सौ. वंदना अशोक हुळबत्ते
☆ कवितेचा उत्सव ☆ तू हरवलीस…. ☆ सौ. वंदना अशोक हुळबत्ते ☆
स्वयंपाक करताना
कविते, नको मनात येवू
लेकरं माझी
जाणार आहेत शाळेत जेवून
तुला लिहित बसले तर
कसं होणार काम?
मी म्हणते जरा तू थांब
आॅफिस मध्ये आहे
फाईलींचा ढिग
काम करता करता
जाईन मी वाकून
तिथ तू आलीस तर
काम कसं होणार
पगार नाही मिळाला तर
घर कसं चालणार
कविते तू इथ नको येवू
संध्याकाळी घरी
जाण्यांची घाई
चिमणी पाखरं माझी
वाट बघतात बाई
अंमलेल्या मनात तूला कुठं ठेवू
कविते तू आता नको येवू
दिवसभराच्या कामाने
कंटाळा आला भारी
निद्रादेवीच्या कुशीत
शिरली स्वारी
दुसऱ्या दिवशीच्या
कामाची यादी समोर आली
कविते तू कुठं ग हरवलीस?
© सौ.वंदना अशोक हुळबत्ते
मो.९६५७४९०८९२
≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित ≈
