डॉ.सोनिया कस्तुरे
कवितेचा उत्सव
☆ खंत मजला ! ☆ डॉ.सोनिया कस्तुरे ☆
☆
फूल अनामिक कोठलेसे
गंध वाहणे नाद मजला !
*
व्यक्ती पूजा गर्व निपजे
स्तुतीपाठक न रुचे मजला !
*
ममत्वाचा मानव नवखा
साद घालणे नाज मजला !
*
मैत्रभाव आदर समजे
भक्त होणे अमान्य मजला !
*
तोडणे सोपेच असते
सांधण्याचा छंद मजला !
*
कलह तर सहज होतो
शांततेचे भान मजला !
*
कृतघ्नता सोपीच होती
उपकाराची जाण मजला !
*
जीवनातील क्षण मोजता
प्रेम, करुणा तहान मजला !
*
दोन थेंब जरी गवसले
दोन झऱ्याचे सुख मजला !
*
संवादात आनंद शोधते
विरोध धोका, खंत मजला !
☆
© डॉ.सोनिया कस्तुरे
विश्रामबाग, जि. सांगली
भ्रमणध्वनी:- 9326818354
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
