श्रीमती रंजना मधुकरराव लसणे
कवितेचा उत्सव
☆ रंजना जी यांचे साहित्य # 128 – नको साजणी तू ☆
नको साजणी तू ।अशी दूर आता।
मनी आसवांचा । नको पूर आता।
तुझा छंद माझ्या। जिवाला जडे हा।
तुझ्या दर्शनाने । टळे धूर आता।
अशा शांत वेळी । नको हा दुरावा।
तुझा हात हाती ।असे नूर आता।
किती भाव नेत्री। तुझ्या दाटलेले।
इशारा कशाला । जुळे सूर आता।
तुझा स्पर्श भासे जणू चांदण्याचा।
उगी लाजण्याने। अशी चूर आता।
© रंजना मधुकर लसणे
आखाडा बाळापूर, जिल्हा हिंगोली
9960128105
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈