रेणू देशपांडे (माधुरी द्रवीड)
प्रस्तुति – श्रीमती उज्ज्वला केळकर
176/2 ‘गायत्री’, प्लॉट नं 12, वसंत साखर कामगार भवन जवळ, सांगली 416416 मो.- 9403310170
≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈
कवितेचा उत्सव 
