Tag: #मराठी-कविता

सुश्री अरूणा मुल्हेरकर

 कवितेचा उत्सव 

☆ स्वतंत्र भारत ☆ सुश्री अरूणा मुल्हेरकर ☆

भारतभूला स्वतंत्र करण्या

वीरपुत्र जन्मले

पारतंत्र्य शृंखला तोडण्या

अगणित रक्त सांडले

स्वातंत्र्यवीर सावरकर

राष्ट्रभक्तीने झपाटलेले

न पर्वा त्यांना प्राणांची

फिरंगी पळता भुई थोडे झाले

चिखलात उगवले कमळ

लोकमान्य बाळ गंगाधर टिळक

एकच जपला महामंत्र

“स्वराज्य माझा जन्मसिद्ध हक्क”

बापू अमुचे राष्ट्रपिता

आयुष्य वेचिले भूमातेकरिता

करात काठी कटीस पंचा

अहिंसा धर्माचे पुरस्कर्ता

पुकारिले आंदोलन

“भारत छोडो” केली चळवळ

नाही जगणे पारतंत्र्यी

एकच ध्यास एकच तळमळ

बलिदान भूमिपुत्रांचे

नको व्यर्थ जाया

एकजुटीने सारे आपण

स्वराज्याचे सुराज्य करूया

©  सुश्री अरूणा मुल्हेरकर

डेट्राॅईट (मिशिगन) यू.एस्.ए.

≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈

श्रीशैल चौगुले

 कवितेचा उत्सव 

☆ क्रांती ☆ श्रीशैल चौगुले ☆

(छंदवृत्तमात्राः अक्रुर)

मनात ज्वाळा पेटून ऊठल्या ज्या

स्वातंत्र्याची क्रांती पर

भारतीय वीरांच्या त्या हाती ध्वज

वंदे मातरम् ! गर्जे स्वर.

कुणी विचार नारा,कुणी भय कावा

जो तो शत्रुवरतीच वार

वंदे मातरम् !गर्जे स्वर.

हां,हां म्हणता युध्द पेटले,देशभर

गांधी धारदार बळ शुर

वंदे मातरम् ! गर्जे स्वर.

देशभक्त सारे जहाळ,मवाळ तारे

गेणू,बोस,वि.दा.बहादुर

वंदे मातरम् ! गर्जे स्वर.

भगत,सुखदेव,राजगुरु श्रेष्ठ अमर

जयहिंद! घोषित एक गजर

वंदे मातरम् ! गर्जे स्वर.

भारतमाता सिध्द स्वातंत्र्य तिरंगा

स्वागता पहाट सज्ज तत्पर

वंदे मातरम् ! गर्जे स्वर.

© श्रीशैल चौगुले

९६७३०१२०९०

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈

श्री सुहास रघुनाथ पंडित

 कवितेचा उत्सव 

☆ ज्येष्ठ ☆ श्री सुहास रघुनाथ पंडित ☆

शुष्क धरेवर शुभ्र घनासह पाय रोवले ज्येष्ठाने

कपाशीपरी मेघ भासती,की पंख पसरले हंसाने

वसंत सरला,ग्रीष्म भडकला,आग पेटली चोहिकडे

गुलमोहर हा उतू चालला,केशर मिश्रित पडती सडे

दिवस लांबले,पवन थांबले,पानोपानी रंग बदलले

सर हलकिशी यावी म्हणूनी आसुसलेले हे डोळे

कुटुंबवत्सल कुठे पक्षिणी घरट्यातून विसावे

मातीमधुनी क्वचित कोठे मृगकीटक खुणावे

ज्येष्ठ तपस्वी ॠषीमुनीसम या धवल मेघमाला

श्यामवर्ण मेघांचा होईल,सुखवी जो बळीराजाला.

©  श्री सुहास रघुनाथ पंडित

सांगली (महाराष्ट्र)

मो – 9421225491

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈

श्री हेमंत मुसरीफ

 कवितेचा उत्सव 

☆ लस घ्या ..☆ श्री हेमंत मुसरीफ ☆

आजीआजोबा रांगेत

किती वेळ  ते  तिष्ठत

मिळणारं  कधी  लस

उभे  राहिलेले  कष्टत

किती केवढा रे साठा

का उत्तर  ना  मिळत

लसघेणारे अन् साठा

समीकरणे ना  जुळत

घाई सकला लस देऊ

राहता  कायम  पळत

लस  पुरता  पुरेना बा

दळण राहतायं  दळत

लस संपली बोर्ड लाव

बसावे कारणे  टाळत

आम्ही मात्र सहन करे

मुळीचं नाही कंटाळत

तीचं ती धुणी  धुवावी

लक्तरे घालावी वाळत

लाईनमध्ये उभे आम्ही

रे आशेने लाळ गाळत

गुळमुळीत  तीचं उत्तरे

बसा  निवांत उगाळीत

हात हलवी परत  जाई

काहीचं नसते झोळीत

© श्री हेमंत मुसरीफ

पुणे

मो  9730306996

  www.kavyakusum.com

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈

 कवितेचा उत्सव 

☆ जाण मानवा… ☆ श्री आनंदहरी ☆

जाण मानवा, जाण अजूनही, तुझे ना काही येथे

येणे, रमणे आणिक जाणे, विश्वस्ताचे नाते    

तुझ्या ना हाती इथले जगणे, आज उद्याचे काही

निसर्ग येथे  लिहीत असतो, किर्द खतावणी वही

जमा तुझी ना, खर्च तुझा रे, सारे इथेच राहते

माझे ssमाझे गिरवत राहसी, आयुष्यात तू ओळी

तुला न कळते देईल नियती क्षणी कोणत्या झोळी

जीवनाची या जाण गंगा, सुकते,भरुनी वाहते

प्राण तुझिया देही असता, जगत सोयरे सारे

नश्वर काया, लोभ उगा का, वृथा वाहसी भारे

काळाच्या या जात्यामध्ये अवघे भरडुनी जाते

डोक्यावरचे छप्पर तुझे हे, नसते तुझ्या रे हाती,

पैसा अडका, नाती-गोती क्षण काळाचे सोबती

 नको अहं रे फुका कशाचा, होत्याचे नव्हते होते

स्वार्थाची अन भेदाची का जपशी भावना उरी

उधार घेतल्या श्वासांची तुज, वाटे का मनसबदारी ?

मातीतून येते दुनिया सारी,मातीतच मिळुनी जाते

© श्री आनंदहरी

इस्लामपूर, जि. सांगली

भ्रमणध्वनी:-  8275178099

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈

श्रीमती उज्ज्वला केळकर

 वाचताना वेचलेले 

☆ अप्रूप पाखरे – ४ – रवींद्रनाथ टैगोर ☆ प्रस्तुति – श्रीमती उज्ज्वला केळकर ☆ 

[11]

चांदण्यांच्या            

या लक्षावधी ठिणग्या

उसळवणारी

ती अंधाराची ज्वाला

कुठली असेल?

[12]

सळसळणार्‍या या पानांसवे

सळसळतात बघ विचार माझे

प्रकाशाचा स्पर्श होतो

आणि काळजात गाणी फुटतात.

नीळाईत या आकाशाच्या

कृष्णडोहात अन् कालौघाच्या

हलकेच तरंगत जाताना

सर्वांसह अनाम बनून…

किती खूश

किती प्रसन्न आहे मी

[13]

आपल्या प्रेमिकासाठी

आपला विशाल मुखवटा

उतरून ठेवतं विश्व

आणि किती चिमुकलं होतं ते

चिरंतनाच्या

एखाद्या चुंबनाइतकं…

एखाद्या गीताइतकं….

[14]

वसंतातलं फूल बनून

फुलू दे.. फुलू दे..’

शिशिरातलं पान बनून

गळू दे.. गळू दे..

≡ ≡ ≡ ≡ ≡ ≡ ≡ ≡ ≡ ≡ ≡ ≡ ≡ ≡ ≡ ≡ ≡ ≡ ≡ ≡

मूळ रचना – स्व. रविंद्रनाथ टैगोर 

मराठी अनुवाद – रेणू देशपांडे (माधुरी द्रवीड)

प्रस्तुति – श्रीमती उज्ज्वला केळकर

176/2 ‘गायत्री’, प्लॉट नं 12, वसंत साखर कामगार भवन जवळ, सांगली 416416 मो.-  9403310170

≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈

 कवितेचा उत्सव 

☆ आला मिरूग शिवंला ☆ श्री प्रकाश लावंड ☆

आलं आभाळ भरून

बये उचल तू पाय

झटं घेतय वासरू 

रानी हंबरते गाय

आलं आलं झाकाळून

सांज झाली येरवाळी

लगाबगा चाल कशी

घर घालतंय हाळी

आलं दाटून काहूर

वारं झपकं मारतं

वीज चमकून उठं

तार सोन्याची उमटं

आला मिरूग शिवंला

संगं घेऊन पखाली

पावसाच्या स्वागताला 

उतावीळ झाली काळी

© श्री प्रकाश लावंड

करमाळा जि.सोलापूर.

मोबा 9021497977

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈