मराठी साहित्य – कविता ☆ साप्ताहिक स्तम्भ #120 – विजय साहित्य – भीमा तुझ्यामुळे…! ☆ कविराज विजय यशवंत सातपुते ☆

कविराज विजय यशवंत सातपुते

कवितेचा उत्सव # 120 – विजय साहित्य

(14 एप्रिल 1891 – 6 डिसेंबर 1956)

☆ भीमा तुझ्यामुळे…! ☆ कविराज विजय यशवंत सातपुते ☆

शिका, लढा, नी, संघटीत व्हा

कळले रे भीमा तुझ्या मुळे.

माणूस होतो, माणूस राहू

शिकलो रे ,भीमा तुझ्या मुळे…! १

चवदार तळ्याची घटना

तरलो रे, भीमा तुझ्या मुळे

समाजातले भेदाभेद ही

जाणले रे, भीमा तुझ्या मुळे…! २

समाज विघातक रूढींचे

निर्दालन भीमा तुझ्या मुळे

पाखंडी पणा, कर्मकांडाचा

उमजला, भीमा तुझ्या मुळे…! ३

लोकशाहीचा देश आपुला

एकी झाली, भीमा तुझ्या मुळे

समाज बांधवा दिशा मिळाली

जागृती ही , भीमा तुझ्या मुळे…! ४

संविधान राज्य घटनेचे

साकारले,भीमा तुझ्या मुळे

आचार आणि विचार मोठे

आकारले, भीमा तुझ्या मुळे…! ५

अन्यायाचा प्रतिकार करू

शिकलो रे, भीमा तुझ्या मुळे

कमवू आणि, आधार होऊ

जगलो रे, भीमा तुझ्या मुळे…! ६

© कविराज विजय यशवंत सातपुते