सुश्री साधना प्रफुल्ल सराफ
कवितेचा उत्सव
☆ कुणा न ठाऊक… ☆ सुश्री साधना प्रफुल्ल सराफ ☆
कसा कुठे अन
किती लांबचा
अज्ञाताचा प्रवास,
कसे कुणी अन किती
ठरवले प्रत्येकाचे इथले
श्वास!
जन्मभराचा सोबती
अचानक,सोडून जातो साथ
नवल, दुःख आणि
निराशा येते मग
पदरात!
अज्ञाताचे भय
कायमचे मर्त्य
मानवी मनात,
यास्तव मृत्यु
भेवडावतो प्रत्येकाला
जगात
शाश्वत रित्या
ताटातूटही
छिन्न करते
मनास!
उपाय काही
आजवर नाही
सापडला कोणास!
मन तळमळते,
कळवळते अन
अखेर कळते त्यास
उपाय काही नाही
यावर, स्विकार
करण्याशिवाय!
© सुश्री साधना प्रफुल्ल सराफ
संपर्क – 1565, सदाशिव पेठ, ‘लक्ष्मी सदन’, पी. जोग क्लास लेन, पुणे, ४११०३०. मो. 7709014058.
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
