महंत कवी राज शास्त्री
हे शब्द अंतरीचे # 129
☆अष्ट-अक्षरी…ऊन पावसाचा खेळ… ☆
ऊन पावसाचा खेळ
जाणा जीवनाचा सार
नका करू वळवळ
वेळ बाकी, थोडा फार.!!
ऊन पावसाचा खेळ
सुख दुःख रेलचेल
कधी हसावे रडावे
मन असते चंचल.!!
ऊन पावसाचा खेळ
उष्ण थंड अनुभव
सर्व असूनी परंतु
राहे सदैव अभाव.!!
ऊन पावसाचा खेळ
सुरु आहे लपंडाव
अश्रू येतात डोळ्याला
काय निमित्त शोधावं.!!
ऊन पावसाचा खेळ
भासे दुर्धर कठीण
राज अबोल अबोल
तोही स्वीकारी आव्हान.!!
© कवी म.मुकुंदराज शास्त्री उपाख्य कवी राज शास्त्री
श्री पंचकृष्ण आश्रम चिंचभुवन, वर्धा रोड नागपूर – 440005
मोबाईल ~9405403117, ~8390345500
≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ.गौरी गाडेकर≈
