सुश्री त्रिशला शहा
कवितेचा उत्सव
☆ दोन छत्र्या… ☆ सुश्री त्रिशला शहा ☆
☆
दोन छत्र्या रस्त्यात भेटल्या
हाय, हँलो म्हणून खुदकन् हसल्या
*
किती दिवसांनी भेट झाली
विचार दोघींच्या आला मनी
*
भेटलोच आहोत तर गप्पा मारू
सुखदुःखाच्या चार गोष्टी करू
*
काय चाललय सध्या तुझं
इतके दिवस तू होतीस कुठं
*
काय सांगू बाई तुला
असा कसा गं जन्म आपला
*
उन्हात तापायच,पावसात भिजायच
रस्त्यावर नुसत गरगर फिरायच
*
तुझी सुध्दा हीच नं कथा
दुसऱ्यांसाठीच जन्म आपला
*
दोघींनीही मोकळे केले मन
किती दिवसांची मनाची तगमग
*
अजूनही थोड बोलायच होत
मनातल सार सांगायच होत
*
पण हाय रे दैवा
आमच्याकडे एवढा वेळ कुठला
*
खसकन् माझ नाक दाबल
ड्युटीवर रूजू व्हावच लागल
*
दोघीही मनातून खट्टू झाल्या
मालकिणीसंग विरूद्ध दिशेला गेल्या
☆
© सुश्री त्रिशला शहा
मिरज
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
