श्रीमती रंजना मधुकरराव लसणे
कवितेचा उत्सव
☆ रंजना जी यांचे साहित्य # 129 – तुझे रूप दाता ☆
तुझे रूप दाता स्मरावे किती रे ।
नव्यानेच आता भजावे किती रे।
अहंकार माझा मला साद घाली ।
सदाचार त्याला जपावे किती रे।
नवी रोज स्पर्धा इथे जन्म घेते।
कशाला उगा मी पळावेकिती रे ।
नवी रोज दःखे नव्या रोज व्याधी।
मनालाच माझ्या छळावे किती रे।
कधी हात देई कुणी सावराया।
बहाणेच सारे कळावे किती रे ।
पहा सापळे हे जनी पेरलेले ।
कुणाला कसे पारखावे किती रे ।
© रंजना मधुकर लसणे
आखाडा बाळापूर, जिल्हा हिंगोली
9960128105
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
