मेहबूब जमादार
कवितेचा उत्सव
☆ फुलसर… ☆ 
मेहबूब जमादार ☆
☆
आठवांचा छान फुलसर
करतो आहे मला वेडसर
*
तू असल्यावर मला वाटते
माझ्या कवेत आहे अंबर
*
तू गेल्यावर वाढत जाते
मनामनातील मोठे अंतर
*
दोघांच्या सहवासातील
पसरते भोवती अत्तर
*
फांद्यावरती झुलत राहते
मैनेचे ते सुंदर गुज स्वर
*
गोड तुझ्या तू बोलण्यातून
पेरत जातेस हळूच साखर
*
आठवणींच्या त्या मोहोळी
राहावे वाटे रोज निरंतर
☆
© मेहबूब जमादार
मु. कासमवाडी,पोस्ट -पेठ, ता. वाळवा, जि. सांगली
मो .9970900243
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
Very nice Mehboob Sir..