सौ. उज्वला सुहास सहस्रबुद्धे
☆ वारी आषाढीची… ☆ सुश्री उज्वला सुहास सहस्रबुद्धे ☆
☆
वारी आषाढीची,
निघे पंढरपूरी !
वारकऱ्यांची गर्दी,
दिसे वाटेवरी !
*
दिसे वाटेवरी ,
जथा वारकऱ्यांचा!
विठ्ठलाच्या भजनात,
वारकरी दंग होता!
*
वारकरी दंग होता,
टाळ चिपळीचा गजर!
साथीला मृदुंगाची थाप,
वारकरी रमले फार!
*
वारकरी रमले फार,
विठ्ठलाच्या त्या ओढीने!
गाठण्यास पंढरपूर,
जाती धावत वेगाने!
*
वारीच्या वाटेवर ,
असे वारकरी गर्दी!
विठ्ठलाच्या भजनाची,
जाई पंढरीस वर्दी !
*
टाळ चिपळी मृदुंग,
भक्त होती त्यात दंग!
विठ्ठल नामाची ओढ,
देई वारकऱ्यांस वेग !
☆
© सुश्री उज्वला सुहास सहस्रबुद्धे
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
