सुश्री अरुणा मुल्हेरकर
कवितेचा उत्सव
☆ अभंग… ☆ सुश्री अरुणा मुल्हेरकर ☆
☆
बसते मी एकांतात / विचार मनी येतात/
कोण आहे का आपला/ जो तो स्वतःत रमला/
☆
भरले जग स्वार्थाने / माणूस विके पैशाने/
एक बांधतो इमला / दुजा बिचारा दुबळा//
☆
अन्न जाते वाया पाही / दीनामुखी घास नाही/
विषमता दुःख देई / धाव पाव माझे आई//
☆
मंदिरात दिसे भक्ती / बाहेरी का आसक्ती /
ईश जाणतो भक्ताला / नाही थारा दिखाव्याला //
☆
क्षणभंगुर जीवन/ करी मानवा पावन/
एकलाच तू येणार/ एकलाच तू जाणार//
☆
आहे जीवन तोवर/ करावा रे उपकार/
पुण्य गाठी बांधशील/ संगे घेऊन जाशील//
☆
फल संचित कर्माचे/ याच जन्मी भोगायाचे/
स्मर सदा परमार्थ/ तोच जीवनाचा अर्थ//
☆
© सुश्री अरुणा मुल्हेरकर
डेट्राॅईट (मिशिगन) यू.एस्.ए.
≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित ≈
