श्री अशोक श्रीपाद भांबुरे
☆ साप्ताहिक स्तम्भ – अशोक भांबुरे जी यांची कविता अभिव्यक्ती # 96 ☆
☆ नांगराचा फाळ ☆
नांगराचा फाळ घेते काळजावर
वेदनेचा मातिच्या गर्भात वावर
वेदने खेरीज येथे सृजन नाही
सृजन दुःखालाच देते फक्त ग्वाही
मातिचा आधार ज्याला तेच स्थावर
तू प्रवासी पाहुणा आहे घडीचा
डाव रोजच खेळतो आहे रडीचा
तू सुखाला मागतो आहेस सत्वर
मोह माया येत नाही सोबतीला
सत्य आहे जे मिळाले ह्या घडीला
दौलतीचा सोस आहे सांग कुठवर
पेटली ही लाकडे जेव्हा स्मशानी
थांबली ही माणसे बघ दूर स्थानी
पेटलेला देह आहे फक्त नश्वर
© अशोक श्रीपाद भांबुरे
धनकवडी, पुणे ४११ ०४३.
मो. ८१८००४२५०६, ९८२२८८२०२८
≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈
कवितेचा उत्सव 
