मराठी साहित्य – कवितेचा उत्सव ☆ घर व्हावे गोकुळ… ☆ सौ. स्वाती रामचंद्र कोरे ☆

सौ. स्वाती रामचंद्र कोरे

 कवितेचा उत्सव 

☆ घर व्हावे गोकुळ… ☆ सौ. स्वाती रामचंद्र कोरे ☆

विस्कटले… घरदार

हरवली…सारी नाती

उसवले… गणगोत

उदासल्या..साऱ्या भिंती…||१||

कुठे…लोपला जिव्हाळा

अंतरीचा… तो उमाळा

शोधूनिया… थकलोय

जिवलग… गोतावळा..||२||

सारी ..किमया पैशाची

जन..त्यामागे धावती

कोण पुढे…कोण मागे

जणू..शर्यत लावती…||३||

आई बाबा… वृद्धाश्रमी

मुले..पाळणाघरात

घर.. हसते खेळते

चित्र..दिसते स्वप्नात…||४||

हरवले…घरपण

चला…शोधून आणूया

एकमेंका…जपताना

घर…गोकुळ करूया…||५||

©  सौ. स्वाती रामचंद्र कोरे

भिवघाट.तालुका, खानापूर,जिल्हा सांगली

मो.9096818972