श्री अशोक श्रीपाद भांबुरे
अशोक भांबुरे जी यांची कविता अभिव्यक्ती # 197
☆ खिन्न रोपटे… ☆ श्री अशोक श्रीपाद भांबुरे ☆
☆
तुला वाटले तसेच माझ्या मनात होते
दोघांचेही गाणे अपुले सुरात होते
☆
किती दिवस मी खिन्न रोपटे पहात होतो
वसंत येतो अन् आंदोलन फुलात होते
☆
भरून दुथडी वहात होते डोळे माझे
वाहुन गेले सारे मोती पुरात होते
☆
डोळ्यांमधल्या पावसासही चिंता आहे
त्याचे डोळे पाणी शोधत ढगात होते
☆
संस्काराची ऐसी तैसी केली त्याने
भ्रष्ट वागला भोग वाढले पुढ्यात होते
☆
लाठ्या काठ्या घेउन सारे जसे धावलो
नाग विषारी बसले जाउन बिळात होते
☆
यश कीर्तिच्या शिखरावरती मजेत तारे
चंद्रासोबत जीवन माझे सुखात होते
☆
© अशोक श्रीपाद भांबुरे
धनकवडी, पुणे ४११ ०४३.
मो. ८१८००४२५०६, ९८२२८८२०२८
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
