मराठी साहित्य – कवितेचा उत्सव ☆ आषाढ सुख… ☆ श्रीशैल चौगुले ☆

श्रीशैल चौगुले

 कवितेचा उत्सव 

☆ आषाढ सुख… ☆ श्रीशैल चौगुले ☆

ऊधळावा अबीर  गगनातला बुका

गजर  ज्ञान-तुका   पावसातली वारी.

आषाढाचे अभंग  टाळ-चिपळी वारा

वृक्ष-वल्लरी दारा  सृष्टीशृंगारे न्यारी.

भक्त-थोर सकळ  पामराचे अंगण

वाखरिचे रिंगण  स्वर्गापरी पंढरी.

हसू आनंदी मुखी  चंद्रभागा ऊजळे

पाप कर्माचे ढळे  पवित्र निरभावे.

ऐसा सुखाचा योग  पाही विठ्ठले डोळा

सारे पाहुनी भोळा  चैतन्याचा पुतळा.

© श्रीशैल चौगुले

९६७३०१२०९०

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈