डॉ.सोनिया कस्तुरे
कवितेचा उत्सव
☆ दोन फुले… ☆ डॉ.सोनिया कस्तुरे ☆
सावली मिळेल आशेने
ऊन्हात तू चालत राहावे
सावली धुंडाळताना
तुजमधूनि झाड निपजावे !
मोद अखंड वेचून घ्यावे
ग्रीष्म ऊन्हे ती झेलताना
आनंदे उर भरुन यावे
सावलीत कुणी येताना !
पावसाशी कृतज्ञता
मृदेची जाणिव असावी
एकमेव नसतोच कधी
अहंकारी वृत्ती नसावी !
निसर्गातून बहरण्याची
संधी असे साऱ्यांकडे
बहर ज्यास ठावे त्याने
दोन फुले इतरांस द्यावे !
सावली शोधत आशेने
ऊन्हात मी चालत राहते
सावली धुंडाळताना
झाड मी होऊन जाते !
मोद = आनंद
© डॉ.सोनिया कस्तुरे
विश्रामबाग, जि. सांगली
भ्रमणध्वनी:- 9326818354
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
