मराठी साहित्य – कवितेचा उत्सव ☆ सुजित साहित्य #119 – इवलीशी पणती ☆ श्री सुजित कदम ☆

श्री सुजित कदम

 कवितेचा उत्सव 

☆ सुजित साहित्य # 119 – इवलीशी पणती ☆

इवलीशी पणती

वाइवलीशी पणती-यावर डुलते

अंधाराशी कशी

एकटीच भांडते…?

अंधाराशी तिचं

मुळीच पटत नाही

एकटीच असते

तरी घाबरत नाही..!

तिची ही धडपड

खूप काही शिकवते

उजेडाने तिच्या

अंधाराला पळवते…!

तिच्यासारखं मला

धीट व्हायला हवं

तिच्यासारखं जिद्दीने

जगता यायला हवं…!

संपर्क – 117, विठ्ठलवाडी जकात नाका, सिंहगढ़   रोड,पुणे 30

मो. 7276282626

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈