मराठी साहित्य – कवितेचा उत्सव ☆ पणती घेऊन हाती ☆ सुश्री नीलांबरी शिर्के

☆ कवितेचा उत्सव ☆ पणती घेऊन हाती ☆ सुश्री नीलांबरी शिर्के ☆

पणती घेऊन हाती

प्रकाश होऊन आले

हलकेच तमाच्या पुढती

उजळती रेषा झाले

थंडीच्या गडद रातीला

उबदापणाही येतो

वेढून कुडी भवताली

मायेची उब तो देतो

हि इवली प्रकाशपणती

ह्रदयाशी तेवत ठेवु

आपुलकी विश्वासाचे

नीत स्नेह तियेला देऊ

एक चिमट रांगोळीची

अंगणास दे श्रीमंती

उंबरठा त्याच सदनाचा

मर्यादेची सांगतो किर्ती

व्यवहार भावनेमधुनी

उंबरठा रेष ओढीतो

व्यवहावर जग चाले

घरगाडा भावना जपतो

हा प्रकाश घेऊन हाती

चल जपुया सारी नाती

हा वेढून असता भवती

ना उरे तमाची भिती

दिपावलीच्या पूर्ण परिवारातील सर्वांना शुभेच्छा ??

©  सुश्री नीलांबरी शिर्के

≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित ≈