कविराज विजय यशवंत सातपुते
☆ विजय साहित्य ☆ सौभाग्य . . . ! ☆ कविराज विजय यशवंत सातपुते ☆
शतभाग्याचे पुण्य ते
ज्या ज्या कर्माने लाभते
पुण्यसंचयी क्षण ते
सौभाग्याचे नाव घेते. . . . !
श्रद्धा आणि सबुरीने
क्षण सौभाग्याचा येई
कधी होई स्वप्न पूर्ती
कधी दुःख लया जाई. . . . .!
सहजीवनात येती
सौभाग्याचे नाना क्षण
विश्वासाने वेचायचा
आठवांचा कण कण. . . . !
सौभाग्याच्या क्षणांमधे
सामावले कर्मफल
साथ हवी विश्वासाची
मिळे जगण्याचे बळ. . . . . !
काम, क्रोध, लोभ, मोह,
सारे पापाचेच धनी
संयमाच्या अंकुशाने
करू संस्कार पेरणी. . . . !
दान द्यावे, दान घ्यावे
दुःख, दैन्य, दूर जावे
सौभाग्याचे क्षण असे
नात्यांमधे दृढ व्हावे. . . . !
© विजय यशवंत सातपुते
यशश्री, 100 ब दीपलक्ष्मी सोसायटी, सहकार नगर नंबर दोन, पुणे 411 009.
मोबाईल 9371319798
≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित ≈
