सुश्री अरूणा मुल्हेरकर
कवितेचा उत्सव
☆ ‘मन पाखरा रे…’ ☆ सुश्री अरूणा मुल्हेरकर ☆
(देवप्रिया~ गालगागा गालगागा गालगागा गालगा)
☆
मानसीच्या पाखरा रे पिंजरा हा तोड तू
कोंडलेल्या भावनांना या अशा रे सोड तू
*
खूप झाली बंधने अन खूप झाले सोसणे
संपली सारीच शक्ती बांध आता फोड तू
*
अंतरीच्या वेदनांना सांग का लपवू कसे?
सागराची लाट उठली जा अशी ती मोड तू
*
मोरपंखी स्पर्श सखया रोमरोमी साठला
सोबतीला राहुनी बघ जीव आता जोड तू
*
भ्यायचे नाही जराही बोलुदे काही कुणी
का तमा पण बाळगावी मान नाते गोड तू
☆
© सुश्री अरूणा मुल्हेरकर
२२/०४/२०२४
डेट्राॅईट (मिशिगन) यू.एस्.ए.
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
