मराठी साहित्य – कविता ☆ साप्ताहिक स्तम्भ # 88 – समर्पण ! ☆ कविराज विजय यशवंत सातपुते

कविराज विजय यशवंत सातपुते

☆ साप्ताहिक स्तम्भ # 88 – विजय साहित्य  समर्पण !  कविराज विजय यशवंत सातपुते ☆

तेजोवलये क्षीण जाहली

निरोप घेता घेता.

त्वरे परतुनी येईन पुन्हा

गाज सागरी सांगे जाता.

अनुभवाचा परीघ हवासा

रवी जातसे अस्ताला

वा-यावरती सांज सावल्या

आठवणींच्या मस्तीला.. . . !

बघ सोनेरी झाले पाणी

वेचून घे ते शाब्दिक मोती .

आठवणींना आले बाळसे

कण वाळूचे सरकत जाती.. !

असा दुरावा  आणि मिलन

रवी बिंबाचे अस्त विलेपन

अन लाटेची अवखळ मात्रा

हसते जीवन करी समर्पण. . . . !

© कविराज विजय यशवंत सातपुते